Isaías 8:19 - Chayahuita (Shahui)

^19-20 Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Isaías 8:19 ပူးပေါင်းရင်းမြစ်များ

Génesis 41:24

Inapitarinta noya noyatërinso nipisopita pashica taꞌpapi. Inapotatona pëꞌyaquë huarëꞌ caꞌmiatopi niꞌnahuë. Ninotonaꞌpiroꞌsa shaꞌhuitopirahuëꞌ, co insonta nanitërinhuëꞌ maꞌsona tapon naporinsoꞌ, shaꞌhuitiinacosoꞌ, itërin.

2 Reyes 23:24

Cosiasësoꞌ, Yosëíchin cancantaton, pënotonoꞌsaꞌ, ninotonaꞌpiroꞌsaꞌ, inapitanta yaꞌipi ayatërin. Quëmopinënapitarëꞌ mamanshi moshapisonta napotërin. Nisha nisha mamanshiroꞌsaꞌ, nisha nisha moshacaiso marëꞌ Quirosarinquë yaꞌhuëtopisoꞌ, Cota huëntonquënta yaꞌhuëtopisoꞌ, ayatërin. Inapitaso Yosëri co quëꞌyarinhuë niꞌton, napotërin. Iriquiasë corto huaꞌan, Sinioro chinotacaso pëiquë pënëntërinso quirica quënaninso natëton, naporin.

Isaías 30:2

Co natanapomaracohuëꞌ, manorahuatoma Iquipitoquë paꞌmaramaꞌ. Sanohuaninquë naꞌirëso pochachin canpitantaꞌ, huaraon paꞌpoyainquëmaso marëꞌ natanapoma paꞌmaramaꞌ.

Isaías 45:11

Caso Sinioroco noyasáchin ninahuë niꞌton, Israiro chinotërinco. Carima canpitasoꞌ, piyapinëhuëpita nicamaso marëꞌ acoranquëmaꞌ. Huiꞌnahuëpita maꞌsona onpotaꞌhuasoꞌ yonquirahuësoꞌ, ¡co naniarin quëran huarëꞌ natanamacoso yaꞌhuërinhuëꞌ! Maꞌsona nicacaꞌhuaso marëntaꞌ, ¡co canpita camaiamacoso yaꞌhuërinhuëꞌ!

Levítico 19:31

Ama chimipiroꞌsa përahuaꞌyancosohuëꞌ. Ama pënotonquë maꞌsha nitotacaso marëꞌ pacosohuëꞌ. Ina pochin nipatamaꞌ, amirotochináchin nisaramaꞌ. Caso Yosëco napotaranquëma niꞌton, natëco.

Miqueas 5:12

Pënotatoma naporamasopitantaꞌ, acopitarahuë. Ninotonaꞌpiroꞌsantaꞌ, co huachi yaꞌhuëtarinquëmahuëꞌ.

Hechos 16:16

Aꞌna tahuëri yonsanquë paantarai Yosë chinotaꞌhuaiso marëꞌ. Paasocoi, aꞌna nanon quënanconai. Sopairi yaꞌcoancantërin niꞌton, ninotërin. Ina sanapisoꞌ aꞌnapitari paꞌanpi asacatacaiso marëꞌ. Ninorinso marëꞌ huaꞌanënpitasoꞌ, naꞌcon canapi.

1 Tesalonicenses 1:9

Inapita chachin canpita naporamasoꞌ shaꞌhuiantapi: “Paono niꞌquihuachincoira, noya aꞌchintërincoi. Noya natanatoi, aꞌnaroáchin natërai. Mamanshi aꞌporahuatoi, Tata Yosëíchin chinotërai. Ina imarai huachi. Yosësoꞌ nanpirárin. Inasáchin chinotacasoꞌ yaꞌhuërin.

2 Pedro 2:1

Iráca Yosëri acorinsopita noꞌtëquën pënëntopi. Aꞌnaquënso nipirinhuëꞌ nonpin nanan pënëntatonaꞌ, israiroꞌsaꞌ nonpintopi. Inapochachin iporantaꞌ aꞌnaquën nonpin nanan yaaꞌchintarinënquëmaꞌ. Noyasha nontapirinënquëmahuëꞌ, nonpintarinënquëmaꞌ. “Quiyantaꞌ imarai,” taponaraihuëꞌ, nonpin nanan aꞌchinapi anishacancantacaiso marëꞌ. Quisocristo nichaꞌëinpoaso marëꞌ chiminin. Inaíchin natëcaso nipirinhuëꞌ, nisha aꞌchinaꞌpiroꞌsasoꞌ co yanatëpihuëꞌ. Ina marëꞌ aꞌna tahuëri Yosëri anaꞌintarin. Aꞌnanaya anaꞌintarin.

1 Samuel 28:11

—¿Insoꞌ chimipita përachinquën? taantarin sanapi. —Samoiro përatoco, itërin Saonori. Napotohuachina përarin.

1 Samuel 28:16

Napotohuachina, Samoirori itapon: —Sinioro aꞌporahuatënquën inimicotërinquën niꞌquëhuarëꞌ, ¡ama caso natancosohuëꞌ!

1 Samuel 28:7

Napohuachina, sontaro huaꞌanoꞌsa camairin: —Inso sanapi tërantaꞌ, chimipiroꞌsa huaꞌyanën nito përaton nontërinsoꞌ, yonítoco. Paato nontaꞌhuaso marëꞌ nohuantërahuë, itërin. Napotohuachina inahuari: —Intoro ninano itopiquë, aꞌnara sanapi ina nitotërinso yaꞌhuërin, itopi.

1 Samuel 28:8

Ina natanaton, Saonosoꞌ ama nohuitacaiso marëhuëꞌ nisha aꞌmorin. Naporahuaton cato huaꞌanoꞌsarë ina sanapi nicapon tashi paꞌnin. Cantonahuaton itapon: —Aꞌna piyapi chimininso përatoco. Maꞌsona yanitotërahuësoꞌ, anitochinco topirahuë. Insosona shaꞌhuitaranquënsoꞌ, ispiritonën përatoco, itërin.