Isaías 63:15 - Chayahuita (Shahui)

¹⁵ Sinioro quëmasoꞌ, inápaquë yaꞌhuëran. Noya noya nininquë, huënaratërinquë, inaquë yaꞌhuëran. Quëmasoꞌ paꞌpi nosororancoi. Naporahuaton chiníquën nanantëran. Inaporan nichinapon chachin ¿co poꞌsápaꞌhuaisoꞌ nohuanchitonhuë pora? ¡Nosoroatoncoi catahuaantacoi!

Isaías 63:15 ပူးပေါင်းရင်းမြစ်များ

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Salmos 33:14

Yaꞌhuërin quëran huarëꞌ inasoꞌ, isoroꞌpaquë yaꞌhuëpisopita noya niꞌsárin.

Salmos 80:15

Quëmaora chachin shacatë pochin nitërancoi. Quëma chachin aꞌpairancoi.

Salmos 89:49

Yaꞌnan nosororancoisoꞌ, yonquiantaquëꞌ. ¡Noꞌtëquënáchin nonaton Tapi shaꞌhuitëransoꞌ yonquiquëꞌ!

Isaías 42:13

Míso ahuëtonaꞌpi pochin Siniorosoꞌ paꞌsarin. Ahuëtonaꞌpi chiníquën ahuëtërinso pochin nisarin. “Yai,” tahuaton caniaritarin. Inaporahuaton inimiconënpita minsëarin.

Isaías 64:12

Inaporai niꞌton, ¡onpopionta catahuaantacoi! Coꞌsoꞌ inapoaton catahuaantahuatancoihuëꞌ, atapamiatarancoi huachi. Napoaton, ¡onpopionta catahuaantaponcoi! tënai.

Isaías 66:1

Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!

Isaías 9:7

Tapi copirno iráca huaꞌanëntërinso shiraquë huënsëaton huaꞌanëntapon. Chiníquën nanantaton, yaꞌipi parti camaitapon. Ina huaꞌanëntarin niꞌton, sano yaꞌhuëmiatapi. Co onporonta huaꞌanëntërinso nitiquiaponhuëꞌ. Noꞌtëquënáchin yonquiaton, noyasáchin nicapon. Ipora quëran huarëꞌ naporinsoꞌ, co onporonta nishataponhuëꞌ. Siniorosoꞌ yaꞌipi nanitaparin. Nosoromiatatonpoa napoarin.

Jeremías 31:20

Napohuachinaꞌ cari itarahuë: ‘Canpitaso piyapinëhuëpitanquëma niꞌton, paꞌya paꞌyatëranquëmaꞌ. Co aꞌnapitaso canpita pochin nosororahuëꞌ. Aꞌna tahuëriso mini, chiníquën pënënanquëmaꞌ. Inapotopiranquëmahuëꞌ, co naniantëranquëmahuëꞌ. Yaꞌipi cancanëhuë quëran nosoromiatëranquëmaꞌ. Ca Sinioroco shaꞌhuitaranquëmaꞌ.

Oseas 11:8

Canpitaso israiroꞌsanquëmaꞌ. Noꞌhuípiro mini nipiramahuëꞌ, ¡Co nanitërahuë aꞌpomiataꞌhuanquëmasoꞌ! Atoma, Sipoin, inapita ninanoroꞌsasoꞌ, co noyahuëꞌ nipiso marëꞌ iráca ataꞌhuantërahuë. Inapita pochachin ataꞌhuantaꞌhuanquëmasoꞌ, ¡coꞌchi nanitarahuë paya! ¡Nosorochináchin cancantëranquëmaꞌ!

Joel 2:18

Sinioro camaitërinso chachin corto huaꞌanoꞌsari nontohuachinara, inaso piyapinënpita nosororinsoꞌ, aꞌnotarin. Inapita nosoroaton itapon: “Noyapaꞌ. Naporama niꞌquëhuarëꞌ, ca nohuanton triconëma noyataantapon. Oparoꞌsanta huino niantamaso marëꞌ, noyataantapon. Oriporoꞌsanta toma ocoyantamaso marëꞌ, yaꞌhuëantapon. Nanirinso chachin yaꞌhuëtaantarinquëma niꞌton, co huachi tanapomahuëꞌ. Co huachi yamoropomahuëꞌ. Inpioroꞌsantaꞌ, co huachi tëhuainëmasoꞌ yaꞌhuëaponhuëꞌ.

Lucas 1:78

Yosë nosoroatonpoaꞌ, inápa quëran aꞌpintimarinpoaꞌ. Piꞌi aꞌpintërinpoaso pochin noꞌtëquën anitotërinpoaꞌ.

Deuteronomio 26:15

Quëmasoꞌ, inápaquë noya noya pëiquë yaꞌhuërëso pochin yaꞌhuëtëran. Inaquë yaꞌhuëaponahuëꞌ, isoroꞌpaquë yaꞌhuëraiso nitotëran. Israiroꞌsacoisoꞌ, quëma piyapinënpitacoi niꞌton, catahuamiatocoi. Noꞌpaꞌ quëtërancoisontaꞌ, nóya. Co manta pahuaninhuëꞌ. Shimashonëhuëpita shaꞌhuitëranso chachin ninin. Inantaꞌ, noya yonquirapiquëꞌ. Quëma nohuanton nani maꞌsha shaꞌnaisopita noya noyachin,’ tosaran,” itërin.

Filipenses 2:1

Quisocristo achinicancaninquëmaꞌ. Naꞌcon nosororinquëmaꞌ niꞌton, noya cancantaramaꞌ. Ispirito Santo yaꞌcoancantohuachinquëmaꞌ, catahuarinquëmaꞌ. Catahuahuachinquëmaꞌ, noya ninosoroaramaꞌ.

1 Juan 3:17

Quisocristo imarëhuasopita capini noya ninosorocasoꞌ yaꞌhuërin. Aꞌnapita maꞌsha pahuantohuachinaꞌ, catahuahuaꞌ. Capa capacaisoꞌ nipachin, capa aꞌmocaisoꞌ nipachin quëtahuaꞌ. Co inapita catahuahuatëhuahuëꞌ, co tëhuënchachin nosororëhuahuëꞌ. Co canpoa capini ninosorohuatëhuahuëꞌ, co Yosëntaꞌ nosororëhuahuëꞌ.