Jeremías 14:21 - Chayahuita (Shahui)

²¹ Quëmaso noyanquën. Naporanso nitotacaiso marëꞌ, ama aꞌpocoisohuëꞌ. Huaꞌanëntëranso shiranën huënaráchin huënaráchin Quirosarin ninanoquë yaꞌhuërin. Ina yonquiaton iso ninanosoꞌ nosoroquëꞌ. Iráca quiyarëꞌquën anoyatëran. Ama ina naniantaton, nonpinatë pochin niquësohuëꞌ.

Jeremías 14:21 ပူးပေါင်းရင်းမြစ်များ

Salmos 145:11

Noya noya huaꞌanëntëransoꞌ yonquiatonaꞌ, shaꞌhuiinaꞌ. Chini chiníquën nanantaton catahuatëransopitantaꞌ, shaꞌhuiinaꞌ.

Salmos 51:11

Ama aꞌpomiatocosohuëꞌ. Noya nicaꞌhuaso catahuarincoso ispirito, ama cancanëhuë quëran ocoiquësohuëꞌ.

Éxodo 32:13

Piyapinënpita: Apraan, Isaco, Cacopo, inapita yonquiaton shinpita nosoroquëꞌ. ‘Caso Yosëco niꞌto, catahuaranquëmaꞌ. Shiparimapita tayora nápo naꞌapon. Iso noꞌpa chachin inapitari huaꞌanëntomiataponaꞌ,’ itëran. Ina yonquiquëꞌ,” itërin.

Jeremías 14:19

Sinioro, co pora Cota huënton israiroꞌsacoi aꞌpomiatërancoihuëꞌ. Co pora Quirosarinquë yaꞌhuëraisopita amimiatërancoihuëꞌ. ¿Onpoatonta nipachin co nimiriohuanhuë pochin nitërancoi? Noya yaꞌhuëcaꞌhuaiso ninapiraihuëꞌ, maꞌsha onpocaꞌhuaisoraꞌ, cantiirincoi. Sano yaꞌhuëcaꞌhuaiso ninapiraihuëꞌ, paꞌpi paꞌyansaꞌ, cantiirincoi.

Jeremías 14:7

Sinioro tëhuënchachin quiyasoꞌ oshahuancoi niꞌton, co catahuancoiso inashitëraihuëꞌ. Napopiraihuëꞌ, noyanquën ninanso nitotacaiso marëꞌ catahuacoi. Nisha nisha cancantatoi naꞌaro tëhuëtërainquën. Inapoatoi naꞌcon oshahuanai.

Daniel 9:7

Quëmasoꞌ noya coisë pochin nicaton, noꞌtëquën anaꞌintërancoi. Ina marëꞌ quiyasoꞌ yaꞌipi cotioroꞌsacoi tapanai. Quirosarinquë yaꞌhuëpisopita, aꞌnapita israiroꞌsa yaꞌcaria yaꞌhuëpisoꞌ, áquë yaꞌhuëpisoꞌ, quëma nisha nisha noꞌparoꞌsaquë tëꞌyatërancoi. Yaꞌipicoi oshahuanai niꞌton, inapotërancoi.

Amós 6:8

Ina quëran Yosëso taantapon: “Caso Yosëco yaꞌipi nanitaparahuë. Caso Sinioroco niꞌto, noꞌtëquën shaꞌhuitaranquëmaꞌ: ‘Israiroꞌsasoꞌ, yanocantopi. Inapopiso co quëꞌyarahuëꞌ. Noya pëiroꞌsa yaꞌhuëtopi niꞌton, “co manta onpoaraihuëꞌ” topisontaꞌ, co quëꞌyarahuëꞌ. Ca nohuanton inimiconënapitari Samariaquë yaꞌhuëpisopita minsëaponaꞌ. Inapotatonaꞌ, yaiꞌpi maꞌshanënapita mataponaꞌ,’ tënahuë,” tënin.

Lucas 1:72

Iráca shimashonënpoapita nosoroaton, naporin. Ipora huantaꞌ nosororinpoaꞌ. Shaꞌhuitërinsoꞌ co Yosëri naniantërinhuëꞌ.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

Efesios 2:7

Yosë inaora nohuanton, naꞌcon nosororinpoaꞌ. Quisocristo imapatëhuaꞌ, noya catahuarinpoaꞌ. Aꞌna tahuëri aꞌnapitantaꞌ nicatënënpoaꞌ, Yosë chinotapi: “Ma noyacha Yosëri nosororin paya,” tosapi.

Deuteronomio 32:19

Naporamaso nicaton, Yosëso noꞌhuitërin huachi. Huiꞌninpita pochin nipiramahuëꞌ, noꞌhuirinquëmaꞌ.

Apocalipsis 11:2

Iꞌiratëso nipirinhuëꞌ, ama aꞌniquësohuëꞌ. Inaquë nisha piyapiꞌsaꞌ yaꞌconapi. Co Yosë imaponaraihuëꞌ, inaquë yaꞌconahuatonaꞌ, tapirapi. Yosë ninanonëontaꞌ tapirapi. Cara piꞌipi miria pochin napotapi.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.