Jeremías 1:10 - Chayahuita (Shahui)

¹⁰ “Ca nohuanto nanamëhuë noꞌtëquën shaꞌhuiaran. Nisha nisha piyapiꞌsaꞌ, nisha nisha copirnoroꞌsari huaꞌanëntopisoꞌ, inapita pënënacaso marëꞌ nanan quëtaranquën. Pënënpatan co natëtohuachinahuëꞌ, pacatoro huaꞌtahuatë ataꞌhuantërëso pochin, noꞌpapi pëi ohuatahuatë ninomotërëso pochin anaꞌintarahuë. Noya natëhuachinaso nipirinhuëꞌ, sharoꞌsa shacatë pochin nitato, noya noya nicacaisoꞌ catahuararahuë,” itërinco.

Jeremías 1:10 ပူးပေါင်းရင်းမြစ်များ

1 Reyes 17:1

Carata parti, Tisipi ninanoquë aꞌnara pënëntonaꞌpi yaꞌhuërin. Inasoꞌ, Iniasë itopi. Aꞌna tahuëri inasoꞌ, Acapo paaparahuaton itapon: “Sinioro chinotërëhuaso yaꞌhuërin niꞌton, caso inasáchin natërahuë. Ina camairinco niꞌton, noꞌtëquën shaꞌhuitaranquën. Ipora quëran huarëꞌ co huachi oꞌnanaponhuëꞌ. Co poroncayo tëranta yaꞌhuëaponhuëꞌ. Ca shaꞌhuiantaꞌhuarëꞌ yaꞌhuëantapon. Co Sinioro natëtonhuëꞌ oshahuananso marëꞌ ina pochin anaꞌintarinquën,” itërin.

1 Reyes 19:17

Inapotohuatan, insosona Asairo quëran chaꞌëpachin, Quiori tëpapon. Quio quëran chaꞌëpachin, Irisiori tëpapon. Ina nipirinhuëꞌ, ca nohuanton canchisë huaranca israiroꞌsa imamiatarinaco. Inapitaso mamanshi Paaro itopisoꞌ, co moshapihuëꞌ,” itërin.

Eclesiastés 3:3

Maꞌsha onpotacaso tahuëri. Nonëntacaso tahuëri. Maꞌsha ninësoꞌ, oquicaso tahuëri. Oquirësonta anoyataantacaso tahuëri.

Jeremías 1:5

“Coꞌhuara nasichátërasënquënhuëꞌ, huayonanquën. Naporo chachin acoranquën pënëntacaso marëꞌ. Yaꞌipi nisha nisha piyapiꞌsa nipisopita pënënaran,” itërinco.

Jeremías 31:28

Piyapinëhuëpita huaꞌtatë tëꞌyatërëso pochin nitaꞌhuaso marëꞌ nóya niꞌnahuë. Maꞌsha onpotato ataꞌhuantërëso pochin nitaꞌhuaso marëntaꞌ, nóya niꞌnahuë. Napoaton yonquirahuëso chachin nanirin. Iporaso napoaponahuëꞌ, shaꞌtërëso pochin, pëirëso pochin nitaantaꞌhuaso marëꞌ noya niꞌsápo. Ca Sinioroco shaꞌhuitaranquëmaꞌ.

Jeremías 31:40

Chimipiroꞌsaꞌ, huarianoꞌ, inapita tëꞌyatopiso motopiana, ca marëꞌ acoaponaꞌ. Yaꞌipi iminoꞌsantaꞌ, Sitron iꞌshaquë huarëꞌ inapotaponaꞌ. Ina quëran: ‘Cahuarioroꞌsa yaꞌcoana’ itopiquë huarëntaꞌ, inapoaponaꞌ. Inasoꞌ yaꞌcoana piꞌi pipirinso parti quëran yaꞌhuërin. Inapotohuachinaꞌ, co huachi onporo tëranta ataꞌhuantaantaponahuëꞌ,” tënin.

Jeremías 36:2

“Aꞌnara soꞌnanpi quirica maquëꞌ. Naporahuaton israiroꞌsaꞌ, Cota huënton israiroꞌsaꞌ, yaꞌipi aꞌnapita nacionoꞌsaꞌ, inapita maꞌsona onpotaꞌhuasoꞌ shaꞌhuitëranquënsopita inaquë ninshitëquëꞌ. Cosiasë copirno huaꞌanëntasoꞌ, caniaritërahuë nontaꞌhuanquënsoꞌ. Ipora tahuëriquë huarëꞌ anitotëranquënsopita ninshitëquëꞌ.

Ezequiel 36:36

Naporoꞌ yaꞌhuëramaso yaꞌcari yaꞌhuërapisopitasoꞌ: “Yaꞌhuëpiso noꞌpaꞌ tapitopirinahuëꞌ, tëhuënchachin Siniorori anoyataantarin. Paquiiri paꞌpitatë pochin nitopirinhuëꞌ, naquëranchin shaantarëso pochin nitaantarin,” tosapi. Ca Sinioroco naporahuë niꞌton, ina chachin nisarin.

Oseas 6:5

Napoaton pënëntonaꞌpiroꞌsa quëran paꞌsa paꞌsatërëso pochin nitëranquëmaꞌ. Shaꞌhuitopiranquëmahuëꞌ co natëramacohuë niꞌton, tëpatë pochin nitëranquëmaꞌ. Oꞌcori huënshaꞌ, taꞌsochachin huira ahuëtërin. Inapochachin carimanta anaꞌintohuatënquëmaꞌ, co oshataponquëmahuëꞌ.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.

Amós 9:11

Naquëranchin Sinioro taantarin: “Co huaꞌquiya quëranhuëꞌ israiroꞌsa noya acoantarahuë. Iráca Tapi copirnori huaꞌanëntapon naporinso pochachin acoantarahuë.