Isaías 64:3 - Chayahuita (Shahui)

³ Co manta yonquiasocoihuëꞌ, huëhuëpiro nininsoꞌ nipatana, paꞌyanai. Inápa quëran oꞌmahuatana, motopiroꞌsanta quëma notënanquë nacontopi.

Isaías 64:3 ပူးပေါင်းရင်းမြစ်များ

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

Salmos 66:3

“Nani maꞌsha acoransopitasoꞌ, paꞌyápiro ninan. Chini chiníquën nanantëran niꞌton, inimiconënpita tëꞌhuatatënën, anotatonaꞌ: ‘Tomonca,’ tëcaponaꞌ.

Salmos 66:5

Sinioro catahuainpoaso marëꞌ naporinsopita, yonquicoꞌ. Canpoa marëꞌ paꞌyapiro nininsopita acorin:

Éxodo 34:10

Ina quëran Siniorori napotaantarin: “Noya natanquë shaꞌhuichinquën. Yaꞌipi israiroꞌsanta noya natainaꞌ: Naquëranchin canpitarëꞌco anoyatarahuë. Catahuatënquëmaꞌ, maꞌsha paꞌpi huëhuëpiro nininsopita aꞌnoarahuë. Co inso nacionquë tërantaꞌ, isoroꞌpaquë ina pochin niꞌchinpihuëꞌ. Yaꞌipi piyapiꞌsa insëquësona paꞌnamaquë, ca Sinioroco nanitaparahuësoꞌ niꞌsapi. Canpita catahuatënquëmaꞌ, paꞌpi huëhuëpiro nininsopita aꞌnoarahuësoꞌ, niꞌsaramaꞌ.

Isaías 64:1

Maꞌcha Sinioro piꞌiroꞌtë osharëso pochin nitaton oꞌmaranhuë paya. Inaporan naporini, motopiroꞌsa anaconchitonhuëꞌ.

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.

Habacuc 3:6

Huëꞌsarin quëran chiniꞌ topachina, isoroꞌpaꞌ nacontërin. Isoroꞌpaꞌ nocohuachina, piyapiroꞌsa ropatopi. Iráca motopiroꞌsa yaꞌhuërinsoꞌ, nohuatapi. Soquirinso pochin nicatonaꞌ, taꞌhuantapi. Yosë pënënatonpoa ira aꞌnotërëso pochin nitërinpoasoso nipirinhuëꞌ, yaꞌhuëmiatarin.

Deuteronomio 10:21

Inasoꞌ nóya niꞌton, canpoasoꞌ inasáchin chinotërëhuaꞌ. Inaíchin Yosë imarëhuasoꞌ. Catahuainpoaso marëꞌ, paꞌpi huëhuëpiro nininsopita maꞌsha aꞌnorin, canpitanta niꞌnamaꞌ.