Isaías 6:13 - Chayahuita (Shahui)

¹³ Pasayaꞌpi quëran shonca tëranta quëparitohuachina, inapitanta taꞌhuantaponaꞌ. Napoaponahuëꞌ, aꞌnaquën nara aꞌnëhuatëra papotaantarinso pochin, Sinioro marëꞌ nipisopitasoꞌ, yaꞌhuëantaponaꞌ,” itërinco.

Isaías 6:13 ပူးပေါင်းရင်းမြစ်များ

Génesis 22:18

Quëma natëranco niꞌton, yaꞌipi isoroꞌpaquë nacionoꞌsa yaꞌhuërinsopita, shiparinpita quëran catahuararahuë,” itërin.

Isaías 1:9

Siniorosoꞌ yaꞌipi nanitapaton, carayanpoa quëparitahuaso marëꞌ aꞌpairinpoaꞌ. Coꞌsoꞌ inaporinhuë naporini, Sotoma, Comora, inapita ninanoroꞌsa pochin, nani taꞌhuanchitërihuahuëꞌ.

Isaías 11:1

Nara motoꞌ itëquën quëran pichopitahuaton papotaantarinso pochin aꞌna tahuëri Quisi shiin copirno yaꞌconaton, huaꞌanëntapon.

Amós 5:3

Siniorosoꞌ Yosë niꞌton, napotarinquëmaꞌ: “Aꞌna Israiro ninano quëran ahuëtacaiso marëꞌ huaranca sontaroꞌsa aꞌpahuatamara, pasaíchin huënantaponaꞌ. Aꞌna ninano quëransoꞌ pasa aꞌpahuatamaꞌ, shoncaíchin huënantaponaꞌ. Napoaponahuëꞌ, noya nanpirápamaso nohuantohuatamaꞌ, ca chinotoco catahuainquëmaꞌ,” tënin Sinioro.

Malaquías 2:15

¡Ina Yosëráchin nonënpoaꞌ, ispiritonënpoaꞌ, inapita acotërinpoaꞌ! ¡Tëhuënchachin Yosësoꞌ, ina imarëhuaso capiniráchin nimacacaso nohuantërin! Huiꞌnanpoapitantaꞌ, inanquën nicacaiso marëꞌ naporin. Napoaton ispiritonëma aꞌpaiatomaꞌ, huiꞌnapitasëma sanapi manamasoꞌ, ama nonpintocosohuëꞌ.

Mateo 24:22

Yosë nohuanton, co huaꞌquiꞌ aparisitapihuëꞌ. Huaꞌquiꞌ aparisitapi naporini, yaꞌipi piyapiꞌsaꞌ taquiꞌitonahuëꞌ. Nipirinhuëꞌ, piyapinënpita nosoroaton, co nohuantërinhuëꞌ huaꞌquiꞌ aparisitacaisoꞌ. Huayoninsopita nichaꞌësarin huachi.

Marcos 13:20

Yosë nohuanton, co huaꞌquiꞌ aparisitapihuëꞌ. Huaꞌquiꞌ aparisitapi naporini, yaꞌipi piyapiꞌsaꞌ taquiꞌitonahuëꞌ. Nipirinhuëꞌ, piyapinënpita nosoroaton, co nohuantërinhuëꞌ huaꞌquiꞌ aparisitacaisoꞌ. Huayoninsopita nichaꞌësarin huachi.

Romanos 9:5

Shimashonënpitasoꞌ Yosëri chachin huayonin. Ina quëran Cristo isoroꞌpaquë oꞌmahuachina, Israiro sanapi quëran nasitërin. Inasoꞌ Yosë chachin. Yaꞌipiya huaꞌanëntërinpoaꞌ. ¡Ma noyacha inaso paya! tënëhuaꞌ. Amen.

Deuteronomio 7:6

Canpitaso nipirinhuëꞌ, Sinioroíchin chinotamaso marëꞌ nani acorinquëmaꞌ. Naꞌa nacionoꞌsa isoroꞌpaquë yaꞌhuëpirinhuëꞌ, canpitasoꞌ, ina piyapinënpita nicamaso marëꞌ huayoninquëmaꞌ,” itërin Moisësëri.