Isaías 8:14 - Chayahuita (Shahui)

¹⁴ Israiroꞌsanquëmasoꞌ, cato huënton yaꞌhuëramaꞌ. Natëhuatamaco, carima catahuaranquëma noꞌtëquën chinotamacosoꞌ. Coꞌsoꞌ natëhuatamacohuëꞌ, pëcotan pochin nisarahuë. Iraquë naꞌpi iꞌpatochináchin yaꞌhuërinso pochin nisarahuë. Huënsonquë maꞌsha mapiso pochin, ritiquë sami mapiso pochin, Quirosarinquë yaꞌhuëpisopita anaꞌintarahuë.

Isaías 8:14 ပူးပေါင်းရင်းမြစ်များ

Salmos 69:22

Napopiso marëꞌ anaꞌintëquëꞌ: Capatonaꞌ, oꞌotona capa cancantopirinahuëꞌ, ina quëran chachin nitapicancainaꞌ.

Isaías 28:16

Napoaton Sinioro naporin: “Niꞌquëꞌ. Sionquë aꞌnara naꞌpi acoarahuë. Noyá huayonpinan nisahuaton, paꞌpi paꞌton. Inari pëi achiniarin. Ina, pëi simintonën pochin nisarin. Insosona natëhuachinco, co tëꞌhuarëꞌna yaꞌhuëaponhuëꞌ.

Isaías 7:16

Ina huaꞌhuasha coꞌhuara chinotoaꞌhua nishátërasohuëꞌ, ipora cato copirnoroꞌsa aꞌpayaninquënsopita noꞌpanënaꞌ, ataꞌhuantapona huachi.

Jeremías 6:21

Napoaton Siniorosoꞌ inapita yonquiaton taantapon: “Isopitasoꞌ, piyapinëhuëpita nipirinahuëꞌ, ca nohuanton iꞌparahuatona anotopiso pochin nicaponaꞌ. Mashoroꞌsa huiꞌninpitarë chachin, niyaꞌyoranpisopita amiconënarë chachin, yaꞌipi inapita chiminaponaꞌ,” tënin.

Ezequiel 3:20

Aꞌna tahuëriso nipirinhuëꞌ, aꞌnaquën noya nicacaso noꞌquiponahuëꞌ, amirahuaton co noyahuëꞌ nisarin. Tënihuato cá quëran aꞌpotochináchin cancantarin. Inapoasoꞌ co quëmari shaꞌhuitohuatanhuëꞌ, chiminapon. Huaꞌqui noya nipirinhuë tërantaꞌ, co ina marëꞌ nichaꞌësarahuëꞌ. Oshanën marëꞌ chiminacaso yaꞌhuërin. Quëmaso napoaponahuëꞌ co shaꞌhuitëranhuë niꞌton, ina chimininsoꞌ, naꞌintarinquën.

Mateo 13:57

Co natëtonaraihuëꞌ tëhuapi. Napohuachinara, Quisosori itërin: —Iráca quëran huarëꞌ napopi. “Yaꞌipi piyapiꞌsari pënëntonaꞌpi noya natanpi. Ninanonënquë yaꞌhuëpisopitaso nipirinhuëꞌ, co noyahuëꞌ natanpi. Co quëmopinënpitari tërantaꞌ yanatëpihuëꞌ,” topi iráca. Noꞌtëquën napopi, tënin Quisoso.

Mateo 21:44

Ina naꞌpi iꞌpatohuatëra, anotatëꞌ yaꞌpanëꞌ. Aꞌna tahuëriso nipirinhuëꞌ ina naꞌpiri chachin anoantohuachin, aꞌnaquën niꞌshariarin,] itërin Quisosori.

Lucas 2:34

—Yosë noya aꞌpainquëmaꞌ, itërin Simioni. Ina quëran aꞌshin itantapon: —Huaꞌhuan mashotohuachin, yaꞌipi israiroꞌsaꞌ pënënarin. Natanahuatonaꞌ, aꞌnaquën natëtonaꞌ, noya cancantapi. Aꞌnaquënso nipirinhuëꞌ co nohuantapihuëꞌ niꞌton, anotërëso pochin nisapi. Yosë nohuitacaiso marëꞌ noꞌtëquën pënëntapirinhuëꞌ, chiníquën noꞌhuiapi.

Lucas 21:35

huënson aꞌnaroáchin maꞌsha maninso pochin, aꞌnanaya oꞌmantararahuë. Yaꞌipi piyapiꞌsaꞌ aꞌninquëchin niꞌsarinaco.

Romanos 11:35

¿Incaritaꞌ maꞌsha Yosë quëtërin niꞌton, iꞌhuërëtacasoꞌ yaꞌhuërin? Co incari tërantaꞌ,” tënin quiricanënquë.

Josué 10:7

Napotohuachinara, Cosoiso yaꞌipi sontaronënpita ayontonin. Aꞌnaquën sontaroꞌsasoꞌ, noya noya ahuëtopi. Inapitanta Quiricaroquë ayontonin.

1 Pedro 2:8

Quiricanën quëran itantarin: “Iratohuatëra, naꞌpi iꞌpatahuatëꞌ, anotërëꞌ,” tënin. Inapochachin aꞌnaquën co Quisocristo nanamën natëtonaraihuëꞌ, nisha cancantopi. Ina marëꞌ Yosë nohuanton, naꞌinpi huachi.