Isaías 6:2 - Chayahuita (Shahui)

² Nisha anquëniroꞌsa pën pochin yaꞌnopisontaꞌ, Sinioro huënsërinso aipi yanpoápopi. Aꞌnaya aꞌnaya saota saota anpiantëhuanpi: Cato anpiantëna quëran, yaꞌpirina nipaꞌcopirayatopi. Cato quërantaꞌ, taparonëna parti quëran, nonëna paꞌcopitopi. Cato quëransoꞌ yanponpi.

Isaías 6:2 ပူးပေါင်းရင်းမြစ်များ

Génesis 17:3

Naporoꞌ Apransoꞌ, isonin. Isonin quëran, noꞌpaquë huarëꞌ monshomarin. Inapoaso Yosëri shaꞌhuitaantarin:

1 Reyes 19:13

Ina natanaton, aipi aꞌmorinso quëran nipaꞌcopirayatërin. Inaporahuaton pipiintarin. Naporoꞌ Siniorori nontaton itapon: “¿Maꞌta isëquë nisaran Iniasë?” itërin.

1 Reyes 22:19

Ina quëran Micaiasësoꞌ, taantapon: —Naporanso marëꞌ Sinioro aꞌnotërincoso shaꞌhuichinquën natanquëꞌ: Sinioro huaꞌanëntacaso shiranënquë huënsëarin niꞌnahuë. Sontaronënpitantaꞌ, ina yaꞌcari huaniápopi. Inchinan quëran, ahuënan quëran huaniápopi.

1 Reyes 6:24

Aꞌnaya aꞌnaya anpiantëna cato mitro miria pochin yaꞌhuëtërin. Napoaton cato quëransoꞌ, catapini mitro miria yaꞌhuëtopi. Inapitasoꞌ inanapapiráchin nipi. Naporahuaton napopináchin yaꞌnopi.

1 Reyes 6:27

Inapitasoꞌ noya noya patoanaquë iso pochin acocaisoꞌ, Saromon camaitërin: Anpiantëna anquipi quëran acopi. Aꞌnasoꞌ, ahuënan anpiantën quëran aꞌnatëran paira caririn. Aꞌnantaꞌ, inchinan anpiantën quëran aꞌnatëran paira caririn. Yaꞌhuërëꞌ huancanachinsoꞌ, anpiantëna quëran nicaripi.

1 Reyes 8:7

Ina quiropinoꞌsasoꞌ anpiantëna quëran anquiápi. Inapoatona Yosë caposonën, naranënpita, inapita anaꞌitatë pochin nitopi.

Nehemías 9:6

Istrasëntaꞌ, Yosë nontaton tapon: “Quëmasáchin Sinioronquën. Quëmari yaꞌipi piꞌiroꞌtë acoran. Yaꞌipi yaꞌhuërinsopitarë chachin ninan. Isoroꞌpaꞌ, marë, inapitanta ninan. Yaꞌipi inaquëpita yaꞌhuërinsopitarë chachin acoran. Quëma nohuanton yaꞌipi yaꞌhuëapi. Quëma nohuanton chachin yaꞌipi nanpiapi. Piꞌiroꞌtëquë yaꞌhuërinsopita chinotarinën.

Copo naporinso' 1:6

Aꞌna tahuëri Yosësoꞌ, anquëninënpita ayontonin. Inapitarë chachin shaꞌhuirapirinpoasoꞌ anquëni itopisontaꞌ, paꞌnin.

Copo naporinso' 4:18

Inápaquë camairinsopita yaꞌhuëtërinso tërantaꞌ, piꞌpian Yosëri natërin. Co nanitërinhuëꞌ noyá natëcasoꞌ. Anquëniroꞌsantaꞌ, tëhuëpiso quënayatërin.

Salmos 103:20

Anquëniroꞌsanquëmanta chiníquën nanantapomarahuëꞌ, Sinioro chinotocoꞌ. Canpitaso ina camaihuachinquëma aꞌnaroáchin natëramaꞌ.

Salmos 104:4

Ihuanoꞌsanta comisionoꞌsa pochin acoran. Oꞌcoriroꞌsanta piyapinënpita pochin natërinën.

Salmos 89:7

Quëmasoꞌ chini chiníquën nanantëran. Paꞌpi tëꞌhuatoro yaꞌnoran. Anquëninënpita tancapitërinën.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Isaías 6:6

Naporo chachin pën pochin yaꞌnorinso anquëni, huëcapairinco. Artaro aipi pënaya yaꞌhuërinso naquëtinanquë aquëtahuaton, quëshiantërinco.

Ezequiel 1:11

Anpiantëna anquipisoꞌ, inapa poꞌtontapi. Cato quëran anpiantëna capini nicaripi. Cato quëran chachin nonëna nipaꞌshintopi.

Ezequiel 1:24

Paꞌpachinara anpiantëna quëran tënëntopisonta natanahuë. Naꞌpihuanquë pamatohuachina, tënëntërinso pochin irinin. Yosë yaꞌipi nanitaparinso nonpachina, yaꞌcaninso pochin natanahuë. Naporahuaton panca sontaroꞌsa huënton paꞌpachinara, tënëntërinso pochin natanahuë. Chiniconpachinara, anpiantëna aꞌpamapi.

Ezequiel 1:4

Huaꞌnarëso pochin norti parti quëran panca ihuan huëꞌsarin niꞌnahuë. Naporahuaton panca chitoro quëran pën pipiarin niꞌnahuë. Oꞌcoriroꞌsa pochin huënaratërarin. Yaꞌipi ina chitoro tahuitërinsoꞌ, panca huënaratarin. Pën huënaratërinso huancanantaꞌ, huaꞌna huënaratërinso pochin yaꞌnorin. Ina huancanachintaꞌ, catapini maꞌsharoꞌsa piyapi pochin niꞌtopisoꞌ, yaꞌnorin.

Ezequiel 1:6

Aꞌnaya aꞌnaya catapini catapini yaꞌpirahuanpi. Catapini catapini chachin anpiantëhuanpi.

Daniel 7:10

Ina notënan quëraontaꞌ, pancaiꞌ pochin pipirarin. Iꞌsha niponahuëꞌ, pën pochin yaꞌnorin. Notohuaroꞌ huaranca anquëniroꞌsari chinotopi. Notohuaroꞌ michon piyapiroꞌsantaꞌ, ina notënanquë huaniápopi. Coisëroꞌsa caniaritapi huachi piyapiꞌsa natanacaisoꞌ. Quiricaroꞌsanta oniriraꞌpiapi.

Daniel 9:21

Ina pochin nontasoco, aꞌnara anquëni huaꞌan yanponahuaton huëcapairinco. Iracanta huaꞌnarahuëquë quënanahuëso chachin huëꞌnin. Panca tëhuërënahuasoꞌ Yosë marëꞌ maꞌsha tëpapisoꞌ ahuiquitopi. Naporo ora pochin yaꞌnotahuatonco: “Naniri. ¿Yaꞌhuëaran? Yosë nani yonquirin catahuainquëmasoꞌ. Ina noꞌtëquën ayonquicaꞌhuanquënso marëꞌ oꞌmarahuë.

Lucas 1:10

Aꞌpësoꞌ, naꞌa piyapiꞌsaꞌ aipiran huanirahuatonaꞌ, Yosë nontapi.

Hebreos 1:7

Anquëniroꞌsaꞌ yonquiaton, quiricanën quëran Yosë tapon: “Anquëniroꞌsasoꞌ comisionëhuëpita. Cari camairahuë. Camaihuatëra, ihuan pochin aꞌnaroáchin paꞌpi. Aꞌnaquën ca nohuanto, pën pochin nipi,” tënin.

Apocalipsis 14:6

Ina quëran aꞌna anquënintaꞌ quënanahuë. Inápaquë yanponarin noya nanan shaꞌhuicaso marëꞌ. Nisha nisha piyapiꞌsaꞌ, nisha nisha nananquë nonpisopita, yaꞌipiya shaꞌhuitarin.

Apocalipsis 4:8

Nisha nisha niponaraihuëꞌ, yaꞌipiya anpiantëhuanpi. Saota saota yaꞌhuëtopi. Ina aipi, ina acopoꞌ, cato quëran chachin yaꞌpirin yaꞌhuëtopi. Inapitasoꞌ tahuërirë chachin, tashirë chachin Yosë chinotápi. Co taꞌtopihuëꞌ. Napopianachin naporapi: “¡Ma noyacha Tata Yosëso paya! ¡Noyasáchin ninin! Chini chiníquën nanantaton, yaꞌipiya huaꞌanëntarin. Iráca quëra huarëꞌ yaꞌhuërin. Ipora huantaꞌ nanpiárin. Inasoꞌ yaꞌhuërárin. ¡Ma noyacha inaso paya!” tosapi.

Apocalipsis 7:11

Inaquë Yosë chachin huaꞌanëntacasoꞌ shiranënquë huënsëarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Ina tahuirinquë notohuaroꞌ anquëniroꞌsaꞌ huaniapi. Chinotopisoꞌ natanahuatonaꞌ, inapitantaꞌ isonahuatonaꞌ, Yosë chinotapi:

Apocalipsis 8:13

Ina quëran panca onian quënanahuë. Inápaquë aꞌninquëchin yanponarin. Piyapi pochin noninsoꞌ natanahuë. —¡Maꞌhuantacha nisapi paya! Yosë aꞌpopi niꞌton, piyapiꞌsaꞌ chiníquën parisitaponaꞌ. Aꞌnapita anquëniroꞌsaꞌ pihuiantahuachina, isoroꞌpaquë yaꞌhuëpisopita aquë aquëtëꞌ parisitaponaꞌ, tënin.