Isaías 7:19 - Chayahuita (Shahui)

¹⁹ Canquihuachina, motopi casonantëroꞌsaquë, yaꞌhuëintaponaꞌ. Natëtëanaroꞌsaquë, shihuarinoroꞌsaquë, ohuacaroꞌsa oꞌorinquë, inaquëpita yaꞌhuëintaponaꞌ.

Isaías 7:19 ပူးပေါင်းရင်းမြစ်များ

Isaías 5:6

Inapotahuato patarahuë. Co incari pacarapiponhuëꞌ. Co incari yaquisëꞌpaponhuëꞌ. Nahuanoꞌsaꞌ, pacatoroꞌ, inapitari imotapon. Chitoronta camaihuato, co inaquë oꞌnanaponhuëꞌ,” tënin nosororahuësoꞌ.

Isaías 55:13

Sarsaroꞌsa yaꞌhuërënamën, pino nararoꞌsa aꞌshinapon. Ihuatatëroꞌsa yaꞌhuërënamën, arayan nararoꞌsa aꞌshinapon. Inapohuato: ‘¡Ma noyacha Sinioroso paya!’ tëcaponaꞌ. Ina pochin acorahuësoꞌ, yaꞌhuëmiatapon. Co incari tëranta ataꞌhuantaponhuëꞌ,” tënin Sinioro.

Isaías 7:24

Inaquë yayaꞌconpachinaꞌ, pëꞌchinan, shinërë, inapitarë chachin yaꞌcontatona maꞌsha inanaponaꞌ. Yaꞌipi noꞌpanëma nahuan nonitëraro niantapon.

Isaías 7:25

Panënoꞌsaquë sacatohuachinara, noyaroꞌpaꞌ niꞌton, topinan nanpaquë ohuërëpi. Inapopirinahuëꞌ, pantatatonaꞌ nahuan nonitëraro niꞌton, tëꞌhuatapona yaꞌcontacaisoꞌ. Tororoꞌsaꞌ, ohuicaroꞌsaꞌ, inapitaráchin yaꞌconatona coshataponaꞌ,” itërin.

Mateo 7:16

Napoaton noya yonquicoꞌ. Noya cancantohuachinaꞌ, noya nisapi. Co noyahuëꞌ cancantohuachinaꞌ, co noyahuëꞌ nisapi. Co noꞌtëquën aꞌchintarinënquëmahuëꞌ. Niꞌcoꞌ. Sharoꞌsaꞌ nitërin quëran nohuitërëhuaꞌ. Soꞌhuanpisoꞌ, co misëra nitërinhuëꞌ. ¡Shihuariontaꞌ co quëpa nitërinhuëꞌ!