Isaías 63:5 - Chayahuita (Shahui)

⁵ Niꞌpirahuëꞌ, co insonta catahuaincoso yaꞌhuërinhuëꞌ. Co yaꞌhuërinhuë nicato, paꞌyanahuë. Paꞌyanpirahuëꞌ, caora ahuëtato canatërahuë. Paꞌpi noꞌhuitërahuë niꞌton, napotërahuë.

Isaías 63:5 ပူးပေါင်းရင်းမြစ်များ

Salmos 107:12

Sinioro nohuanton chiníquën sacato tëꞌyanantopi. Iꞌpatona anotohuachinarantaꞌ, co macari catahuarinhuëꞌ.

Salmos 22:11

Ama naniantocosohuëꞌ. Nani maꞌsha onpopirahuëꞌ, co insonta catahuarincohuëꞌ.

Salmos 69:20

Maꞌsha onpotápatonaco asëtomiatërinaco. Inapoato co huachi chiníquën cancantërahuëꞌ: “Insha tëranta taꞌma nosoroatonco achinicancanaponco,” taꞌto ninápirahuëꞌ. ¡Coꞌchi paya!

Isaías 40:10

Chiníquën nanantaton oꞌmararin. Yaꞌipi minsërahuaton, piyapinënpita isëquë chachin quëantarin. Nisharoꞌsari huaꞌanëntopirinahuëꞌ, inapita quëran nichaꞌërin.

Isaías 41:28

Napoato niꞌpirahuëꞌ, co aꞌna mamanshi tëranta yaꞌnorinhuëꞌ. Co inso tëranta maꞌsona noya nicacaisoꞌ shaꞌhuicaso yaꞌhuërinhuëꞌ. Natanahuësopitanta aꞌpaniinacosoꞌ, co insonta yaꞌhuërinhuëꞌ.

Isaías 52:10

Nisha nisha piyapiꞌsa niꞌtonënquë Sinioro chiníquën nanantërinsoꞌ aꞌnorin. Yosënënpoa nichaꞌërinpoasoꞌ, yaꞌipiroꞌpaquë yaꞌhuëpisopita nitotaponaꞌ.

Isaías 63:3

—Caoraíchin inimiconëhuëpita anaꞌintato opa toꞌpoirëso pochin ninahuë. Co insonta catahuarincohuëꞌ. Paꞌpi noꞌhuitato inimiconëhuëpita toꞌpi toꞌpitërëso pochin nitërahuë. Noꞌhuitonëhuëquë nipincatatë pochin nitato minsërahuë. Inapotërahuë niꞌton, huënainëna quëran panshoatërincosoꞌ, yaꞌipi aꞌmorahuëso sëꞌcotërin.

Oseas 1:7

Cota huëntonso napoaponahuëꞌ, nosoroarahuë. Cari chachin inapitasoꞌ, nichaꞌësarahuë. Yosënënaco niꞌto, topinan nichaꞌësarahuë. Co ahuëtatona chaꞌësapihuëꞌ. Sahuëni, pëꞌchinan, cahuarioroꞌsaꞌ, sontaroꞌsa cahuarioquë paꞌpisopita, co inapita nohuantarahuëꞌ,” itaantarin.

Juan 16:32

Ipora tashi chachin yaꞌipinquëmaꞌ taꞌananpiaramaco. Yanquëërahuatomaꞌ, pëinëmaquë paꞌsaramaꞌ. Patopiramacohuëꞌ, co caora yaꞌhuapohuëꞌ. Tatahuë caꞌtanarinco.

1 Corintios 1:24

Canpoaso nipirinhuëꞌ Yosë huayoninpoaꞌ niꞌton, Quisocristo imarëhuaꞌ. Inasoꞌ noꞌtëquën yonquirin. Yaꞌipiya nitotaton, noꞌtëquën anitotërinpoaꞌ. Inasáchin nanitaparin anoyacancantinpoasoꞌ, tënëhuaꞌ. Quiyantaꞌ cotio piyapicoi nipiraihuëꞌ, canpitantaꞌ nisha piyapinquëmaꞌ nipomarahuëꞌ, Yosë nohuanton, imarëhuaꞌ.