Isaías 63:17 - Chayahuita (Shahui)

¹⁷ ¡Ama pëshonatë pochin nicaꞌhuaiso marëhuëꞌ, catahuacoi! Naporahuatoi tëꞌhuatatë pochin nichinquën. Quiyasoꞌ piyapinënpitacoi, huëntonënpitacoi. Nosororancoi nipachinsoꞌ, ¡ama topinan niꞌsácoisohuëꞌ!

Isaías 63:17 ပူးပေါင်းရင်းမြစ်များ

Salmos 90:13

Sinioro tahuërëtaantacoi. ¡Ama huachi noꞌhuicoisohuëꞌ! Nosoroatoncoi catahuaantacoi.

Éxodo 11:10

Moisësë, Aaron, inapita Yosëri camairinso chachin nipi. Huaraon niꞌtonënquë yaꞌipi paꞌpi huëhuëpiro nininsopita maꞌsha aꞌnopi anaꞌintacaso marëꞌ. Copirnosoꞌ, ina nicaponahuë tërantaꞌ, co natantochináchinhuëꞌ cancantërin. Siniorori ina pochin acorin niꞌton, co israiroꞌsa Iquipito quëran yaaꞌparinhuëꞌ.

Éxodo 4:21

Coꞌhuara Iquipitoquë canshátërasohuëꞌ, Yosëri nani shaꞌhuitërin: —Iquipitoquë canpatan, copirno niꞌtonënquë huaranën quëran nani maꞌsha paꞌpi huëhuëpiro nininsopita niquëꞌ. Inanta chiníquën nanantërahuësoꞌ, nitotacaso marëꞌ inapoquëꞌ. Ca nohuanto co natëponquënhuëꞌ. Co natëtënquënhuëꞌ co israiroꞌsa yaaꞌpaponhuëꞌ.

Isaías 6:10

Piyapinëhuëpita yonquinëna tapitëquëꞌ. Nëꞌhuëya pochin cancanchinaꞌ. Somarayapiso pochin cancantatonaꞌ, ama manta noꞌtëquën yonquiꞌinasohuëꞌ. Shaꞌhuitërahuësoꞌ noꞌtëquën yonquipi naporini, oshanëna aꞌpoitonahuëꞌ. Inapopi naporini, co huachi anaꞌintaꞌhuasoꞌ yaꞌhuëitonhuëꞌ,” itërinco.

Números 10:36

Yosë caposonën quëpapisopita chiniconpachinara, Moisësë napoantarin: “¡Naquëranchin Sinioro huëantaquëꞌ! Israiro sontaroꞌsa chinotapiquë huëantaquëꞌ. Inahuaso co pichinahuanhuëꞌ yaꞌhuëpi,” taantarin. Nani chiniconpiquë naporin.

Juan 12:40

“Yosëri tananpitërin niꞌton, tanshirëso pochin cancantatonaꞌ, co natëtochináchinhuëꞌ cancantopi. Huaꞌquiꞌ co yanatëpihuëꞌ niꞌton, napotërin. Noya niꞌpi naporini, quënanchitonahuëꞌ. Noya natanpi naporini, natëchitonahuëꞌ. Imarinaco naporini, anoyacancanchitohuëꞌ,” tënin.