Isaías 60:12 - Chayahuita (Shahui)

¹² Inso nacionquë tëranta yaꞌhuëpisopita co canpita marëꞌ yasacatohuachinahuëꞌ, taꞌhuantomiataponaꞌ.

Isaías 60:12 ပူးပေါင်းရင်းမြစ်များ

Génesis 27:29

Huaꞌhuayátërahuë piyapiꞌsa camaiquëꞌ. Nacionoꞌsanta tëꞌhuatatënën natëinënquën. Iyaparinpitanta camaiquëꞌ. Tëꞌhuatatënën inapitanta natëinënquën. Noꞌhuitënën co huachi noya yaꞌhuëcamaso marëhuëꞌ shaꞌhuitohuachinën, Yosërinta inapotarin. Inpitasona noya yaꞌhuëcaso marëꞌ shaꞌhuitohuachinën, Yosërinta inapotarin,” itërin.

Salmos 2:12

Isonama quëran huiꞌnin chinotocoꞌ. Inapotatomaꞌ, apinorantëcoꞌ. Coꞌhuara noꞌhuiyátërasënquëmahuëꞌ, inapocoꞌ. Noꞌhuihuachinquëmasoꞌ, pahuayanpiramahuëꞌ chiminaramaꞌ. Coꞌsoꞌ chinotohuatamahuëꞌ, aꞌnanaya inaso noꞌhuiarinquëmaꞌ. Ina natëtoma chinotohuatamaso nipirinhuëꞌ, tëhuënchachin noya cancantaramaꞌ.

Isaías 41:11

Noꞌhuirinënquëmasopita atapanarahuë. Chinitërinënquëmasopitantaꞌ, ataꞌhuantarahuë.

Isaías 54:15

Insosona yaahuëhuachinquën, co ca nohuanton napoarinhuëꞌ. Pashitaꞌpapirinënquëontaꞌ, quëmari minsëaran.

Daniel 2:34

Ina nicasënquën chachin motopi quëran inaora aꞌnara naꞌpi notarintërin. Inaporahuaton, nonanpisoꞌ nantëquën ohuanquimarin. Inapotohuachina yaꞌipi paꞌpan paꞌpantërin.

Daniel 2:35

Ina quëran aꞌnaroáchin yaꞌipi noꞌmoshin taranin: Huaꞌnamia, tëshiroꞌpaꞌ, shaꞌpi huaꞌna, prata, oro, inapita naporin. Piꞌipi tahuëri pintiatohuatëra, amocan quënanëso pochin taranpachina, ihuani yaꞌipi quiquirin. Co piꞌpian tëranta acorinhuëꞌ. Ohuantonaꞌpi naꞌpiso nipirinhuëꞌ, panca motopi taranahuaton, yaꞌipiroꞌpaꞌ yaꞌsotërin.

Daniel 7:18

Inapita piquëransoꞌ, Yosë chini chiníquën nanantërinsoꞌ imapisopitari, huaꞌanëntapona huachi. Inapita huaꞌanëntohuachinaꞌ, co huachi onporonta aꞌnapitari huaꞌanëntopiso matarinhuëꞌ,’ itërinco.

Zacarías 9:10

Inari israiroꞌsa ahuëtacaiso marëꞌ toronanoꞌsa yaꞌhuëtopisoꞌ, ataꞌhuantarin. Cahuarioroꞌsanta ina marëꞌ Quirosarinquë yaꞌhuërinsoꞌ, ataꞌhuantarin. Pëꞌchinanoꞌsantaꞌ, opanaꞌpiapon. Yaꞌipi nacionquë yaꞌhuëpisopita camaiton: ‘Ama huachi aquëtë quira nicosohuëꞌ,’ itarin. Aꞌna marë quëran, aꞌna marëꞌpaꞌ huaꞌanëntarin. Iopiratisiiꞌ quëran, isoroꞌpaꞌ coꞌyontërinquëꞌpaꞌ huarëꞌ napoarin,” tënin.

Mateo 21:44

Ina naꞌpi iꞌpatohuatëra, anotatëꞌ yaꞌpanëꞌ. Aꞌna tahuëriso nipirinhuëꞌ ina naꞌpiri chachin anoantohuachin, aꞌnaquën niꞌshariarin,] itërin Quisosori.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.