Isaías 58:9 - Chayahuita (Shahui)

⁹ Naporoꞌ tëhuënchinsoꞌ nontohuatamaco, aꞌpaniaranquëmaꞌ. Catahuahuanquëmaso marëꞌ chiníquën nontohuatamaco, carimantaꞌ, aꞌpanitënquëma catahuaaranquëmaꞌ. Coꞌso huachi aꞌnapita aparisitohuatanhuëꞌ, co huachi noꞌhuihuatanhuëꞌ, co huachi nonpinapihuatanhuëꞌ,

Isaías 58:9 ပူးပေါင်းရင်းမြစ်များ

Génesis 27:18

Cacoposoꞌ, paꞌpin yaꞌhuërinquë yaꞌconahuaton, nontoonin: —¡Tata! itërin. —Yaꞌhuarahuë conpa. ¿Inso huiꞌnahuënquënta quëmasoꞌ? itërin paꞌpini.

Salmos 118:5

Co napion ancantato Sinioro nontërahuë. Ina quëran natanahuatonco nichaꞌërinco.

Salmos 145:18

Chinotërinsopitasoꞌ, yaꞌcarísha quëran natanin. Tëhuënchachin nohuantatona chinotopisopita, inapotërin.

Salmos 37:4

Sinioroíchin nosoroaton capa cancantëquëꞌ. Ina nohuanton nohuantomiatëransopita natanansoꞌ, yaꞌhuëtarinquën.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Isaías 30:19

(-)

Isaías 55:6

Siniorosoꞌ, co áquë patërinpoahuëꞌ. Yonipatëhua quënanarihuaꞌ. Nontohuatëhuaꞌ, natanarinpoaꞌ.

Isaías 58:6

Ama ina pochin yonquicosohuëꞌ. Co ina pochin ayono nicacaso yaꞌhuërinhuëꞌ. Noya nicaꞌhuanquëmaso marëꞌ ayonahuatamaꞌ, isopocoꞌ: Noꞌtëquënáchin yonquirapitomaꞌ, aꞌnapitanta noya niꞌcoꞌ. Co manta onpopirinahuëꞌ catinaquëtohuachinaꞌ, parisitopi. Inapita pochin nitopisopita, iꞌshiritatë pochin nitocoꞌ. Toro asacatohuachinara, onquinënquë nara oyontopi. Ina tonpotopisoꞌ iꞌshiritatë pochin, piyapiꞌsa inapo aparisitapisoꞌ, nichaꞌëcoꞌ. Ama huachi noꞌhuitatoma piyapiꞌsa inapo aparisitocosohuëꞌ.

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Daniel 9:20

Ina pochin nontato oshanëhuë Yosë shaꞌhuitërahuë. Israiroꞌsa oshanënanta shaꞌhuitërahuë. Quirosarin marënta nontërahuë.