Isaías 64:5 - Chayahuita (Shahui)

⁵ Noya cancantatona noya nipisopita, nohuantëransoráchin nipisopita, inapita quëmarisoꞌ noya niꞌnan. Iporaso nipirinhuëꞌ, oshahuanai niꞌton, noꞌhuirancoi. Nani huaꞌqui co quëma costaransohuëꞌ ninai.

Isaías 64:5 ပူးပေါင်းရင်းမြစ်များ

Salmos 103:17

Napoaponahuëꞌ, Sinioro noya nicatëhua natëhuatëhuasoꞌ, nosoromiatarinpoaꞌ. Noꞌtëquënáchin yonquiaton, shinpoapitanta catahuarápon.

Salmos 37:4

Sinioroíchin nosoroaton capa cancantëquëꞌ. Ina nohuanton nohuantomiatëransopita natanansoꞌ, yaꞌhuëtarinquën.

Éxodo 20:24

Chinotamacoso marëꞌ artaro yanipatamaꞌ, noꞌpa quëran nicoꞌ. Inaquë oshanëma marëꞌ pëꞌtahuanëmaꞌ tëparamasoꞌ, yaꞌipi ahuiquitocoꞌ. Nanan anoyatërëhuaso marënta tëparamasoꞌ, inaquë chachin piꞌpian ahuiquitocoꞌ. Insëquësona chinotamacoso huayonahuëquë inapohuatamaꞌ, noya niꞌsaranquëmaꞌ. Oꞌmarahuato, nani maꞌsha ninamaquë catahuamiataranquëmaꞌ.

Isaías 1:30

Insina nara nohuamëtërinso pochin canpitanta nisaramaꞌ. Yancoroꞌ iꞌshari pahuantërinso pochin nisaramaꞌ.

Isaías 63:10

Israiroꞌsaso napoaponahuëꞌ, co Sinioro yanatëpihuëꞌ. Inasoꞌ noyasáchin nipirinhuëꞌ, noꞌhuipi. Napotopiso marëꞌ inimiconënpita pochin nicaton, ahuërin.

Isaías 63:7

Onpopinsona Sinioro nosorotërinso yonquiato, shaꞌhuiarahuë. Maꞌpitaquësona catahuarinpoaso yonquiato, cantarahuë. Israiro huënton nosoromiatërinso marëꞌ napoarahuë. Paꞌpi nosoroaton catahuarinso marëꞌ inapoarahuë.

Daniel 9:5

Tëhuënchachin quiyasoꞌ co noyahuëꞌ nicatoi oshahuanai. Co costaransohuëꞌ ninai. Co quëma yaꞌhuëransohuë pochin cancantatoi yaꞌhuërai. Camaitëransopita, shaꞌhuiransopita, inapita aꞌporai.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Malaquías 3:6

Naquëranchin Sinioro israiroꞌsanquëma nontatënquëmaꞌ: “Caso Sinioroco niꞌto, co nishatërahuëꞌ. Napoaton canpitaso Cacopo quëran pipiramasopita, co ataꞌhuantëranquëmahuëꞌ.

Hechos 10:35

Nisha piyapiꞌsanquëmaꞌ nipomarahuëꞌ, cancanëma quëran huarëꞌ ina chinotohuatamaꞌ, nohuantarinquëmaꞌ. Noya cancantohuatamaꞌ, noya niꞌsarinquëmaꞌ.

Hebreos 4:16

“Tëhuënchachin nosoroatonpoaꞌ, catahuarinpoaꞌ,” taꞌtëhuaꞌ, apira apira Yosë nontahuaꞌ. Nontohuatëhuaꞌ, oshanënpoaꞌ inquitarinpoaꞌ. Maꞌsha onpohuatëhuaꞌ, ina nontohuatëhuaꞌ, inaora nohuanton, catahuarinpoaꞌ noya ahuantacaso marëꞌ.