Isaías 60:2 - Chayahuita (Shahui)

² Niꞌquëꞌ. Isoroꞌpasoꞌ, tashiri iꞌcopitapon. Yaráton chitorori nisha nisha piyapiꞌsa imotapon. Canpitataquëso niꞌpirinhuëꞌ, Sinioro aꞌpininso huënaratarin. Inasoꞌ, canpitataquë noya noya yaꞌnoarin.

Isaías 60:2 ပူးပေါင်းရင်းမြစ်များ

1 Reyes 8:11

Ina aꞌpininso nicatona corto huaꞌanoꞌsasoꞌ, co huachi nanitopihuëꞌ acoana sacatacaisoꞌ. Yosë huënaratërinsoari noyá aꞌpintërin niꞌton, napopi.

Salmos 80:1

Quëmasoꞌ Sinioro, ohuica huaꞌanën pochin ninan. Israiroꞌsacoisoꞌ, ohuicanënpita pochin ninai. Cosi shinpita noya aꞌpaiquëꞌ. Quiropinoꞌsa anquipisoanaquë quëmasoꞌ yaꞌhuëran. Noya nicaton Iprain, Mincamin, Manasisi, inapita huëntonoꞌsa catahuaquëꞌ. Chiníquën nanantaton nichaꞌëcoi.

Isaías 2:5

Cacopo shinpitanpoasoꞌ, ¡huëco Sinioro natëahuaꞌ! Piꞌi aꞌpininquë noya paꞌnëso pochin noya yonquiantaꞌahuaꞌ.

Isaías 58:10

tanapisopita aꞌcacaso marëꞌ sacatohuatan, aꞌnapitari aparisitërinso maꞌsha pahuantohuachin catahuahuatan, tashinantërinquë nanparin aꞌpininso pochin nisaran. Camotëchin piꞌi aꞌpininso pochin nisaran.

Isaías 58:8

Napohuatamaꞌ, noya noya yaꞌhuëarama huachi. Tahuërihuachina piꞌi aꞌpininso pochin nicapon. Nisha nisha maꞌsha onporamasopitantaꞌ, co shia noyatarinhuëꞌ. Naporoꞌ noyasáchin ninamasoꞌ, quëchitaton quëpaatë pochin nitarinquëmaꞌ. Huënaratërahuësonta imaatë pochin nitarinquëmaꞌ.

Isaías 8:22

Isoroꞌpaquënta yonípirinahuëꞌ, co insoari tëranta catahuaponhuëꞌ. Napoaton parisitatonaꞌ, nosorotáponaꞌ. Tashinanquë co napion ancantërëso pochin cancantáponaꞌ. Tahuëripirinhuë tëranta tashirárinso pochin cancantáponaꞌ.

Malaquías 4:2

Noya nicatomaco natëramacosopitaso nipirinhuëꞌ, noya coisë pochin ninahuësoꞌ, niꞌsaramaꞌ. Piꞌi aꞌpinpachina aꞌninquëchin maꞌsha quënanëso pochin niꞌsaramaꞌ. Naporoꞌ canpitaso nichaꞌësaranquëma niꞌton, capa cancantaramaꞌ. Ohuacaꞌhuaroꞌsa oncorapipi quëran iꞌsohuatohuachinara, niirëꞌnachin taꞌapiso pochin cancantaramaꞌ.

Mateo 23:19

Somaraya pochin cancantatomaꞌ, co noꞌtëquën yonquiramahuëꞌ. Co maꞌsha acopisoꞌ aquëtëꞌ yonquicasoꞌ yaꞌhuërinhuëꞌ. Artaro mini maꞌsha acopi quëran noya noya ninin. Artaroquë acopi niꞌton, Yosëri noya niꞌnin.

Mateo 23:24

Somaraya pochin cancantatomaꞌ, co noꞌtëquën aꞌchinamahuëꞌ. Niꞌcoꞌ. Canpitasoꞌ yaoꞌopatamara, ama oꞌoso tërantaꞌ oꞌocamaso marëhuëꞌ noyá panshairamaꞌ. Napoapomarahuëꞌ, camiyo aꞌnaroáchin miꞌtëramaso pochin ninamaꞌ. Yosë naꞌcon naꞌcon nohuantërinsoꞌ, co natëramahuëꞌ.

Juan 1:1

Iráca quëran huarëꞌ Yosë noninsoꞌ yaꞌhuërin, Quisocristo itërëhuasoꞌ. Tata Yosërëꞌ yaꞌhuërin. Yosë pochachin ninin antaꞌ.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

Juan 8:55

Co inasoꞌ nohuitopiramahuëꞌ, casoꞌ nohuitërahuë. Yaꞌipi noninsoꞌ natërahuë. “Co nohuitërahuëꞌ,” tënahuë naporini, canpita pochachin cantaꞌ nonpiintohuëꞌ.

Hechos 14:16

Iráca piyapiꞌsaꞌ co Yosë nohuitopihuëꞌ niꞌton, Yosëri tananpitërin inahuara yonquipisoꞌ imacaiso marëꞌ.

Hechos 17:23

Cachiquë paꞌpatora, yaꞌipi moshatëramasoꞌ niꞌnahuë. Aꞌna artaro quënanahuë. Inaquë ninshitëramaꞌ. ‘isoso yosë co nohuitopirëhuahuëꞌ, moshahuaꞌ,’ tënamaꞌ ninshitatomaꞌ. Co nohuitapomarahuëꞌ, mosharamaꞌ. Apira carinquëmaꞌ aꞌchinchinquëmaꞌ, nohuitocoꞌ.

Hechos 26:18

Nisha piyapiꞌsantaꞌ aꞌchintëquëꞌ nanamëhuë nitochinaꞌ. Somaraya pochin cancantatonaꞌ, co nohuitërinacohuëꞌ. Nanamëhuë aꞌchintohuatan, nohuitarinaco. Iporasoꞌ tashi pochin cancantopi. Nohuitohuachinaco, tahuëri pochin cancantapi. Iporasoꞌ sopai huaꞌani camaihuachina, natëpi. Aꞌna tahuërisoꞌ Yosë natërapi. Natëtonaco, imapachinaco, oshanënaꞌ Yosëri inquitarin. Yaꞌipi natërinacosopita nasha cancan quëtarahuë. Yosë piyapinënpita chachin nisapi,’ itërinco.

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

Colosenses 1:13

Iráca sopai camairinpoaꞌ. Ina natëtëhuaꞌ, tashi pochin cancantopirëhuahuëꞌ, nani Yosë nichaꞌërinpoaꞌ. Co huachi sopai natëcasoꞌ yaꞌhuërinhuëꞌ. Yosë nohuanton, huiꞌnin huaꞌanëntërinpoaꞌ. Huiꞌnin naꞌcon nosoropirinhuëꞌ, isoroꞌpaquë aꞌpaimarin.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.