Isaías 9:7 - Chayahuita (Shahui)

⁷ Tapi copirno iráca huaꞌanëntërinso shiraquë huënsëaton huaꞌanëntapon. Chiníquën nanantaton, yaꞌipi parti camaitapon. Ina huaꞌanëntarin niꞌton, sano yaꞌhuëmiatapi. Co onporonta huaꞌanëntërinso nitiquiaponhuëꞌ. Noꞌtëquënáchin yonquiaton, noyasáchin nicapon. Ipora quëran huarëꞌ naporinsoꞌ, co onporonta nishataponhuëꞌ. Siniorosoꞌ yaꞌipi nanitaparin. Nosoromiatatonpoa napoarin.

Isaías 9:7 ပူးပေါင်းရင်းမြစ်များ

2 Samuel 7:16

Quëmá quëran pipipisopita cari aꞌpairápo. Napoaton inapitaráchin piyapinëhuëpita copirnonëna yaꞌconaponaꞌ. Ca nohuanto inapitaso copirno yaꞌconatonaꞌ, huaꞌanëntáponaꞌ. Co nisharoꞌsari huaꞌanëntarinhuëꞌ,” tënin,’ itëquëꞌ,” itërin.

2 Reyes 19:31

Co yaꞌipi Quirosarinquë yaꞌhuëramasopita taꞌhuantaramahuëꞌ. Naꞌamiachinquëma chaꞌësaramaꞌ. Siniorosoꞌ yaꞌipi nanitaparin. Paꞌpi aꞌpitatonpoa napotarinpoaꞌ.

Salmos 2:8

Nisha nisha nacionoꞌsaꞌ, huaꞌanëntaton camaiaran. Isoroꞌpaꞌ nanirinquë huarënta natanpatanco, yaꞌipi quëtaranquën huaꞌanëntaran.

Isaías 11:1

Nara motoꞌ itëquën quëran pichopitahuaton papotaantarinso pochin aꞌna tahuëri Quisi shiin copirno yaꞌconaton, huaꞌanëntapon.

Isaías 2:4

Nisha nisha nacionoꞌsa Siniorori coisë pochin nicaton noꞌtëquën shaꞌhuitarin. Nisha nisha piyapiroꞌsa ninoꞌhuirápirinahuëꞌ, acopitapon. Sahuëninënaꞌ, noꞌpaꞌ ohuërënanoꞌsa atarantaponaꞌ. Nansanënantaꞌ, yaquitonanoꞌsa atarantaponaꞌ. Co inso piyapiroꞌsa tërantaꞌ, niahuëcaiso marëꞌ ohuarapisopita macaponahuëꞌ. Naporahuatonaꞌ, co huachi niahuëcaiso marëꞌ niaꞌchintaponahuëꞌ.

Isaías 40:10

Chiníquën nanantaton oꞌmararin. Yaꞌipi minsërahuaton, piyapinënpita isëquë chachin quëantarin. Nisharoꞌsari huaꞌanëntopirinahuëꞌ, inapita quëran nichaꞌërin.

Isaías 42:13

Míso ahuëtonaꞌpi pochin Siniorosoꞌ paꞌsarin. Ahuëtonaꞌpi chiníquën ahuëtërinso pochin nisarin. “Yai,” tahuaton caniaritarin. Inaporahuaton inimiconënpita minsëarin.

Jeremías 23:5

Ina quëran Sinioro taantarin: “Ca nohuanton aꞌna tahuëri Tapi shiin yaꞌhuëapon. Ina huaꞌanëntohuachin, yonquínahuan copirno nisarin. Noyasáchin nicaton, noya coisë pochin nicapon.

Daniel 2:35

Ina quëran aꞌnaroáchin yaꞌipi noꞌmoshin taranin: Huaꞌnamia, tëshiroꞌpaꞌ, shaꞌpi huaꞌna, prata, oro, inapita naporin. Piꞌipi tahuëri pintiatohuatëra, amocan quënanëso pochin taranpachina, ihuani yaꞌipi quiquirin. Co piꞌpian tëranta acorinhuëꞌ. Ohuantonaꞌpi naꞌpiso nipirinhuëꞌ, panca motopi taranahuaton, yaꞌipiroꞌpaꞌ yaꞌsotërin.

Daniel 2:44

Ina copirnoroꞌsa huaꞌanëntasoiꞌ, Yosë inápaquë yaꞌhuërinso huaꞌanëntarin. Ina huaꞌanëntërinsoꞌ, co onporonta taꞌhuantarinhuëꞌ. Co aꞌnapita nacionoꞌsari minsëarinhuëꞌ. Aꞌnapita huaꞌanëntopisoꞌ, yaꞌipi ataꞌhuantapon. Yaꞌhuërëꞌ ina huaꞌanëntërinsosoꞌ, yaꞌhuëmiatapon.

Daniel 7:14

Inapotohuachinara, yaꞌipi noya noya huaꞌanëntacaso marëꞌ Ansianori chini chiníquën nanan quëtërin. Inapotohuachina, yaꞌipi nacionoꞌsaquë yaꞌhuëpisopitari, nisha nisha nananquë nonpisopitari ina chinotapi. Chiníquën nanantërinsoꞌ, co onporonta nishataponhuëꞌ. Huaꞌanëntërinsontaꞌ, co onporo taꞌhuantaponhuëꞌ.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Juan 12:34

Ina quëran nataninsopitari itaponaꞌ: —Cristo nanpimiatarin. Co onporontaꞌ chimianinhuëꞌ, tënai. Yosë quiricanënquë naporin, nontërai. Quëmaso nipirinhuëꞌ nisha nonan. “Yosë quëran quëmapico niporahuëꞌ, inápaquë achinpiarinaco,” tënan. ¿Onpoatontaꞌ naporan? ¿Ma quëmapinquëntaꞌ quëmasoꞌ? itopi.

Hebreos 1:8

Huiꞌninso nipirinhuëꞌ, noya noya acorin. Ina nontaton, itapon: “Quëmantaꞌ Yosënquën niꞌquëhuarëꞌ, yaꞌipi huaꞌanëntaran. Co onporontaꞌ pipiaranhuëꞌ. Piyapiroꞌsaꞌ noꞌtëquënáchin pënënaran niꞌton, noya nicaponën.

Hebreos 7:24

Quisocristoso nipirinhuëꞌ nanpiantarahuaton, yaꞌhuëmiatërin niꞌton, canpoa marëꞌ Yosë nontárin. Co incari tërantaꞌ yaꞌhuërëtërinhuëꞌ.

Apocalipsis 19:11

Ina quëran Yosë nohuanton, huaꞌnarëso pochin niantarahuë. Piꞌiroꞌtëꞌ niꞌsoatohuachina, huiri cahuario quënantarahuë. Ina aipi quëmapi huënsëarin. Noꞌtëquën nonaꞌpi itërëhuasoꞌ. Maꞌsona tërantaꞌ shaꞌhuitohuachinpoaꞌ, co onporontaꞌ nonpintarinpoahuëꞌ. Noꞌtëquën huaꞌanëntarin. Quira nicaton, inimicoroꞌsaꞌ minsëarin.