Ina piquëran inasoꞌ, cara huaꞌanoꞌsa chiníquën nanantopisopita Naquisi quëran Quirosarinquë aꞌparin. Panca sontaroꞌsa huëntontaꞌ, inapitarë aꞌparin. Isiquiasë, sontaronënpita, inapitarë niahuëcaiso marëꞌ naporin. Inapita huaꞌanoꞌsasoꞌ, aꞌnara yaꞌipi sontaronënpita huaꞌanën yaꞌconin. Aꞌnantaꞌ, sontaroꞌsa quëpanaꞌpi huaꞌan yaꞌconin. Aꞌnaso nipirinhuëꞌ, catahuarinsoꞌ huaꞌan. Yaꞌipi inapita paꞌsahuatonaꞌ, Quion huinan quëran cashatonaꞌ, iꞌsha quëpapiso yaꞌcariꞌ yaꞌhuëconpi. Ina cashapisosoꞌ, panca tapainanquë mëtaiconin. Inaquë piyapiꞌsa pëꞌsainacaiso marëꞌ paꞌpi. Ina quëran Isiquiasë përapi nontacaiso marëꞌ. Përapirinahuëꞌ, inaso co paꞌninhuëꞌ, cara huaꞌanoꞌsa inapita nontacaiso marëꞌ aꞌparin. Aꞌnasoꞌ, huaꞌanëntërinso pëiquë camaitonaꞌpi. Inasoꞌ, Iriaquin itopi. Aꞌnanta copirnoroꞌsa onpo huaꞌanëntopisona ninshitonaꞌpi. Inasoꞌ, Sipina itopi. Asapo huiꞌnin Coa itopisontaꞌ, ninshitonaꞌpi. Inanta paꞌnin.
Isaías 7:3 - Chayahuita (Shahui)3 Naporoꞌ Siniorori Isaiasë itapon: —Huiꞌnan Siaro-iasopo itëranso masahuaton, Acasoꞌ copirno nacapiontaquëꞌ. Inasoꞌ, panënquë iꞌsha paꞌshintopisoꞌ yonsanquë quënaontaran. Ina iꞌsha paꞌshintopisosoꞌ, pëꞌsainaꞌpi camayo noꞌpaꞌ huaꞌanëntërinso ira paꞌninꞌpaꞌ, yaꞌhuërin. အခန်းကိုကြည့်ပါ။ |
Isaías 7:3
14 ပူးပေါင်းရင်းမြစ်များ
ကြော်ငြာတွေ