Isaías 58:10 - Chayahuita (Shahui)

¹⁰ tanapisopita aꞌcacaso marëꞌ sacatohuatan, aꞌnapitari aparisitërinso maꞌsha pahuantohuachin catahuahuatan, tashinantërinquë nanparin aꞌpininso pochin nisaran. Camotëchin piꞌi aꞌpininso pochin nisaran.

Isaías 58:10 ပူးပေါင်းရင်းမြစ်များ

Copo naporinso' 31:31

Piyapinëhuëpita nonpachinara, napopi: ‘Copo pëinënquë huëꞌëpatopisopitasoꞌ, naní quëran noya coshatopi,’ topi.

Salmos 37:6

Camotëchin nipachina, piꞌi noya noya aꞌpinin. Inapochachin Sinioro catahuahuachinquëmaꞌ, noya nicatoma imamiatëramasoꞌ, yaꞌnoarin.

Isaías 42:16

Somarayaroꞌsanta ira co nohuitopisohuëꞌ, quëpatarahuë. Inapita marëꞌ tashinantërinsoꞌ, tahuëriya pochin atarantarahuë. Naꞌpiro iraroꞌsantaꞌ, siminto ira pochin atarantarahuë. Onpopionta inapochin acotarahuë.

Isaías 60:2

Niꞌquëꞌ. Isoroꞌpasoꞌ, tashiri iꞌcopitapon. Yaráton chitorori nisha nisha piyapiꞌsa imotapon. Canpitataquëso niꞌpirinhuëꞌ, Sinioro aꞌpininso huënaratarin. Inasoꞌ, canpitataquë noya noya yaꞌnoarin.

Ezequiel 18:16

Co aꞌnapita aparisitërinhuëꞌ. Nihuipisopitari: ‘Pahuërëaꞌhuanquënso nitotacaso marëꞌ, iso maꞌsha quëchinquën,’ itatona yaquëtopirinahuëꞌ, co nohuantërinhuëꞌ. Co insonta ihuarinhuëꞌ. Piyapiꞌsa tanahuachina aꞌcarin. Capa aꞌmocaiso nipachina, quëtërin.

Lucas 18:22

Ina natanahuaton, Quisosori itantarin: —Isontaꞌ Yosë nohuantërin. Paaton, yaꞌipi maꞌshanënpita paꞌanconquëꞌ. Coriqui canaransoꞌ saꞌahuaroꞌsaꞌ quëtonquëꞌ. Ina quëran imaquico. Inapotohuatan, Yosëꞌpaꞌ naꞌcon canamiataran, itërin.