Isaías 63:8 - Chayahuita (Shahui)

^8-9 Inapita yonquiaton Sinioro tënin: “Inapitasoꞌ piyapinëhuëpita. Co onporonta nonpintarinacohuëꞌ,” tënin. Napoaton maꞌsha onpotohuachinara, inaora chachin maꞌsha onpotapiso pochin ninatanin. Ina pochin cancantaton nichaꞌësarin. Co aꞌna aꞌpaton nichaꞌësarinhuëꞌ. Inaora chachin paꞌsahuaton nichaꞌësarin. Nosoromiataton inapotarin. Opatëahuatë iporëso pochin nitarin. Iráca quëran huarëꞌ napotërinsoꞌ, inachachin nisárin.

Isaías 63:8 ပူးပေါင်းရင်းမြစ်များ

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Éxodo 14:30

Ina pochin naporo tahuëri Yosëri israiroꞌsa nichaꞌërin. Iquipitoroꞌsari huaꞌqui huaꞌanëntopirinahuëꞌ, nichaꞌërin. Iquipito sontaroꞌsa chimiitopisosoꞌ, marë yonsaiquë yanpoáporin niꞌpi.

Éxodo 24:7

Ina quëran, Yosërëꞌ anoyatopiso quirica chiníquën nontërin. Yaꞌipi israiroꞌsa natanacaiso marëꞌ naporin. Nani natanpachinara: —Yaꞌipi cancanëhuëi quëran Sinioro camaitërinso natëarai, topi.

Éxodo 3:7

Napoaponahuëꞌ, Yosëri aquëtë chachin shaꞌhuitaantarin: —Piyapinëhuëpita israiroꞌsa itopisoꞌ, Iquipitoroꞌsari chiníquën asacatatona aparisitomiatapi. Sacato huaꞌanoꞌsari, ahuëanaquëranchin asacatapi. Napoaton catahuaꞌhuaso marëꞌ chiníquën nontërinaco. Ina natanato, inapita nichaꞌëcaꞌhuaso marëꞌ oꞌmarahuë. Iquipitoroꞌsari huaꞌanëntopirinahuëꞌ, ocoirahuato panca noꞌpaꞌ nininquë quëparahuë. Inaquësoꞌ, co manta pahuaninhuëꞌ. Iporasoꞌ inaquë: Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Ina huëntonoꞌsasoꞌ, co chinotërinacohuëꞌ.

Isaías 41:8

Piyapinënpitanpoaso napoaponahuëꞌ Sinioro chachin achinicancaninpoaꞌ: “Natanco israiroꞌsanquëmaꞌ: Canpitasoꞌ piyapinëhuë Cacopo itopisoꞌ shinpitanquëmaꞌ. Amiconëhuë Apraan itopisonta shimashonëmaꞌ.

Isaías 43:11

Casáchin Yosëco. Casáchin nanitërahuë nichaꞌëtaꞌhuasoꞌ,” itërinquëmaꞌ.

Isaías 43:3

Caso Sinioroco niꞌto, napoarin. Carima nichaꞌësaranquëmaꞌ. Caso Yosëco noyasáchin ninahuë niꞌton, Israiro chinotërinco. Aꞌnapita huaꞌanëntapirinënquëmahuëꞌ, cari paꞌananquëmaꞌ. Iquipito, Itiopia, Sapa, inapita nacionoꞌsa pahuërë pochin quëtato, paꞌananquëmaꞌ.

Isaías 60:16

Noya noya cosharonënaꞌ, nacionoꞌsa quëshiponëmaꞌ. Copirnonënantaꞌ, paꞌton nininsopita maꞌshanëna quëshiponëmaꞌ. Ca Sinioroco niꞌton, nichaꞌëranquëmasoꞌ nitotaponaꞌ. Chiníquën nanantërahuëso marëꞌ iráca Cacopontaꞌ, chinotërinco. Inapochinco niꞌton, nichaꞌëranquëmasoꞌ nitotapi.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Isaías 64:9

Sinioro ama huachi aquëtë noꞌhuitëquësohuëꞌ. Paꞌpi co noyahuëꞌ ninaisoꞌ, ama yonquiráquësohuëꞌ. ¡Piyapinënpitacoi niꞌton, ama naniantocoisohuëꞌ!

Jeremías 14:8

Maꞌsha onporaiso tahuëriꞌsa nichaꞌërancoi niꞌton, quëmasáchin israiroꞌsacoisoꞌ ninarainquën. Naꞌhuëroꞌsa aꞌna tashiíchin huëꞌëpatërinso pochin ninan. ¡Ama ina pochin nicatonhuëꞌ, catahuacoi!

Oseas 13:4

Sinioro naporin: “Iquipitoquë yaꞌhuërama quëran huarëꞌ, casáchin Sinioroco niꞌto, Yosënëmaco. Co aꞌna ca pochin chinotamaso yaꞌhuërinhuëꞌ. Carinquëmáchin nichaꞌëranquëmaꞌ.

Juan 1:47

Natanino yaꞌcarirahuasoꞌ, Quisosori quënanin. —Pasoꞌ quëmapi niꞌcoꞌ. Israiromia chachin inasoꞌ. Co piꞌpisha tërantaꞌ nonpininhuëꞌ, itërin Quisosori.

Romanos 11:28

Iporasoꞌ israiroꞌsaꞌ co Quisocristo nanamën natëpihuëꞌ. Yosë inimicotopirinahuëꞌ, canpitasoꞌ imaramaꞌ. Napoaponahuëꞌ, israiroꞌsaꞌton acorin piyapinënpita nicacaiso marëꞌ. Iráca Apraan, Isaco, Cacopo, inapita shaꞌhuitërin niꞌton, ipora huantaꞌ shinpita nosoroarin.

Efesios 4:25

Yaꞌipi imarëhuasopita Yosë huëntonënquë chachin yaꞌconëhuaꞌ. Iyanpoa pochin ninëhuaꞌ. Napoaton ama ninonpintahuasohuëꞌ. Noꞌtëquënáchin ninontahuaꞌ.

Deuteronomio 32:5

Canpitaso paꞌpi co noyanquëmahuëꞌ. Yosë chachin nipirinhuëꞌ tëhuëtëramaꞌ. Co huiꞌninpita pochin nicaimaso yaꞌhuërinhuëꞌ.

Deuteronomio 33:29

¡Mainacha canpoasoꞌ israiroꞌsanpoa ninëhua paya! Co inso nacion tërantaꞌ, canpoa pochin nininhuëꞌ. Sinioro chachin nichaꞌërinpoaꞌ. Ina chachin paꞌpoyarinpoaꞌ. Catahuarinpoaꞌ, napotërinpoaꞌ. Inimiconënpoapita, sahuëninënpoa quëran minsërëhuaꞌ. Ina pochachin Sinioronta catahuarinquëmaꞌ, inimicoroꞌsa minsëaramaꞌ. Inimiconëma ahuërapiramahuëꞌ, co nanitatonaraihuëꞌ moshaponëmaꞌ: ‘Ama huachi niahuëaꞌhuasohuëꞌ. Nohuantëramasoꞌ natancoi quëchinquëmaꞌ,’ itaponënquëmaꞌ. Inapotatoma atapanapoma huachi,” itërin Moisësë israiroꞌsa nontaton.

Colosenses 3:9

Ama ninonpintocosohuëꞌ. Co noyahuëꞌ yonquiramasopita nani aꞌporamaꞌ niꞌton, co ina yonquicasoꞌ yaꞌhuërinhuëꞌ. Mocarinsoꞌ tëꞌyatërëso pochin iráca naporamasopita aꞌpoatomaꞌ, naniantomiatocoꞌ.

1 Juan 4:14

Tata Yosëri huiꞌnin isoroꞌpaquë aꞌpaimarin nichaꞌëinpoaso marëꞌ. Quiyarisoꞌ niꞌnai. Nani tahuëri piyapiꞌsaꞌ shaꞌhuitárai.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.