Isaías 61:11 - Chayahuita (Shahui)

¹¹ Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Isaías 61:11 ပူးပေါင်းရင်းမြစ်များ

Génesis 1:11

Yosë taantarin: “¡Nisha nisha sharoꞌsa papoinaꞌ! Nisha nisha panpatororoꞌsanta nisha nisha yaꞌpirihuanpisoꞌ, papoinaꞌ. ¡Nisha nisha nararoꞌsanta nisha nisha nitopisopita noꞌpaquë papoinaꞌ!” tënin. Topachina, inachachin yaꞌhuërin huachi.

Salmos 72:16

Notohuaroꞌ trico yaꞌhuërëhuaso noꞌpaquë yaꞌhuëꞌin. Motopiroꞌsa huiꞌnimotënquëpita noya noyachin. Nipano motopi tanantërinquë maꞌsha noya noyatërin. Ina pochin trico shaꞌnëhuasoꞌ noyachin. Iminoꞌsaquë pacatoro yaꞌhuërinso pochin. Ninanoroꞌsaquëntaꞌ, notohuaroꞌ piyapi naꞌain.

Salmos 72:3

Motopiroꞌsaꞌ, motopiaꞌhuaroꞌsaꞌ, inaquëpita sano yaꞌhuëatonaꞌ, noꞌtëquën yonquiꞌinaꞌ.

Isaías 45:23

Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Isaías 45:8

Cari inápa quëran piyapiꞌsa isoroꞌpaquë noꞌtëquënáchin yonquicaiso marëꞌ catahuararahuë. Catahuarahuësoꞌ, poroncayo inápa quëran anotërinso pochin nisarin. Chitoro quëran oꞌnan anotërinso pochin nisarin. Napohuachina isoroꞌpaquësoꞌ, shaꞌpisopita nitërinso pochin chaꞌëcaiso yaꞌhuëapon. Nitërinsoꞌ pirayan yancotërinso pochin noyasáchin nicacaisoꞌ yaꞌhuëapon,” itërin.

Isaías 58:11

Carima noꞌtën ira quëpatáponquëmaꞌ. Co piyapi yaꞌhuërinquëhuë niponahuëꞌ, natëaquë huarëꞌ aꞌcaponquëmaꞌ. Ca nohuanton chiníquën nisaramaꞌ. Yancoroꞌ noyá oporapitërëso pochin nisaramaꞌ. Huinan co yanirinsohuë pochin nisaramaꞌ.

Isaías 60:18

Nisha nisha maꞌsha nionpotopisoꞌ, co huachi yaꞌhuëramaquë natantaramahuëꞌ. Noꞌhuitatona ataꞌhuantopisoꞌ, tapitopisoꞌ, inapitanta co huachi natantaramahuëꞌ. Ninanonëma pairanënpitaquë: ‘Yosë nichaꞌërinpoaꞌ,’ taꞌcasoꞌ ninshitaramaꞌ. Yaꞌcoananënpitaquëntaꞌ, ‘Sinioro chinotahuaꞌ,’ taꞌcasoꞌ ninshitaramaꞌ.

Isaías 60:21

Yaꞌipi inaquë yaꞌhuëramasopita, noya nicatënëmaꞌ, natëponëmaꞌ. Noꞌpanëma huaꞌanëntomiataramaꞌ. Shanëhuë, papoyantërinso pochin nisaramaꞌ. Chini chiníquën nanantërahuësoꞌ aꞌnocaꞌhuaso marëꞌ carima noya noya acoaranquëmaꞌ.

Mateo 13:23

Aꞌnaquën piyapiꞌsaso nipirinhuëꞌ, noyaroꞌpa pochin nipi. Yosë nanamën natanahuatonaꞌ, cancanëna quëran huarëꞌ natëpi. Cara shonca, cara shonca nitërinso pochin aꞌnaquën noyamiáchin imapi. Aꞌnaquëontaꞌ saota shonca, saota shonca nitërinso pochin noya imapi. Aꞌnaquëontaꞌ pasa, pasa nitërinso pochin yaꞌipi cancanëna quëran imatonaꞌ, noya noya imapi huachi,” itërin.

Mateo 13:3

Nisha nisha pënënto nanan aꞌchintërin. Ma pochinsona nininsopita aꞌchintárin ayonquicaso marëꞌ. Aꞌchintaton, itapon: “Aꞌna quëmapi shaꞌtapon paꞌsarin.

Mateo 13:8

Aꞌnaquënso nipirinhuëꞌ noyaroꞌpaquë paꞌsarayarin. Inaquë noya papotërin. Aꞌshinpachina, shaꞌnin quëran naꞌcon naꞌcon nitërin. Aꞌnaquën cara shonca, cara shonca nitërin. Aꞌnaquën saota shonca, saota shonca nitërin. Aꞌnaquën pasa, pasa nitërin.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.