Isaías 8:12 - Chayahuita (Shahui)

¹² “Aꞌnapitasoꞌ, tëꞌhuarëꞌna yaꞌhuëpi. Aꞌna huaꞌan ahuëcaiso marëꞌ poꞌoana quëran yonquihuachinara, nanan nahuinin. Napopirinhuëꞌ, co nani napopiquë noꞌtëquën nininhuëꞌ. Napoaton aꞌnapitaso tëꞌhuatopirinahuëꞌ, co canpitaso tëꞌhuatamaso yaꞌhuërinhuëꞌ.

Isaías 8:12 ပူးပေါင်းရင်းမြစ်များ

Isaías 30:1

Siniorori israiroꞌsa pënënaton itapon: “Canpitaso huiꞌnahuëpita pochin nipiramahuëꞌ, iráca quëran huarëꞌ co yanatëramacohuëꞌ. Maꞌsona tëranta nicacasoꞌ yonquihuatamara, co chinotëramacohuëꞌ. Co carima ayonquipiranquëmahuëꞌ, maꞌpitaso yaninamaꞌ. Inapoatomaꞌ, naꞌcon naꞌcon oshahuanamaꞌ. Ina marëꞌ canpitasoꞌ, ¡maꞌhuantacha nisarama paya!

Lucas 21:9

Nisha nisha parti piyapiꞌsaꞌ ninoꞌhuiapi. Niahuërahuatonaꞌ, quira nisapi. Ina natanpatamaꞌ, ama paꞌyancosohuëꞌ. Piyapiꞌsaꞌ co noyahuëꞌ nicatonaꞌ, naꞌa quira nisapi. Napoaponahuëꞌ, co isoroꞌpaꞌ taꞌhuanchátëraponhuëꞌ.

Josué 1:9

Carinquën camaiaranquën ama tëꞌhuatonhuëꞌ, chiníquën cancantacaso marëꞌ. Carinquën catahuaranquën. Insëquësona paꞌpatan caꞌtanaranquën. Napoaton ama paꞌyanquësohuëꞌ,” itërin Yosëri.

Josué 10:7

Napotohuachinara, Cosoiso yaꞌipi sontaronënpita ayontonin. Aꞌnaquën sontaroꞌsasoꞌ, noya noya ahuëtopi. Inapitanta Quiricaroquë ayontonin.