Isaías 9:5 - Chayahuita (Shahui)

⁵ Inimicoroꞌsasoꞌ, sapatë poꞌmotona taꞌcaca taꞌcacacharapi. Aꞌmopisontaꞌ, huënaisáchin acopi. Inapopirinahuëꞌ, sapatëroꞌsaꞌ, aꞌmopisoꞌ, yaꞌipi inapita ahuiquitohuachinaꞌ, pëni caꞌsarin.

Isaías 9:5 ပူးပေါင်းရင်းမြစ်များ

Génesis 32:30

Napoaton Cacoposoꞌ ina roꞌtë aninihuanin: “Pinoiro,” itërin. “Isëquë chachin, Yosë nirayarahuë. Ina niponahuëꞌ co chiminahuëꞌ,” taꞌton, ina pochin ina roꞌtë nohuitërin.

Salmos 46:9

Yaꞌipi roꞌpaꞌ nanirinquë huarëꞌ, ina nohuanton co huachi quira nisapihuëꞌ. Pëꞌchinanoꞌsaꞌ, nansaroꞌsaꞌ, inapita paꞌquirin. Quira toronanoꞌsanta ahuiquitahuaton:

Salmos 72:3

Motopiroꞌsaꞌ, motopiaꞌhuaroꞌsaꞌ, inaquëpita sano yaꞌhuëatonaꞌ, noꞌtëquën yonquiꞌinaꞌ.

Isaías 2:4

Nisha nisha nacionoꞌsa Siniorori coisë pochin nicaton noꞌtëquën shaꞌhuitarin. Nisha nisha piyapiroꞌsa ninoꞌhuirápirinahuëꞌ, acopitapon. Sahuëninënaꞌ, noꞌpaꞌ ohuërënanoꞌsa atarantaponaꞌ. Nansanënantaꞌ, yaquitonanoꞌsa atarantaponaꞌ. Co inso piyapiroꞌsa tërantaꞌ, niahuëcaiso marëꞌ ohuarapisopita macaponahuëꞌ. Naporahuatonaꞌ, co huachi niahuëcaiso marëꞌ niaꞌchintaponahuëꞌ.

Isaías 9:4

Piyapinënpita huaꞌanëntatona aparisitopirinahuëꞌ, quëmari nichaꞌëran. Inapotahuaton co huachi inimiconënpitari aparisitápaiso quëtëranhuëꞌ. Matianoꞌsa iráca ataꞌhuantëranso pochin inimiconënpita minsëran.

Isaías 9:6

Canpoa marëꞌ aꞌnara quëmapiaꞌhua nasitërin. Huiꞌnanpoa Yosë quëtërinpoaso pochin aꞌnara yaꞌipiya marëꞌ quëtërinpoaꞌ. Ina mini huaꞌanëntacaso marëꞌ acorinsoꞌ. Nisha nisha quëran nohuitaponaꞌ: “Paꞌyapiro yonquirinsoꞌ.” “Co minsëchináchinhuëꞌ Yosë.” “Yaꞌhuëmiatonaꞌpi tata.” “Sano cancantonaꞌpi huaꞌan.” Ina pochinpita nohuitaponaꞌ.

Jeremías 23:5

Ina quëran Sinioro taantarin: “Ca nohuanton aꞌna tahuëri Tapi shiin yaꞌhuëapon. Ina huaꞌanëntohuachin, yonquínahuan copirno nisarin. Noyasáchin nicaton, noya coisë pochin nicapon.

Joel 2:5

Motopiroꞌsaquë niitona yanpon topachinaꞌ, chiníquën tënëntaponaꞌ. Quira toronanoꞌsa taꞌahuachinara huanërëntërinso pochin nisapi. Nara yanimë huëyahuachina, tënëntërinso pochin niponaꞌ. Chiníquën sontaroꞌsa huënton niahuëcaiso marëꞌ noyá niacopiso pochin nisapi.

Miqueas 5:1

Naquëranchin Sinioro taantarin: “Iporaso napoaponahuëꞌ, Quirosarinquë yaꞌhuëramasopita, inimiconëma chinitamaso yonquicoꞌ. Inapitaso huëꞌsahuatonaꞌ, ninanonëma tancapitopi. Inapitari Israiro copirno chiníquën anaꞌintaponaꞌ,” tënin.

Mateo 3:11

Co noyahuëꞌ yonquiramasopita naniantohuatamaꞌ, iꞌquë aporintaranquëmaꞌ. Ca piquëranso nipirinhuëꞌ aꞌna quëmapi huëꞌsarin. Inasoꞌ chini chiníquën nanantërin. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌto, co sapatën quëpacaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ pënquë chiníquën anaꞌintarinquëmaꞌ.

Hechos 2:19

Inápaquë nani maꞌsha acoarahuë. Piyapiꞌsaꞌ quënanpachinaꞌ, paꞌyanapi. Isoroꞌpaquëntaꞌ, maꞌsha acoarahuë piyapiꞌsaꞌ yonquicaiso marëꞌ. Huënaiꞌ, pën, conaiꞌ tomontarinsoꞌ, inapita niꞌsapi, tënin Yosë.

Hechos 2:3

Ina quëran pën nënërinso pochin nininsopita yaꞌnoimarin. Yaꞌipiya aꞌnaya aꞌnaya motoanshirainënaquë chiniimarin.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

Jueces 13:18

—¿Maꞌmarëta nininëhuëso yanitotëran? Inaso paꞌyapiroꞌ, co shaꞌhuichináchinhuëꞌ, itërin anquëniri.

1 Samuel 14:19

Corto huaꞌan nontaton napotopirinhuëꞌ, huiristinoꞌsa yaꞌhuëapiquësoꞌ, aquë aquëtë paꞌyanapi. Huaꞌyantatonaꞌ, “yai,” tërëꞌnachin taꞌa taꞌarantapi. Ina nicaton Saonoso corto huaꞌan itapon: —Ama huachi quëquësohuëꞌ. Apiramiachin ahuëta marëꞌ pacacaso yaꞌhuërin, itërin.