Isaías 6:9 - Chayahuita (Shahui)

⁹ Napotohuatora: “Paaton nipachin piyapinëhuëpita shaꞌhuitëquëꞌ: ‘Onponta nanamëhuë natanpiramahuëꞌ, co natëtaramahuëꞌ. Maꞌpitaso ninahuëso niꞌsápomarahuë tërantaꞌ, co yonquiaramahuëꞌ,’ tënin Sinioro, itonquëꞌ.

Isaías 6:9 ပူးပေါင်းရင်းမြစ်များ

Isaías 28:13

Napoaton huaꞌhuaroꞌsa quirica aꞌchintohuachinara nontopiso pochin Sinioro nontarinquëmaꞌ. Naporarama quëran aquë aquëtë pochin nisaramaꞌ. Noya paꞌsarama quëran ninantërarahuatona anotopiso pochin nisaramaꞌ. Iꞌparahuatoma anotapomaꞌ. Inapoatoma chiminapomaꞌ. Huënsonquë inaira mapiso pochin nitohuachinquëmaꞌ, co pipiaramahuëꞌ.

Isaías 42:20

Naꞌcon catahuaranquëmaso nicapomarahuëꞌ, co yanatëramacohuëꞌ. Noya natantapomarahuëꞌ, shaꞌhuitëranquëmasopita co natëtëramahuëꞌ.

Isaías 43:8

Piyapinëhuëpitaso yaꞌpirahuanaponaraihuëꞌ, somaraya pochin cancantopi. Huëratëhuanaponaraihuëꞌ, nëꞌhuërinso pochin cancantopi. Ina pochin nipirinahuëꞌ, quëantacoꞌ.

Marcos 4:12

Inapitasoꞌ co yanatërinacohuëꞌ niꞌton, natanaponaraihuëꞌ, co natëtapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ. Imarinaco naporini, oshanënaꞌ inquitahuato anoyacancanchitohuëꞌ,” itërin.

Lucas 8:10

“Yosë huaꞌanëntërinsoꞌ co aꞌnapita nitotopihuëꞌ. Canpitaso nipirinhuëꞌ yaꞌipiya aꞌchinchinquëmaꞌ Yosë nanamën noꞌtëquën nitotacamaso marëꞌ. Aꞌnapitaso nipirinhuëꞌ co yaꞌipiya aꞌchintarahuëꞌ. Pënënto nananquësáchin aꞌchintarahuë niꞌton, natanaponaraihuëꞌ, co nitotapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ,” itërin.

Juan 12:40

“Yosëri tananpitërin niꞌton, tanshirëso pochin cancantatonaꞌ, co natëtochináchinhuëꞌ cancantopi. Huaꞌquiꞌ co yanatëpihuëꞌ niꞌton, napotërin. Noya niꞌpi naporini, quënanchitonahuëꞌ. Noya natanpi naporini, natëchitonahuëꞌ. Imarinaco naporini, anoyacancanchitohuëꞌ,” tënin.

Romanos 11:8

“Yosëri tananpitërin niꞌton, huëꞌërëso pochin cancantopi. Yaꞌpirahuanaponaraihuëꞌ, co quënantërëso pochin nipihuëꞌ. Huëratëhuanaponaraihuëꞌ, co natantërëso pochin nipihuëꞌ. Ipora huantaꞌ ina pochin nisapi,” tënin Yosë quiricanënquë.