Isaías 7:13 - Chayahuita (Shahui)

¹³ Naporoꞌ Isaiasëso taantapon: “Tapi copirno shinpitanquëma huaꞌan yaꞌconamasoꞌ, noya natancoꞌ. Canpitaso piyapiꞌsa maꞌsha onpotatomaꞌ, apinamaꞌ. ‘Co ina nanirinhuëꞌ,’ tënëso pochin cancantatomaꞌ, ¿Yosë chachinta yaapinamaꞌ ti?

Isaías 7:13 ပူးပေါင်းရင်းမြစ်များ

Génesis 30:15

Napotopirinhuëꞌ, Niari itapon: —Ayon caira. ¡Ama napopitëraquësohuëꞌ! ¡Soꞌyahuë nani osërëtëranco! Huaꞌhuahuë yaꞌhuërëꞌ mantracora huayo quëshirincosontaꞌ ¿yaosërëtaantamaranco ti? itërin. —Ina quëtohuatanco, ipora tashi Cacopo quëmarëꞌ huëꞌëpon, itërin Naquirari.

Isaías 1:24

Napoaton ca Sinioroco yaꞌipi nanitapato naporahuë: ‘Caso yaꞌipi nanitaparahuë. Co insonta Israiro nacionquë ca pochin yaꞌhuërinhuëꞌ. ¡Copi toco huachi! Inimicotërinacosopitasoꞌ, noꞌtëquën anaꞌintarahuë. ¡Iꞌhuërëtaꞌhuaso yaꞌhuërin!

Isaías 43:24

Co pimo nashinan paꞌanahuatomaꞌ, quëshiamacosoꞌ natananquëmahuëꞌ. Noya nicaꞌhuanquëmaso marëꞌ co maꞌsharoꞌsa tëpatoma tomaquën ahuiquitamaso tërantaꞌ, natananquëmahuëꞌ. Co noyahuëꞌ nicatoma oshahuanamaso tëhuënchinsoꞌ, amiaquë huarëꞌ niꞌnahuë.

Isaías 63:10

Israiroꞌsaso napoaponahuëꞌ, co Sinioro yanatëpihuëꞌ. Inasoꞌ noyasáchin nipirinhuëꞌ, noꞌhuipi. Napotopiso marëꞌ inimiconënpita pochin nicaton, ahuërin.

Isaías 7:12

Napotohuachina Acasosoꞌ tapon: “Inca, co nontarahuëꞌ. Co Sinioro tënicaso yaꞌhuërinhuëꞌ,” tënin.

Isaías 7:2

Naporoꞌ Acasoꞌ copirno quëmopinënpitarë chachin shaꞌhuitacaiso marëꞌ paaparahuatonaꞌ: “Siriaroꞌsa israiroꞌsarë nicatahuatonaꞌ, huëcapaiarinënpoaꞌ,” itopi. Napohuachinara, piyapinënpitarë chachin paꞌyanpi. Paꞌyanatona nararoꞌsa ihuani paꞌtan paꞌtantërinso pochin ropatopi.

Amós 3:13

Siniorosoꞌ Yosë. Yaꞌipi nanitapaton naporin: “Cacopo quëran pipipisopita naporahuësoꞌ shaꞌhuitocoꞌ. Yaꞌipi inapitaso oshahuanpi niꞌton, anaꞌintaꞌhuasoꞌ yonquiarahuë. Ina tahuëri nanihuachin, Pitiriquë artaroroꞌsa yaꞌhuërinso ataꞌhuantarahuë. Ina artaroroꞌsa pomonënapitantaꞌ, inimicoroꞌsari yátonpachina tëꞌyataponaꞌ.

Malaquías 2:17

Naquëranchin Sinioro shaꞌhuitaantarinquëmaꞌ: “Nonamaso natanatënquëmaꞌ, amiranquëma huachi,” tënin. Napoaponahuë canpitasoꞌ: “¿Maꞌta tënaisoꞌ natanaton Sinioro amirincoi?” toconamaꞌ. Napohuatamara, Sinioroso naporin: “Canpitaso nonpatamara: ‘Co noyahuëꞌ nipisopitantaꞌ, Yosëriso noya niꞌnin. Inapitanta yonquiaton noya cancantërin,’ tënamaꞌ. Napoatoma canpitasoꞌ, noyasáchin ninahuëso co natëramacohuëꞌ,” tënin.

Lucas 1:69

Ina nohuanton, Tata masho Tapi shiin chachin nichaꞌësarinpoaꞌ. Inasoꞌ chini chiníquën nanantapon.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

Hebreos 3:10

Napoaton inapita noꞌhuito, napotërahuë: Isopita co onporontaꞌ natërinacohuëꞌ. Co yanohuitërinacohuëꞌ. Co iranëhuë paꞌtopihuëꞌ niꞌton,