Isaías 65:25 - Chayahuita (Shahui)

²⁵ Asaniroꞌsa carniroaꞌhuaroꞌsarëꞌ, napopináchin coshataponaꞌ. Paꞌpinintaꞌ, toro pochin pasto capon. Yaꞌhuaontaꞌ, amocan capaton nanpipon. Yaꞌipi huaꞌanëntërahuëquë noyasáchin nicaponaꞌ. Co insonta maꞌsha onpotaton tapitaponhuëꞌ,” tënin. Sinioro chachin naporin.

Isaías 65:25 ပူးပေါင်းရင်းမြစ်များ

Copo naporinso' 5:23

Naꞌpiroꞌsanta co iminënpitaquë, yaꞌcopiarinquënhuëꞌ. Maton maꞌsharoꞌsanta payapënën. Napoaton co sacai quëranhuëꞌ, iminënquë sacataran.

Isaías 2:4

Nisha nisha nacionoꞌsa Siniorori coisë pochin nicaton noꞌtëquën shaꞌhuitarin. Nisha nisha piyapiroꞌsa ninoꞌhuirápirinahuëꞌ, acopitapon. Sahuëninënaꞌ, noꞌpaꞌ ohuërënanoꞌsa atarantaponaꞌ. Nansanënantaꞌ, yaquitonanoꞌsa atarantaponaꞌ. Co inso piyapiroꞌsa tërantaꞌ, niahuëcaiso marëꞌ ohuarapisopita macaponahuëꞌ. Naporahuatonaꞌ, co huachi niahuëcaiso marëꞌ niaꞌchintaponahuëꞌ.

Isaías 35:9

Inaquësoꞌ, co paꞌpiniroꞌsa yaꞌhuëaponhuëꞌ. Co huachi tëꞌhuatoro maꞌsharoꞌsa yaꞌhuëaponhuëꞌ. Inataëchin Yosëri nichaꞌërinsopita huënantaponaꞌ.

Miqueas 4:3

Naporoꞌ Siniorosoꞌ coisë pochin nicaton, nisha nisha piyapiꞌsa noꞌtëquën shaꞌhuitapon. Notohuaroꞌ piyapiꞌsa nanan yaꞌhuëtopisoꞌ, áquë yaꞌhuëpirinahuëꞌ, maꞌsona onpotacaisoꞌ shaꞌhuitapon. Shaꞌhuitohuachin, inahuaso sahuëninëna quëran noꞌpaꞌ ohuërënanoꞌsa ocoiaponaꞌ. Nansanëna quëraontaꞌ, yaquitonanoꞌsa ocoiaponaꞌ. Naporosoꞌ, co huachi niahuëcaiso niaꞌchintaponahuëꞌ. Naporahuaton co huachi niahuëaponahuëꞌ.

Hechos 9:1

Saonoso nipirinhuëꞌ noꞌhuitárin. Quisoso imapisopita noꞌhuiton, yatëparin. Napoaton corto huaꞌan chini chiníquën nanantërinsoꞌ nontonin.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

2 Pedro 3:13

Napoaponahuëꞌ, nasha yaꞌhuaantapon. Nani Yosë shaꞌhuitërinpoaꞌ. “Aꞌna tahuëri nasharoꞌpaꞌ, nasha piꞌiroꞌtëꞌ inapita acoantapo,” itërinpoaꞌ. Ina ninarëhuaꞌ. Inaquë noyasáchin nisarëhuaꞌ.

Apocalipsis 14:1

Ina quëran huaꞌnarëso pochin niantahuato, Carniroaꞌhua quënantarahuë. Sion motopiquë huaniarin. Inarëꞌ pasa catapini shonca catapini huaranca piyapiꞌsaꞌ yaꞌhuapi, niꞌnahuë. Imapi niꞌton, ina nininën niacotëꞌyatopi. Tata Yosë nininëontaꞌ niacotopi.