Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.
Isaías 7:6 - Chayahuita (Shahui)6 ‘Cota huëntonoꞌsa yaꞌcontatëhuaꞌ, aꞌpayanhuaꞌ. Inapotatëhua noꞌpanëna matahuaꞌ. Naporahuatëhuaꞌ, Tapiiri huiꞌnin inahua copirnonëna nicacaso marëꞌ acoaꞌahuaꞌ,’ niitopi,” itëquëꞌ, itërin. အခန်းကိုကြည့်ပါ။ |
Isaías 7:6
12 ပူးပေါင်းရင်းမြစ်များ
Osiasë copirno huiꞌninsoꞌ, Cotamo itopi. Ina huiꞌnintaꞌ, Acaso itopi. Ina yaꞌhuërë Cota huënton copirno nicasoꞌ, Siria copirnosoꞌ, Israiro copirnorëꞌ nicatahuatonaꞌ, Quirosarin ahuëcaiso marëꞌ huëcapaipi. Napoaponaraihuëꞌ, co nanitopihuë minsëcaisoꞌ. Siria copirnosoꞌ, Nisin itopi. Yaꞌhuërëꞌ Israiro copirnosoꞌ, Nimariasë huiꞌnin Pica itopi.
“Cota huënton israiroꞌsasoꞌ, Nisin copirno, Nimariasë huiꞌnin, inapita tëꞌhuatopi. Inapita tëꞌhuatatonaꞌ, nocaninaco. Caso Siroiꞌ iꞌsha, sanoiꞌ paꞌninso pochin inapita catahuapirahuëꞌ, nocaninaco. Napopi niꞌquëhuarëꞌ, ca nohuanton Asiria copirno sontaronënpitarë chachin huëcapaipon. Inasoꞌ huëꞌpachin, Iopiratësiiꞌ paquiitërinso pochin yaꞌipi Cota huënton ninanoroꞌsa ahuëapon. Pancaiꞌ paquiitohuachina, conopirataquë huarëꞌ icaninso pochin nisarin. Asiria copirnosoꞌ, panca onian yanponaton, mapinën nocorinso pochin yaꞌipi iso noꞌpaquë yaꞌhuëpisopita ahuëapon. Napoaponahuëꞌ, ca Sinioroco canpitarëꞌco chachin nisarahuë,” itërinco.
ကြော်ငြာတွေ