Isaías 8:13 - Chayahuita (Shahui)

¹³ Caso Sinioroco yaꞌipi nanitaparahuë. Noyasáchin ninahuë. Ca tëhuënchinso tëꞌhuatamacoso yaꞌhuërin. Carimasoꞌ, yaꞌipinquëma niꞌsaranquëmaꞌ.

Isaías 8:13 ပူးပေါင်းရင်းမြစ်များ

Génesis 31:53

Canpo capini nanan yaꞌhuëhuachin, Yosë chachin anitochinpoꞌ, inquënposona tëhuërësoꞌ. Ina Yosë chachin quëmaquën tata masho Apraan, chinotërin. Caquën tata masho Nacoronta chinotërin. Inquënposo tëhuëhuatëꞌ, ina chachin anaꞌinchinpoꞌ, itërin. Napotohuachina, Cacoposoꞌ: “Caquën tata chinotërinso niꞌsárinco niꞌton, co napoarahuëꞌ,” tënin.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Malaquías 2:5

Nihuiroꞌco anoyatërahuësoꞌ, noya yaꞌhuëcaso marëꞌ naꞌcon catahuarin. Naporahuaton noya aꞌpairahuë niꞌton, sano cancantërin. Tëꞌhuatatonco natëincoso marëꞌ ina pochin catahuarahuë. Inasoꞌ, tëhuënchachin tëꞌhuatatonco natërinco.

Números 27:14

Sin inotëro parti niꞌsëma capa iꞌsha niꞌton, israiroꞌsa noꞌhuirinaco. Naporoꞌ catoma chachin camairanquëmaꞌ. Camaipiranquëmahuëꞌ, canpitaso noꞌhuitatoma co noyahuëꞌ ninamaꞌ. Camairanquëmaso chachin ninama naporini, israiroꞌsa noya niꞌitonacohuëꞌ. Miripa iꞌshanaquë naporamaso yonquiato napotaranquën. Inaso iꞌshaꞌ, Catisë parti yaꞌhuërin, itërin.

Mateo 10:28

Ama piyapiꞌsaꞌ tëꞌhuatocosohuëꞌ. Tëpapirinënquëmaontaꞌ, co huaꞌyanëmaꞌ matarinënquëmahuëꞌ. Yosë tëhuënchinsoꞌ tëꞌhuatacasoꞌ yaꞌhuërin, tënahuë. Ina nohuanton, chiminëꞌ. Co noyahuëꞌ nipachinaꞌ, pënquë chachin aꞌpaarin huachi. Inatohuaꞌ huaꞌyanënarë chachin parisitomiatapi huachi. Napoaton Yosë naꞌcon naꞌcon tëꞌhuatacasoꞌ yaꞌhuërin. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Lucas 12:5

Yosë tëhuënchinsoꞌ tëꞌhuatacasoꞌ yaꞌhuërin, tënahuë. Co noyahuëꞌ nipatamaꞌ, Yosë huaꞌyanëmaꞌ matahuatënquëmaꞌ, parisitopiquë aꞌpamiatarinquëmaꞌ. Napoaton ina naꞌcon naꞌcon tëꞌhuatocoꞌ. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Romanos 4:20

“Yosë nonpintërinco,” co tëninhuëꞌ. Co nisha nisha yonquirinhuëꞌ. “Noꞌtëquën nontërinco,” taꞌton, chiníquën cancantërin. “Ma noyacha Yosësoꞌ niꞌton, co naniantarincohuëꞌ.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.

1 Samuel 11:7

Noꞌhuitaton cato toronënpita tëparin. Teparahuaton piꞌpian piꞌpian yaquiraꞌpiarin. Inapotahuaton, aꞌnapita comisionoꞌsa yaꞌhuërëꞌ, yaquirinso quëtëraꞌpiarin. Naporahuaton yaꞌipi israiroꞌsa iso pochin shaꞌhuitacaiso marëꞌ camairin: “Saono Samoirorë chachin Pisiqui ninano itopiquë niyontonacasoꞌ camaitopi. Ina piquëran Capisiquë yaꞌhuëpisopita paꞌpoyacaso marëꞌ Saono imarihuaꞌ. Insosona co yapaꞌpachinhuëꞌ, toronënpita tëpatona iso pochin yaquiraꞌpiaponaꞌ,” itëraꞌpiapi. Napotohuachinara, yaꞌipi israiroꞌsa yaꞌhuëpiquë Yosë nohuanton paꞌpi tëꞌhuatopi. Napoatona yaꞌipiya quëran catahuatacaiso marëꞌ paꞌpi.