Isaías 55:7 - Chayahuita (Shahui)

⁷ Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Isaías 55:7 ပူးပေါင်းရင်းမြစ်များ

Génesis 6:5

Napoaponaraihuëꞌ, paꞌpi co noyahuëꞌ cancantopi. Co noyahuëꞌ nicacaisoráchin yonquipi niꞌton, Yosëri co noyahuëꞌ niꞌnin.

Salmos 130:4

Nipirinhuëꞌ oshanëhuëi inquitërancoi niꞌton, noya nicatëinquën chinotarainquën.

Salmos 130:7

Yaꞌipi israiroꞌsanpoa Sinioro ninahuaꞌ. Inasoꞌ nosororinpoa niꞌton, noyá nichaꞌësarinpoaꞌ.

Salmos 51:1

Quëmasoꞌ Sinioro noyanquën niꞌton, nosoroco. Nosoromiatatonco oshanëhuë inquitoco.

Salmos 66:18

Co noyahuëꞌ yonquirahuë naporini, co Sinioro natëitoncohuëꞌ.

Isaías 1:19

Natëhuatamaco, sharoꞌsa noya noyatërinsoꞌ caꞌsaramaꞌ.

Isaías 31:6

Israiroꞌsanquëmaꞌ. Canpitaso co natëtomacohuëꞌ, naꞌcon tëhuëtëramaco. Inapotopiramacohuëꞌ, huëco casáchin natëantaco.

Isaías 32:7

Apiroꞌsasoꞌ, monatacaiso marëꞌ maꞌpitaso nipi. Paꞌpi co noyahuëꞌ nicacaisoꞌ yonquirápi. Popriroꞌsa nonpintatona ihuapi. Noꞌtëquën catahuacaiso marëꞌ natantopirinahuëntaꞌ, co catahuapihuëꞌ.

Isaías 40:2

Noyasha nontatoma piyapinëhuëpita catahuaco chiníquën cancanchinaꞌ. Sontaro sirihuitërinso pochin nininsoꞌ, nani nanirin. Tëhuëpiso marëꞌ anaꞌintërahuësoꞌ, nani pahuërëtatë pochin nipi. Oshanëna marëꞌ nani naꞌcon naꞌcon parisitopi,” tënin.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Isaías 44:22

Tëhuëtatomaco oshahuanamasopita inquitëranquëmaꞌ. Chitoro inquirinso pochin inapita ayatërahuë. Carima nichaꞌëranquëma niꞌton, ca chachin tahuërëtaantaco,” tënin.

Isaías 54:10

Motopiroꞌsa nacontopirinahuë tërantaꞌ, motopiaꞌhuaroꞌsanta nipaꞌtanpirinahuë tërantaꞌ, nosororanquëmasoꞌ, inachachin nisápon. Noya ninicatëhua yaꞌhuëcaso marëꞌ, nani canpitaroꞌco anoyatërahuë. Naporëhuasoꞌ, co onporo tapiarahuëꞌ. Sinioro nosororinquëmaso naporin,” tënin.

Isaías 54:8

Aꞌnanaya noꞌhuitó tënahuëquë, naꞌpitatë pochin nitëranquëmaꞌ. Napoaporahuëꞌ, co huaꞌqui marëꞌ naporahuëꞌ. Nosoromiatatënquëmaꞌ, yonquiantaranquëmaꞌ,” tënin Sinioro nichaꞌërinquëmasoꞌ.

Isaías 58:6

Ama ina pochin yonquicosohuëꞌ. Co ina pochin ayono nicacaso yaꞌhuërinhuëꞌ. Noya nicaꞌhuanquëmaso marëꞌ ayonahuatamaꞌ, isopocoꞌ: Noꞌtëquënáchin yonquirapitomaꞌ, aꞌnapitanta noya niꞌcoꞌ. Co manta onpopirinahuëꞌ catinaquëtohuachinaꞌ, parisitopi. Inapita pochin nitopisopita, iꞌshiritatë pochin nitocoꞌ. Toro asacatohuachinara, onquinënquë nara oyontopi. Ina tonpotopisoꞌ iꞌshiritatë pochin, piyapiꞌsa inapo aparisitapisoꞌ, nichaꞌëcoꞌ. Ama huachi noꞌhuitatoma piyapiꞌsa inapo aparisitocosohuëꞌ.

Ezequiel 33:11

Napopiramahuëꞌ, caso Sinioroco niꞌton, noꞌtëquën shaꞌhuitaranquëmaꞌ. Co caso nohuantërahuë co noyahuëꞌ nipisopita chiminacaisoꞌ. Co noyahuëꞌ nipiso aꞌporahuatona nanpicaisoꞌ nohuantërahuë. Israiroꞌsanquëmaꞌ, co noyahuëꞌ ninamasopita aꞌpocoꞌ. Ama chiminacamaso nohuantocosohuëꞌ,’ tënin Sinioro, itëquëꞌ,” itërinco.

Daniel 4:27

Napoaton carinquën pënëinquën: Noꞌtëquënáchin nicaton, ama huachi aquëtë oshahuaantaquësohuëꞌ. Co noyahuëꞌ ninansopitanta aꞌporahuaton, popriyatopisopita catahuacaso cancantëquëꞌ. Tapona inaporanso marëꞌ noya yayaꞌhuërápiranhuëꞌ,” itërinco.

Jonás 3:10

Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Mateo 9:13

Oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitasoꞌ: “Quiyasoꞌ co oshahuancoihuëꞌ,” topiso marëꞌ co naꞌcon aꞌchintërahuëꞌ. Paatomaꞌ, Yosë quiricanën noya nitotocoꞌ noꞌtëquën yonquicamaquë. Inaquë iráca ninshitopi: “Aꞌnaquën topinan quëran chinotatonaco oshanëna marëꞌ maꞌsha tëpapirinahuëꞌ, co aꞌnapita nosoropihuëꞌ. Nosorotacasoꞌ naꞌcon naꞌcon nohuantërahuë,” tënin Yosë, itërin Quisosori.

Marcos 7:21

Acopoꞌ cancanëma quëran co noyahuëꞌ yonquiramasopita pipirin. Co noyahuëꞌ yonquihuatamaꞌ, monshihuanamaꞌ, ihuatëramaꞌ, tëpatëramaꞌ.

Marcos 7:23

Co noyahuëꞌ yonquihuatamara, ina pochin ninamaꞌ. Ina marëꞌ oshahuanamaꞌ, itërin Quisosori.

Lucas 15:10

Inapochachin aꞌna piyapi tërantaꞌ co noyahuëꞌ yonquirinsopita naniantohuachin, anquëniroꞌsantaꞌ noya cancantapi,” itërin.

Lucas 15:24

Iso huiꞌnahuë chiminin pochin niponahuëꞌ, iporasoꞌ yaꞌnoantarin. Ayatë pochin nipirinhuëꞌ, iporasoꞌ niantarahuë,’ itërin. Ina quëran pita nisapi.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Hechos 26:20

Tamascoquë yaꞌhuëpisoꞌton shaꞌhuitërahuë. Ina quëran Quirosarinquëntaꞌ shaꞌhuiantarahuë. Yaꞌipi Cotia partintaꞌ inachachin shaꞌhuiantarahuë. Nisha piyapiꞌsantaꞌ aꞌchintërahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtaantacoꞌ. Tëhuënchachin imapatamaꞌ, noya nisaramaꞌ,’ itërahuë.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

Santiago 1:15

Ipora huantaꞌ piꞌpian co noyahuëꞌ yonquirëhuaꞌ. Co aꞌnaroáchin naniantohuatëhuahuëꞌ, co noyahuëꞌ nisarëhuaꞌ. Naporahuatëhuaꞌ, oshahuanarëhuaꞌ. Oshahuanpatëhuaꞌ, chiminpatëhuaꞌ parisitomiatarëhuaꞌ. Niꞌcoꞌ. Sanapi huaꞌhuanpachina, oshaquëran oshaquëran huaꞌhuin nanihuachina, huairin. Inapochachin co noyahuëꞌ yonquihuatëhuaꞌ, oshaquëran oshaquëran co noyahuëꞌ nisarëhuaꞌ. Ina marëꞌ oshahuanarëhuaꞌ.