Isaías 6:11 - Chayahuita (Shahui)

¹¹ Napotohuachincora, natanahuë: “¿Onporo huaꞌquita Sinioro ina pochin cancantaponaꞌ?” itohuatora: “Ninanoroꞌsa ataꞌhuantohuachinaꞌ, tanahuantápai huarëꞌ napoapi. Pëiroꞌsaꞌ, iminoꞌsaꞌ, inaquëpitanta sacorápona huachi.

Isaías 6:11 ပူးပေါင်းရင်းမြစ်များ

Salmos 90:13

Sinioro tahuërëtaantacoi. ¡Ama huachi noꞌhuicoisohuëꞌ! Nosoroatoncoi catahuaantacoi.

Isaías 1:7

Yaꞌipi yaꞌhuëramaso noꞌpaꞌ, tananhuantárin quëparitërin. Ninanoroꞌsantaꞌ, huiquitërantarin. Inimiconëmapitanta niꞌtonëmaquë chachin shaꞌtëramasopita nitërinsoꞌ, capitërinënquëmaꞌ. Sotoma ninano ataꞌhuantopiso pochin yaꞌipi yaꞌhuëramasoꞌ taꞌhuantërin.

Isaías 32:14

Noya pëiroꞌsa yaꞌhuëtërinquëmaso patapomaꞌ. Ninanoquënta notohuaroꞌ yaꞌhuëpiramahuëꞌ, tanahuantápon. Noyá niacorapiramasopitantaꞌ, patomiatarama huachi. Tanan moraroꞌsa inaquë noya yaꞌhuëaponaꞌ. Nisha nisha pëꞌtahuaroꞌsanta inaquë coshataponaꞌ.

Isaías 35:1

Inotëroquëso co manta noyatatonhuëꞌ, sëtatë pochin noꞌpaꞌ nisárin. Napopirinhuëꞌ, Yosë nohuanton noyatohuachinaꞌ, capa ancantonaꞌpi pochin nisarin.

Isaías 60:15

Ina tahuëri nanihuachin, co huachi pataranquëmahuëꞌ. Co huachi noꞌhuiaranquëmahuëꞌ. Co huachi canpitaora quëparitaramahuëꞌ. Carima noya noya acoaranquëmaꞌ. Co huachi onporonta nishataramahuëꞌ. Napoatoma capa cancantomiatarama huachi.

Isaías 64:10

Ninanonënpitasoꞌ noya noya nipirinahuëꞌ, iporasoꞌ tanahuantápi. Inimicoroꞌsari Quirosarin ninano ataꞌhuantatona tapipi.

Miqueas 2:4

Ina tahuëri nanihuachin, sëtatona oshaapiso pochin tëhuacaiso marëꞌ cantarapiaponënquëmaꞌ: ‘Noyá ataꞌhuantërinënpoachi paya. Sinioro piyapinënpitanpoa nipirëhuahuëꞌ, iporasoꞌ aꞌnapita huaꞌanëntërinënpoaꞌ. Inapotiinënpoaso marëꞌ co incari tëranta yaꞌcopirinhuëꞌ. Noꞌpanënpoapitantaꞌ, canarinënpoasopitari nipatomatatonaꞌ, huaꞌanëntopi huachi,’ itaponëmaꞌ,” tënin Sinioro.

Miqueas 5:11

Ninanonëmapita ataꞌhuantarahuë. Noyá niacorapipiramahuëꞌ, inapotarahuë.