Isaías 58:1 - Chayahuita (Shahui)

¹ Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Isaías 58:1 ပူးပေါင်းရင်းမြစ်များ

Isaías 2:5

Cacopo shinpitanpoasoꞌ, ¡huëco Sinioro natëahuaꞌ! Piꞌi aꞌpininquë noya paꞌnëso pochin noya yonquiantaꞌahuaꞌ.

Isaías 40:6

Ina quëran napoantarin natanahuë: “Chiníquën shaꞌhuiquëꞌ,” tënin. Napohuachina cari natanahuë: “Maꞌta chiníquën shaꞌhuiꞌi,” itërahuë. “Yaꞌipi piyapiꞌsa panpatoro pochin niconpi. Iminquë yanco yaꞌhuërinso pochin co chinipihuëꞌ.

Isaías 43:27

Yaꞌnan shimashonëmaꞌ, aꞌchintërinquëmasopita, inapitanta tëhuëtatonaco oshahuanpi.

Isaías 50:1

Ina quëran Sinioro napoantarin: “Israiroꞌsanquëmaꞌ. Carimaso naꞌcon yaaꞌchintatënquëma yonípiranquëmahuëꞌ, co quënananquëmahuëꞌ. Përápiranquëmahuëꞌ, co aꞌpaniramacohuëꞌ. ‘Nihuitërinsoꞌ pahuërëtacaso marëꞌ paꞌanatë pochin nitërinpoaꞌ,’ topiramahuëꞌ. Oshahuanama niꞌton, paꞌanatë pochin nitëranquëmaꞌ. Co natantochináchinhuëꞌ cancantëramaso marëꞌ aꞌpoatë pochin nitëranquëmaꞌ. ¡Natëramaco naporini, carima nichaꞌëitënquëmahuëꞌ! Marënta camaihuatora, aꞌnaroáchin yanirin. Iꞌrosanta yanitonaꞌ, inotëro taranapi. Napohuachina, samiroꞌsanta yamorori tëpapon. Inapoatona chiminpachinaꞌ, chanataponaꞌ.

Jeremías 2:2

“Quirosarinquë yaꞌhuëpisopita nontoonquëꞌ. Chiníquën nonaton ca Sinioroco naporahuësoꞌ shaꞌhuitëquëꞌ: ‘Iráca casáchin cancantëramaco. Niꞌquëꞌ. Nanon nasha soꞌyahuachina, soꞌin naꞌcon nosororin. Ina pochin canpitanta cancantatomaꞌ, inotëro parti imaquiramaco. Inaquëso co maꞌsha tëranta shaꞌnëhuë nipirinhuëꞌ, naporamaꞌ.

Jeremías 36:9

Coaquin copirno yaꞌconinsoꞌ, aꞌnatërápo piꞌipi, iscon yoqui nisarin. Naporo tahuëri ayono nicacaiso marëꞌ camaitopi niꞌton, Sinioro marëꞌ niyontonpi. Yaꞌipi Quirosarin yaꞌhuëhuanoꞌsaꞌ, Cota huënton ninanoroꞌsaquë yaꞌhuëpisopita, inapita Yosë chinotacaso pëiquë niyontonpi.

Jeremías 6:17

Napoaton Siniorosoꞌ, aꞌpaitonaꞌpiroꞌsa pochin nininsoꞌ acorin. Aꞌpaitonaꞌpiroꞌsasoꞌ, huëhuëpiro huëꞌsarinso niꞌpachinara, pomontopi. Ina pochin nicatona pënëntonaꞌpiroꞌsasoꞌ shaꞌhuitopirinëmahuëꞌ, canpitaso co nohuantëramahuëꞌ natëtamasoꞌ.

Ezequiel 33:3

Inasoꞌ inimicoroꞌsa huëꞌsarin quënanpachin, piyapiꞌsa niyátainpichin yaꞌhuëcaiso marëꞌ pomonquë shaꞌhuitarin.

Jonás 1:2

“Ninihuisoꞌ, panca ninanoꞌ. Napoaponahuë inaquë yaꞌhuëpisopitasoꞌ, co imatonacohuë paꞌpi co noyahuëꞌ nipi. Napoaton inaquë paquëꞌ. Paꞌsahuaton ataꞌhuantaꞌhuaso yonquirahuësoꞌ, shaꞌhuiconquëꞌ,” itërin.

Tito 2:15

Ina nanan aꞌchintáquëꞌ. Noya nontaton, achinicancanquëꞌ. Co noyahuëꞌ nipachinaꞌ, chiníquën nanantaton, pënënquëꞌ. Co mashonquënhuëꞌ niponahuëꞌ, Quisocristo nanamën aꞌchintëran niꞌton, natëinënquënsoꞌ yaꞌhuërin.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.

Apocalipsis 4:1

Ina quëran inápaquë nëꞌpërahuato, quënanahuë. Yosë yaꞌhuërinquë chachin yaꞌcoana niꞌsoatërin, niꞌnahuë. Naporahuaton, inápa quëran yaꞌnan nontërincosoꞌ nontaantarinco. Tronpita pihuipiso pochin natanahuë. —Isëquë huëntaquëꞌ. Nani maꞌsha aꞌnochinquën. Aꞌna tahuëri maꞌsha onpocasoꞌ ninoto, anitotaranquën, itërinco.