Isaías 6:7 - Chayahuita (Shahui)

⁷ Ina pënayaquë carianantonco: “Niꞌquëꞌ. Nani pënayaquë carianananquën. Napoaton co noyahuëꞌ ninansoꞌ Yosë inquitërinquën. Co noyahuëꞌ ninansopita naꞌintopirinquënhuëꞌ, inquitërinquën,” itërinco.

Isaías 6:7 ပူးပေါင်းရင်းမြစ်များ

Isaías 40:2

Noyasha nontatoma piyapinëhuëpita catahuaco chiníquën cancanchinaꞌ. Sontaro sirihuitërinso pochin nininsoꞌ, nani nanirin. Tëhuëpiso marëꞌ anaꞌintërahuësoꞌ, nani pahuërëtatë pochin nipi. Oshanëna marëꞌ nani naꞌcon naꞌcon parisitopi,” tënin.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 53:10

Sinioro nohuanton parisitaton co napion cancantarin. Piyapiꞌsa oshanëna marëꞌ ina chiminin niꞌquëhuarëꞌ, huaꞌqui tahuëri niꞌsarin. Huiꞌninpita pochin nipisopitanta niꞌsarin. Ina naporin quëran Sinioro yonquirinsopita noya naniarin.

Isaías 53:5

Napopirëhuahuëꞌ, co natantochináchinhuëꞌ cancantërëhuaso marëꞌ ina ohuanapi. Co noyahuëꞌ ninëhuasori naꞌintërin paꞌpi parisitarin. Ina anaꞌintërin quëran noya ninicatëhua yaꞌhuarihua huachi. Ohuanpisopita quëran noyatarihuaꞌ.

Isaías 53:6

Yaꞌipinpoa ohuicaroꞌsa chihuëpiso pochin ninëhuaꞌ. Canpoara yonquirëhuaso imatëhua naporëhuaꞌ. Napopirëhuahuëꞌ, Siniorori co noyahuëꞌ ninëhuaso marëꞌ inasá aparisitarin.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Mateo 9:2

Inaquë catapini quëmapiꞌsari huëcatonaꞌ, apia quëpi. Pëꞌsaraꞌhuaya pochin nininquë quëpi. Huaꞌquiꞌ co nanitërinhuëꞌ huanicasoꞌ, quëhuënárin. “Ma noya isopita natërinaco,” taꞌton, Quisosori caniaꞌpi itërin: —¡Noya cancantëquëꞌ, apiaꞌhua! Apiramiáchin quëma oshanën inquitaranquën, itërin.

1 Juan 1:7

Yosësoꞌ noyasáchin ninin. Tahuëri pochin cancantërin. Canpoantaꞌ tahuëri pochin yonquihuatëhuaꞌ, Yosë nohuitarihuaꞌ. Naporahuaton, noya niniꞌtëhuaꞌ yaꞌhuarihuaꞌ. Huiꞌnin chachin chiminin niꞌton, yaꞌipi oshanënpoaꞌ inquitarinpoaꞌ. Huënainën quëran anoyacancantarinpoaꞌ.