Isaías 63:2 - Chayahuita (Shahui)

² —Opa toꞌpoihuatëra, aꞌmorëso quëhuanën quëran panshoatërinpoꞌ. ¿Onpoatonta aꞌmoranso ina pochin yaꞌnorin? itërahuë.

Isaías 63:2 ပူးပေါင်းရင်းမြစ်များ

Génesis 49:11

Cotaso notohuaroꞌ oparohuanaton, moraꞌhuanëntaꞌ, co apiratarinhuëꞌ. Inaquë capacaso marëꞌ aꞌsonpitërapon. Huinoquë chachin aꞌmorinso pëꞌsapon. ¡Opa huayo noꞌhuiquënquë chachin, inapotapon!

Isaías 63:1

Aꞌnara huëꞌsarinso nicato: —Itomoroꞌsa copirnonëna yaꞌhuërinso ninanoꞌ, Posora itopi. Inatohuaran aꞌnara quëmapi huëꞌsarin. Quëhuanën quëran aꞌshitahuatë aꞌmorëso pochin huëꞌsarin. Chiníquën nanantonaꞌpi aꞌmorinso pochin aꞌmorin. Co macari tëranta chinitochináchinhuëꞌ, yaꞌnorin. ¿Incha inaso nicaya? tënahuë. Napoasoco chachin: —Ca huëꞌsarahuë. Canatërahuësoꞌ, shaꞌhuitaranquëmaꞌ. Chiníquën nanantato nichaꞌëcaꞌhuasoꞌ nanitaparahuësontaꞌ, shaꞌhuitaranquëmaꞌ, itërinco.

Apocalipsis 14:19

Itohuachina, aꞌnaroáchin co imapisopitahuëꞌ manin anaꞌintacaso marëꞌ. Yosëri chiníquën noꞌhuiton, noꞌtëquën anaꞌintarin.

Apocalipsis 19:13

Aꞌmorinsoꞌ huënaiquë aꞌshitërin. Inasoꞌ Yosë nanamën chachin ninin.

Apocalipsis 19:15

Quëmapi quëchitërinsoꞌ nanamën quëran sahuëni pochin nininsoꞌ yaꞌhuëtërin. Chiníquën nanantaton, nanamën quëran chachin inimiconënpita minsëarin. Noninsoꞌ sahuëni pochin nicaton, topinan noncharapirinhuëꞌ, co noyahuëꞌ nipisopita minsëarin. Piyapiꞌsaꞌ noꞌtëquën anaꞌintarin. Yosëri noꞌhuirin niꞌton, oparoꞌsaꞌ toꞌpoirëso pochin oshahuanoꞌsaꞌ chiníquën anaꞌintarin.