Isaías 60:5 - Chayahuita (Shahui)

⁵ Inapita nicaton, capa cancantomiataran. Marë soꞌtonoꞌsaquë yaꞌhuëpisopita, maꞌsha naꞌcon naꞌcon paꞌtërinsoꞌ quëshiarinëmaꞌ. Nisha nisha piyapiꞌsa maꞌhuanatona huaꞌanëntopisoꞌ, quëtáponëmaꞌ.

Isaías 60:5 ပူးပေါင်းရင်းမြစ်များ

Salmos 34:5

Sinioroíchin nëꞌpëhuatëhuaꞌ, capa cancantarihuaꞌ. Co onporonta topinan quëran ina ninarihuahuëꞌ.

Isaías 54:2

Nëꞌmëtë pëi apancanatohuachinara, isopopi: Co tëꞌhuatonaraihuëꞌ nëꞌmëtëroꞌsa otënpi. Noninënpita anaporopitopi. Nara paintopisopitantaꞌ, noyá paꞌhuacoraꞌpiapi. Inapopi. Inapochachin canpitantaꞌ, yaꞌhuëramaso noꞌpaꞌ apancanatocoꞌ.

Isaías 60:11

Ninanonëma yaꞌcoananënpitantaꞌ, iꞌsoatopiquëranchin nisáponaꞌ. Tahuërintaꞌ, tashintaꞌ, co oncotaponahuëꞌ. Nisha nisha nacionoꞌsaquë yaꞌhuëpisopita maꞌsharoꞌsa naꞌcon naꞌcon paꞌtërinsoꞌ, quëshiinëmaso marëꞌ napoapon. Copirnoroꞌsaꞌ, catahuarinsopita huaꞌanoꞌsaꞌ, inapita yaꞌconacaiso marëꞌ napoapon.

Isaías 61:6

Inapitasoꞌ nohuitatënquëmaꞌ: ‘Sinioro marëꞌ sacatopisopita corto huaꞌanoꞌsaꞌ,’ itaponëmaꞌ. Nisha nisha nacionoꞌsa quëran noya noya cosharo quëpisoꞌ capomaꞌ. Inapita noya noya nitapapisopitaquë, canpitanta nitapapomaꞌ.

Oseas 3:5

Ina piquëran israiroꞌsasoꞌ, Yosë chachin tahuërëtaantaponaꞌ. Naporahuaton aꞌnara Tapi copirno shiin, copirnonëna nisarin. Tahuëri yanitiquirahuachin, Sinioro noya nicatonaꞌ, chinotapi. Inapotohuachina inarintaꞌ, noya nicaton catahuaantapon.

Mateo 25:16

Aꞌnatërápo huaranca maꞌpatonaꞌpisoꞌ aꞌnaroáchin natërin. Paaton, naꞌa maꞌsha paꞌanin. Ina quëran inapita paꞌanaton, naꞌcon naꞌcon coriqui canarin. Nani tahuëri inapoaton, oshaquëran aꞌnatërápo huaranca aquëtëꞌ canaantarin.

Hechos 10:45

Ina nohuanton, nisha nisha nananquë nonsapi. Co nitotaponaraihuëꞌ, Ispirito Santo nohuanton, napoapi. “Ma noyacha Yosëso paya,” tosapi. Natanahuatonaꞌ, cotioroꞌsaꞌ Pitro caꞌtanpisopita paꞌyanpi: “Nisha piyapiꞌsaꞌ niponaraihuëꞌ, Yosë nohuanton, Ispirito Santori yaꞌcoancantërin,” topi.

Hechos 11:17

Sinioro Quisocristo imapatëhuaꞌ, Yosë nohuanton, Ispirito Santo yaꞌcoancantërinpoaꞌ. Inapitasoꞌ nisha piyapiꞌsaꞌ niponaraihuëꞌ, imapachinara, inapochachin Ispirito Santori yaꞌcoancantërin. Yosëri noya niꞌpachina, inapochachin cantaꞌ noya niꞌi, tënahuë. ¡Co casoꞌ nanitërahuëꞌ nisha yonquiaꞌhuasoꞌ! itërin Pitrori.

Hechos 24:17

Iráca Quirosarinquë yaꞌhuëpirahuëꞌ. Naꞌa piꞌipi aꞌna parti paꞌnahuë quëran iꞌhuamiáchin inaquë paantarahuë. Saꞌahuaroꞌsaꞌ nosoroato, coriqui quëtaꞌhuaso marëꞌ paꞌnahuë. Maꞌsha Yosë quëtaꞌhuaso marëntaꞌ paꞌnahuë.

Romanos 11:25

Yosë yonquirinsoꞌ iyaroꞌsaꞌ shaꞌhuichinquëmaꞌ, noꞌtëquën nitotacamaso marëꞌ. Aꞌnapita co nitotopirinahuëꞌ, ama nocantamaso marëhuëꞌ shaꞌhuitaranquëmaꞌ. “Quiyasáchin noꞌtëquën yonquirai,” ama tocosohuëꞌ. Iporasoꞌ naꞌa nisha piyapinquëmaꞌ Yosë huëntonënquë yaꞌconaramaꞌ. Yaꞌipi Yosë nohuantërinquëmasopita yaꞌconamaquë huarëꞌ naꞌa israiroꞌsaꞌ co natantochináchinhuëꞌ cancantapi.

2 Corintios 10:15

Co aꞌna piyapi aꞌchininquë paatoi, aꞌchinaihuëꞌ. Yosë aꞌparincoi noya aꞌchintaꞌhuainquëmaso marëꞌ. Naꞌcon nohuantërai noya noya imacamasoꞌ. Noya noya natëhuatamaꞌ, aquëtë huarëꞌ aꞌchintarainquëmaꞌ.

Deuteronomio 33:19

Aꞌnapita Israiro huëntonoꞌsa përaponaꞌ: ‘Huëco paꞌahua Sinioro chinotërëhuaso motopiquë, ina chinotahuaꞌ,’ taponaꞌ. Inaquë paatonaꞌ, Sinioro marëꞌ maꞌsha tëpatona chinotaponaꞌ. Paꞌanai marëꞌ, marë paꞌtohuachinaꞌ, nisha nisha nacion nonshinanoꞌsaquë maꞌsha paꞌanatona canaponaꞌ. Ina canapi quëran noya yaꞌhuëaponaꞌ,” tënin.

Apocalipsis 21:24

Inaquë nisha nisha piyapinpoaꞌ napopianachin yonquiarihuaꞌ. Noya aꞌpintarinpoaꞌ. Nisha nisha copirnoroꞌsantaꞌ isoroꞌpaquë chiníquën nanantaponaraihuëꞌ, naporoꞌ Yosëíchin yonquirapi. “Ma noyacha Yosësoꞌ catahuarinpoa paya,” tosapi.

Apocalipsis 21:26

Naporoꞌ nisha nisha piyapinpoaꞌ noya noya nicatëhuaꞌ, inaquë yaꞌhuarihuaꞌ. “Ma noyacha Yosësoꞌ niꞌton, anoyacancantërinpoa paya,” taꞌtëhuaꞌ, inasáchin yonquiarihuaꞌ.

1 Samuel 2:1

Naporoꞌ Anantaꞌ, Yosë nontaton itapon: “Sinioro yonquiato capa cancantërahuë. Yaꞌipi cancanëhuë quëran capa cancantërahuë. Achinirinco niꞌton, inimicoroꞌsa aꞌpaniaꞌhuaso nanitërahuë. Catahuarinco niꞌton, noya cancantërahuë.