Isaías 64:10 - Chayahuita (Shahui)

¹⁰ Ninanonënpitasoꞌ noya noya nipirinahuëꞌ, iporasoꞌ tanahuantápi. Inimicoroꞌsari Quirosarin ninano ataꞌhuantatona tapipi.

Isaías 64:10 ပူးပေါင်းရင်းမြစ်များ

2 Reyes 25:9

Inasoꞌ, sontaronënpitarë chachin Yosë chinotacaso pëi iꞌchinpitërin. Copirno huaꞌanëntërinso pëiꞌ, yaꞌipi noya noya pëi nipisopita, inapitanta inapotërin.

Isaías 1:7

Yaꞌipi yaꞌhuëramaso noꞌpaꞌ, tananhuantárin quëparitërin. Ninanoroꞌsantaꞌ, huiquitërantarin. Inimiconëmapitanta niꞌtonëmaquë chachin shaꞌtëramasopita nitërinsoꞌ, capitërinënquëmaꞌ. Sotoma ninano ataꞌhuantopiso pochin yaꞌipi yaꞌhuëramasoꞌ taꞌhuantërin.

Isaías 52:1

Naquëranchin Sinioro taantarin: “Quirosarinquë yaꞌhuëramasopita, capayatërëso pochin cancantocoꞌ. Naporahuatoma chiníquën cancantocoꞌ. Ninanonëmasoꞌ, Yosë ninanonën. Noya noya nininsoꞌ aꞌmorëso pochin nitapacoꞌ. Inpioroꞌsasoꞌ, co huachi yaꞌcontarinquëmahuëꞌ.

Isaías 6:11

Napotohuachincora, natanahuë: “¿Onporo huaꞌquita Sinioro ina pochin cancantaponaꞌ?” itohuatora: “Ninanoroꞌsa ataꞌhuantohuachinaꞌ, tanahuantápai huarëꞌ napoapi. Pëiroꞌsaꞌ, iminoꞌsaꞌ, inaquëpitanta sacorápona huachi.

Isaías 63:18

Noya nicatoncoi noꞌpaꞌ quëtopirancoihuëꞌ. ¡Co huaꞌquiyátërahuëꞌ huaꞌanëntërai! Inimiconëhuëipitari huëꞌsahuatonaꞌ, quëma pëinën ataꞌhuantopi.

Miqueas 3:12

Naporamaso marëꞌ chinotëramacoso pëi ohuatapona niꞌton, pantatápon. Quirosarin ninanontaꞌ, ina pochachin nitapi,’ tënahuë,” tënin.

Lucas 21:21

Naporoꞌ taꞌacasoꞌ yaꞌhuërin. Cotia parti yaꞌhuëhuatamaꞌ, motopiꞌpaꞌ taꞌacoꞌ. Ninanoquë yaꞌhuëhuatamaꞌ, aꞌnaroáchin pipicoꞌ. Iminëmaquë yaꞌhuëhuatamaꞌ, ama ninanoquë ayancontacosohuëꞌ.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.