Isaías 7:2 - Chayahuita (Shahui)

² Naporoꞌ Acasoꞌ copirno quëmopinënpitarë chachin shaꞌhuitacaiso marëꞌ paaparahuatonaꞌ: “Siriaroꞌsa israiroꞌsarë nicatahuatonaꞌ, huëcapaiarinënpoaꞌ,” itopi. Napohuachinara, piyapinënpitarë chachin paꞌyanpi. Paꞌyanatona nararoꞌsa ihuani paꞌtan paꞌtantërinso pochin ropatopi.

Isaías 7:2 ပူးပေါင်းရင်းမြစ်များ

2 Samuel 7:16

Quëmá quëran pipipisopita cari aꞌpairápo. Napoaton inapitaráchin piyapinëhuëpita copirnonëna yaꞌconaponaꞌ. Ca nohuanto inapitaso copirno yaꞌconatonaꞌ, huaꞌanëntáponaꞌ. Co nisharoꞌsari huaꞌanëntarinhuëꞌ,” tënin,’ itëquëꞌ,” itërin.

1 Reyes 11:32

Saromonsoꞌ aꞌna huëntoínchin huaꞌanëntapon. Piyapinëhuë Tapi itopisoꞌ noya nicato napotarahuë. Quirosarinta cari huayonahuë inaquë pëinëhuë yaꞌhuëcaso marëꞌ niꞌton, nosororahuë. Napoaton ina pochin nisarahuë.

1 Reyes 12:16

Copirnori napotërinsoꞌ Israiro huaꞌanoꞌsasoꞌ, natanpi. Ina natanatonaꞌ: “¡Coꞌchi natërinpoahuë paya!” topi. Napoatona copirno chiníquën nontopi: “Tapi quëran pipipisopita, co huachi huaꞌanëntiincoiso yaꞌhuërinhuëꞌ. Quisi chiminpachina maꞌshanënpita Tapiri manin. Co ina quëran canpoasoꞌ maꞌsha tëranta manëhuahuëꞌ. Ma topinanta shinpita natëráparihuaꞌ. Napoaton, ¡huëco patahua huachi! Sacataton inantaꞌ, huiꞌninpita nocomaꞌin,” itopi. Napotatonaꞌ, inapitaso yaꞌhuëpiꞌpaꞌ paꞌpi huachi.

Isaías 6:13

Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Isaías 7:13

Naporoꞌ Isaiasëso taantapon: “Tapi copirno shinpitanquëma huaꞌan yaꞌconamasoꞌ, noya natancoꞌ. Canpitaso piyapiꞌsa maꞌsha onpotatomaꞌ, apinamaꞌ. ‘Co ina nanirinhuëꞌ,’ tënëso pochin cancantatomaꞌ, ¿Yosë chachinta yaapinamaꞌ ti?

Isaías 7:17

Sinioro nohuanton quëmanta tahuëri cantiarinquën. Piyapinënpitanta cantiipon. Quëmá quëran pipipisopitanta cantiarin. Iráca shimashonëmapita israiroꞌsarë niaꞌpopiso pochachin paꞌpi parisitamasoꞌ cantiarinquëmaꞌ. Naporosoꞌ, Asiria copirno quëran napoaramaꞌ.

Isaías 8:12

“Aꞌnapitasoꞌ, tëꞌhuarëꞌna yaꞌhuëpi. Aꞌna huaꞌan ahuëcaiso marëꞌ poꞌoana quëran yonquihuachinara, nanan nahuinin. Napopirinhuëꞌ, co nani napopiquë noꞌtëquën nininhuëꞌ. Napoaton aꞌnapitaso tëꞌhuatopirinahuëꞌ, co canpitaso tëꞌhuatamaso yaꞌhuërinhuëꞌ.

Mateo 2:3

Ina natantahuaton, copirno Irotisë paꞌyanin. Quirosarinquë yaꞌhuëpisopitantaꞌ paꞌyanpi.