Isaías 8:10 - Chayahuita (Shahui)

¹⁰ Onpo ahuëtamaso yonquihuatamantaꞌ, topinan quëran yonquiaramaꞌ. Maꞌsona nicamasoꞌ nonpatamaꞌ, co napoarinhuëꞌ. Yosëso quiyarëꞌcoi chachin yaꞌhuëarin niꞌton, co inapoaramahuëꞌ.

Isaías 8:10 ပူးပေါင်းရင်းမြစ်များ

Génesis 21:22

Naporo tahuëriꞌsa pochin Apimirico paꞌnin Apraan nontapon. Huicororëꞌ paꞌnin. Inasoꞌ, Apimirico sontaronënpita camairinsoꞌ. Inaquë Apimiricori Apraan itapon: —Tëhuënchachin quëmasoꞌ nani maꞌsha nipatana, Yosë catahuarinquënso niꞌnai.

2 Samuel 15:31

Aꞌnari Tapi shaꞌhuitërin: “Aitohuironta Apësaron catahuarin,” itërin. Ina natanaton, inaso Sinioro nontërin: “Aitohuirori maꞌsona nicacasoꞌ, Apësaron ayonquiarin. Ayonquihuachin, quëma nohuanton ama natëinsohuëꞌ,” itërin.

2 Samuel 17:23

Aitohuirosoꞌ: “Noꞌtëquën pënënpirahuëꞌ, co Apësaron natërincohuëꞌ. Co natërincohuëꞌ niꞌquëhuarëꞌ, paꞌpini canapon,” tënin. Ina yonquiaton moranën taparin. Inaquë yaꞌmitëahuaton huaꞌhuatërinso ninanoquë paꞌnin. Canconahuaton quëmopinënpita, piyapinënpita, inapita nontërin. Maꞌpitaso nicacaisoꞌ camaitërin. Inaporahuaton, noninquë nihuënquëconorin quëran chiminin. Napohuachina, inanta paꞌpincoꞌ poꞌmopiquë chachin poꞌmoontapi.

2 Samuel 17:4

Ina pochin pënëninsoꞌ Apësaron costarin. Aꞌnapita Israiro ansianoꞌsantaꞌ, costapi. Inahuarinta copirno yápënënpi.

2 Reyes 6:12

Napotohuachina aꞌnari itapon: —Co insonta naporinhuëꞌ. Irisio inaquë yaꞌhuëaton, yaꞌipi quëma naporansoꞌ, Israiro copirno shaꞌhuitërachinin. Huëꞌëranquë tëranta napohuatan, inaso nitotapon, itërin.

Copo naporinso' 5:12

Aꞌnaquën yonquínahuan niꞌton, aꞌnapita maꞌsha onpotacaisoꞌ yonquipi. Napopipirinahuëꞌ, Yosëso yonqui yonquínahuan niꞌton, yonquipiso tapitarin. Inapotohuachin, co huachi yonquipiso chachin nisapihuëꞌ.

Salmos 46:1

Yosë paꞌpoyatonpoa achinirinpoaꞌ. Nani maꞌsha onporëhuaquë catahuarinpoaꞌ.

Salmos 46:11

Siniorosoꞌ yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:7

Siniorosoꞌ, yaꞌipi nanitaparin. Inasoꞌ, yacatahuarinpoaꞌ. Iráca Cacapori chinotërinsoꞌ, paꞌpoyararinpoaꞌ.

Salmos 46:8

Yaꞌipi piyapiꞌsa yonquiꞌinaꞌ. Yosë naporinso noya niꞌinaꞌ. Ina nohuanton co noyahuëꞌ nipisopita, taꞌhuantopi.

Isaías 28:18

(-)

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 43:5

Ama tëꞌhuacosohuëꞌ, carinquëma caꞌtanaranquëmaꞌ. Piꞌi pipirin parti quëran, yaꞌconin parti quëran, inaquëranpita yaꞌhuëramaquë chachin quëantaranquëmaꞌ.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Isaías 9:6

Canpoa marëꞌ aꞌnara quëmapiaꞌhua nasitërin. Huiꞌnanpoa Yosë quëtërinpoaso pochin aꞌnara yaꞌipiya marëꞌ quëtërinpoaꞌ. Ina mini huaꞌanëntacaso marëꞌ acorinsoꞌ. Nisha nisha quëran nohuitaponaꞌ: “Paꞌyapiro yonquirinsoꞌ.” “Co minsëchináchinhuëꞌ Yosë.” “Yaꞌhuëmiatonaꞌpi tata.” “Sano cancantonaꞌpi huaꞌan.” Ina pochinpita nohuitaponaꞌ.

Joel 3:9

Naquëranchin Sinioro taantarin: “Nisha nisha nacionquë yaꞌhuëpisopita shaꞌhuitocoꞌ. Sontaroꞌsa huëntonëna shaꞌhuitoco noyá niacoꞌinaꞌ. Piyapinëhuëpita ahuëcaiso marëꞌ noyá niacoꞌinaꞌ. Chiníquën cancantopisopita përainaꞌ. Paꞌpi ahuëton nipisopita huëꞌinaꞌ.

Números 14:9

Napoaton Sinioro natëcoꞌ. Ama yaꞌhuëhuanoꞌsa tëꞌhuatocosohuëꞌ. Co oshatarihuahuëꞌ minsëcasoꞌ. Inahuaso co Yosë natëpihuëꞌ niꞌton, co incari tëranta catahuarinhuëꞌ. Canpoaso nipirinhuëꞌ, Sinioro chachin catahuararinpoaꞌ. ¡Ama manta tëꞌhuatocosohuëꞌ! itopi.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Romanos 8:13

Co noyahuëꞌ ninëhuasopita co aꞌpoasëhuahuëꞌ, chiminpatëhuaꞌ parisitomiatacasoꞌ yaꞌhuërin. Nipirinhuëꞌ, co noyahuëꞌ ninëhuasopita tëpatë pochin nitohuatëhuaꞌ, nanpimiatarihuaꞌ. Ispirito Santo catahuarinpoaꞌ co noyahuëꞌ ninëhuasopita tëpatë pochin nitacaso marëꞌ.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.

Josué 1:5

Nanpisënquën, co inso tëranta nanitarinhuëꞌ minsëinquënsoꞌ. Moisësë catahuarahuëso pochachin quëmanta catahuaranquën. Co naniantaranquënhuëꞌ. Co pataranquënhuëꞌ.

1 Juan 4:4

Canpitasoꞌ apiaꞌhuaroꞌsaꞌ, Yosë huiꞌninpitanquëmaꞌ ninamaꞌ. Noꞌtëquën yonquiatomaꞌ, nisha aꞌchinaꞌpiroꞌsaꞌ minsëaramaꞌ. Sopai nohuanton, nonpin nananoꞌsaꞌ aꞌchintopirinënquëmahuëꞌ, Ispirito Santo nani yaꞌcoancantërinquëmaꞌ. Inasoꞌ sopai quëran chini chiníquën nanantarin niꞌton, catahuahuachinpoaꞌ, co nonpin nananoꞌsaꞌ natëtarihuahuëꞌ.