Isaías 7:15 - Chayahuita (Shahui)

¹⁵ Inasoꞌ huaꞌhuatapon, ohuaca shoꞌshoiꞌ atachirotopiso capon. Ninoiꞌ iroapon, napoapon.

Isaías 7:15 ပူးပေါင်းရင်းမြစ်များ

Génesis 18:8

Ina aꞌcapon pochin, ohuaca shoꞌshoiꞌ atachirotopisontaꞌ, acotërin. Naporahuaton ohuaca shoꞌshoiꞌ oꞌshitërin. Inapoaton, aꞌcapon pochin ninararin pahuantohuachina acotacaso marëꞌ. Niꞌtoroꞌsa nara tashinantërinquë coshatasoi naporin.

Salmos 51:5

Tëhuënchachin huaꞌhuatapo quëran huarëꞌ, co noyahuëꞌ cancantërahuë. Mamahuë yoꞌnamënquë yaꞌhuëasoco quëran huarëꞌ, oshahuanchináchin cancantërahuë.

Amós 5:15

Co noyahuëꞌ ninamasopita noꞌhuicoꞌ. Noya nicacamasoso nipirinhuëꞌ, paꞌyatocoꞌ. Nanan anoyatahuatamaꞌ, noꞌtëquënáchin shaꞌhuicamasoꞌ cancantocoꞌ. Tapona naporamaso marëꞌ carayanquëma chaꞌëramasoꞌ, Yosë nosoroápirinquëmahuëꞌ. Inasoꞌ Sinioro. Yaꞌipi nanitaparin.

Mateo 3:4

Coanshasoꞌ co noyápiachin aꞌmorinhuëꞌ. Ponira pochin aꞌmorin, camiyo anporo quëran nipisoꞌ. Shaꞌhuëtë quëran nitonporin. Sëquërë pochin nininsoꞌ macaton, caꞌnin. Ninoiꞌ quënanpachina, irorin.

Lucas 1:35

—Ispirito Santo nohuanton, quëmaora huaꞌhuanaran. Yosë topinan yonquiarapirinquënhuëꞌ, cayoaran. Napoaton huaꞌhuan, Yosë huiꞌnin chachin nisarin. Co piꞌpisha tërantaꞌ oshahuanaponhuëꞌ.

Lucas 2:40

Quisoso soꞌsorahuaton, chinirarin. Nóya yonquirin. Yosëri naꞌcon catahuarin.

Lucas 2:52

Naporahuaton, Quisoso huiꞌnapitarin huachi. Noya noya yonquirin. Yosëri noya niꞌnin. Piyapiꞌsarintaꞌ noya niꞌpi.

Romanos 12:9

Yaꞌipi piyapiꞌsaꞌ nosorocoꞌ. Cancanëma quëran huarëꞌ nosorocoꞌ. Co noyahuëꞌ ninamasopita aꞌpocoꞌ. Noyasáchin nicoꞌ.