Isaías 63:12 - Chayahuita (Shahui)

^12-14 Yosëso chini chiníquën nanantaton Moisësë catahuarin. Marëquë nipachina patomairahuaton ira pochin acorin. Napohuachina, co toꞌcoitatonaraihuë noya pëntonpi. Cahuarioroꞌsa inotëro taꞌatohuachina co toꞌcoitopisohuë pochin nipi. Pëꞌtahuaroꞌsanta panën quëran noyaroꞌtëquë chinotacaso marëꞌ paꞌmapiso pochin nipi. Inapoaton chini chiníquën nanantërinsoꞌ, nahuimiatërin huachi. Iporaso napoaponahuëꞌ, ¿Intohuata pacaton co huachi yacatahuarinpoahuëꞌ?” topi Sinioro ispiritonën ira aꞌnotatë pochin nitatonpoaꞌ, piyapinënpitanpoa quëninpoaꞌ. Inapoaton noya noya nininsoꞌ nahuimiatërin.

Isaías 63:12 ပူးပေါင်းရင်းမြစ်များ

Nehemías 9:10

Iquipito copirnonta anaꞌintaton, nani maꞌsha paꞌpi huëhuëpiroꞌ nininsopita aꞌnotëran. Piyapinënpitarë chachin anaꞌintaton, napotëran. Israiroꞌsa co quëꞌyatonaraihuëꞌ aparisitapi niꞌton, anaꞌintaton, napotëran. Inapoaton iporasoꞌ, sacóshin nahuinan.

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Éxodo 15:13

Paꞌpi nosoromiatërancoi niꞌton, nichaꞌërancoi. Chiníquën nanantaton quëparancoi. Yaꞌhuëcaꞌhuaiso marëꞌ huayonanquë chachin quëparancoi.

Éxodo 15:16

Catahuacoi Sinioro. Nisha nisha nacionoꞌsa tëꞌhuachina huachi. Naꞌpi co pacaritërinsohuë pochin, quëma nohuanton niinaꞌ. Piyapinënpitacoi noꞌpanëna naꞌhuëtaꞌhuai huarëꞌ napoꞌinaꞌ.

Éxodo 15:6

Sinioro. Ma noyacha ninan paya. Chini chiníquën nanantaton, inimicoroꞌsa paꞌsa paꞌsatëran.

Éxodo 6:6

Napoaton piyapinëhuëpita iso pochin shaꞌhuitëquëꞌ: “Caso Sinioroco. Carinquëma Iquipito quëran ocoiaranquëmaꞌ. Iporasoꞌ chiníquën asacatopirënënquëmahuëꞌ, carinquëma chiníquën nanantato nichaꞌësaranquëmaꞌ. Chiníquën aparisitërinënquëma niꞌton, carinta noꞌtëquën iꞌhuërëtarahuë. Ocoirahuatënquëmaꞌ, piyapinëhuëpita pochin niꞌsaranquëmaꞌ. Canpitantaꞌ, casáchin chinotaramaco. Iporasoꞌ iquipitoroꞌsa chiníquën asacatatënquëma aparisitapirinënquëmahuëꞌ, ocoiaranquëmaꞌ. Ocoihuatënquëmaꞌ, Sinioroco ninahuësoꞌ nitotarama huachi. Iráca nani Apraan shaꞌhuitërahuë noꞌpaꞌ quëtaꞌhuasoꞌ. Isaco, Cacopo, inapitanta inachachin shaꞌhuitërahuë. Inaquë quëparahuatënquëma ina noꞌpa chachin ahuaꞌanëntaranquëmaꞌ. Caso Sinioroco, tënin,” itëquëꞌ, itërin.

Isaías 43:16

Siniorosoꞌ, marëquënta ira aꞌparëso pochin ninin. Paꞌpi anpo nipirinhuëꞌ, naporin.

Isaías 44:27

Cariso marë camairahuë naporini, aꞌnaroáchin yaniitonhuëꞌ. Iroꞌsantaꞌ napoꞌitonhuëꞌ.

Isaías 55:13

Sarsaroꞌsa yaꞌhuërënamën, pino nararoꞌsa aꞌshinapon. Ihuatatëroꞌsa yaꞌhuërënamën, arayan nararoꞌsa aꞌshinapon. Inapohuato: ‘¡Ma noyacha Sinioroso paya!’ tëcaponaꞌ. Ina pochin acorahuësoꞌ, yaꞌhuëmiatapon. Co incari tëranta ataꞌhuantaponhuëꞌ,” tënin Sinioro.

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

Romanos 9:17

Iráca Iquipito copirnosoꞌ co noyahuëꞌ cancantopirinhuëꞌ, Yosëri huayonin huaꞌanëntacaso marëꞌ. “Piyapinëhuëpita huaꞌanëntopiranhuëꞌ, nichaꞌësarahuë noya pipicaiso marëꞌ. Ina quëran naꞌa piyapiꞌsaꞌ nicatonaꞌ, ‘Ma noyacha Yosësoꞌ nanitaparin paya. Copirno co nohuantopirinhuëꞌ, piyapinënpita nichaꞌërin,’ tosapi,” tënin. Quiricanën quëran shaꞌhuitërinpoaꞌ.

Josué 3:16

Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi.