Isaías 66:1 - Chayahuita (Shahui)

¹ Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!

Isaías 66:1 ပူးပေါင်းရင်းမြစ်များ

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Isaías 60:13

Quirosarinquë yaꞌhuëramasopita Sinioro napotërinquëmaꞌ: “Nipano noꞌpa quëran paꞌton nininsopita quëshiarinëmaꞌ. Pino, apito, siprisë, inapita nararoꞌsa quësapi. Chinotërinacoso pëiꞌ, noya noya tapacaiso marëꞌ quësapi. Huaꞌanëntërahuëso pëiꞌ, noya noya acocaiso marëꞌ napoaponaꞌ.

Malaquías 1:11

Yaꞌipi isoroꞌpaquë nisha nisha piyapiroꞌsa yaꞌhuëpisoꞌ, noya nicatonaco natërinaco. Inapotatonaco yonarin pochin nininsoꞌ, chinotiinacoso marëꞌ aꞌpëpi. Naporahuaton noya nininsopita maꞌsha quëshirinaco.

Mateo 12:6

Yosë pëinën noya nipirinhuëꞌ, casoꞌ chini chiníquën nanantato, noya noya aꞌchintaranquëmaꞌ.

Mateo 24:2

—Iporasoꞌ yaꞌipiya noyápiachin niꞌpiramahuëꞌ, aꞌna tahuërisoꞌ yaꞌipiya ohuatapi. Co aꞌna naꞌpiya tërantaꞌ niyaꞌhuiritarinhuëꞌ, itërin Quisosori.

Hechos 17:24

Ina Yosësoꞌ chini chiníquën nanantërin. Iráca isoroꞌpaꞌ, yaꞌipi maꞌsha isëquë yaꞌhuërinsontaꞌ acorin. Inasoꞌ huaꞌanënpoaꞌ. Isoroꞌpaquë yaꞌhuërinsopita, inápaquë yaꞌhuërinsopita, yaꞌipimiáchin huaꞌanëntarin. Moshatopiso pëiꞌ piyapiꞌsari nipiquë co Yosë yaꞌhuërinhuëꞌ.