Isaías 55:5 - Chayahuita (Shahui)

⁵ Natanco israiroꞌsanquëmaꞌ. Canpitaso nisha piyapiroꞌsa co nohuitapomarahuëꞌ, përasaramaꞌ. Nisha nisha nacionoꞌsaquë yaꞌhuëpisopita co nohuitopirinëmahuëꞌ, taꞌarëꞌnachin huëcapaiarinënquëmaꞌ. Caso Sinioroco noya niꞌnanquëma niꞌton, napotarinënquëmaꞌ,” tënin Sinioro.

Isaías 55:5 ပူးပေါင်းရင်းမြစ်များ

Génesis 49:10

Co inso tëranta huaꞌan quëran, quëmasoꞌ Cota, ocoiarinënhuëꞌ. Huara sëꞌquëranso co insonta mataponënhuëꞌ. Huaꞌanën chachin oꞌmaquë huarëꞌ co nanitapaponënhuëꞌ. Ina oꞌmahuachin, yaꞌipi nacionoꞌsari natëpona huachi.

2 Samuel 22:44

Piyapinëhuëpita chachionta chinitopirinacohuëꞌ, nichaꞌëranco. Nisha nisha nacionoꞌsa huaꞌanëntërahuë quëran co ocoirancohuëꞌ. Co nohuitërahuësopitantaꞌ, natërinaco.

Isaías 45:14

Naquëranchin Siniorosoꞌ israiroꞌsa nontaton itapon: “Iquipitoquë imin camayoroꞌsa yaꞌhuërinsoꞌ, Itiopiaquë nicatonoꞌsa yaꞌhuërinsoꞌ, Sapaquë yaꞌhuëpisopitanta naporopi mashoráchin nicaponaraihuëꞌ, tëꞌhuataponënquëmaꞌ. Tëꞌhuatatënëmaꞌ, canpitarë anoyataponaꞌ. Inapoatoma canpita piquëran pacacaiso marëꞌ, catinaquëtaramaꞌ. Isonahuatona nosorochináchin nontaponënquëmaꞌ: ‘Canpitasáchin Yosë catahuarinquëmaꞌ. Co aꞌna ina pochin yaꞌhuërinhuëꞌ,’ itarinënquëmaꞌ,” itërin.

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Isaías 45:23

Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Isaías 49:12

¡Niꞌcochi huachi! ¡Paꞌpi áquë quëran huëꞌsapi! Aꞌnaquën norti parti quëran, aꞌnaquëonta piꞌi yaꞌconinso parti quëran, aꞌnapitanta Sinin noꞌpa quëran huëꞌsapi.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Isaías 52:15

Naꞌa nisha nisha piyapiroꞌsa nisha nisha parti yaꞌhuëpisoꞌ, inari oshanën inquitaton noya acoantarin. Napoaton copirnoroꞌsarinta niꞌpachinara, tachianantaponaꞌ. Co incari tëranta shaꞌhuitërinsohuëꞌ niꞌsapi niꞌton, napoaponaꞌ. Co onporonta natanpisohuëꞌ nitotapi niꞌton, napoaponaꞌ,” tënin.

Isaías 55:4

Nisha nisha piyapiroꞌsa naporahuësoꞌ shaꞌhuitacaso marëꞌ, cari ina acorahuë. Nisha nisha parti yaꞌhuëpisopita huaꞌanëntaton aꞌchintacaso marëꞌ acorahuë.

Isaías 60:5

Inapita nicaton, capa cancantomiataran. Marë soꞌtonoꞌsaquë yaꞌhuëpisopita, maꞌsha naꞌcon naꞌcon paꞌtërinsoꞌ quëshiarinëmaꞌ. Nisha nisha piyapiꞌsa maꞌhuanatona huaꞌanëntopisoꞌ, quëtáponëmaꞌ.

Isaías 60:9

Panca nancharoꞌsa napopináchin huëcatona naporiapi. Tarsis ninanoquë nipisopita quëchitëriapi. Aquë quëran Quirosarin yaꞌhuëhuanoꞌsa quësapi. Oronënaꞌ, pratanënaꞌ, inapitarë chachin huëꞌsapi. Sinioro noya nicatona quëtacaiso marëꞌ napoapi. Inasoꞌ Yosë noyasáchin ninin. Napoaton Israirori chinotërin Ina mini noya noya acoarinquëma huachi.

Oseas 1:10

Napoaponahuëꞌ, aꞌna tahuëri israiroꞌsaso notohuaroꞌ naꞌaponaꞌ. Marë yonsanquë inotëraꞌhuaya yaꞌhuërinso pochin naꞌaponaꞌ. Co incari tëranta pichicasoꞌ nanitaponhuëꞌ. Iporasoꞌ pënënatënquëma shaꞌhuitëranquëmaꞌ: ‘Canpitaso co piyapinëhuëpitanquëmahuëꞌ,’ itëranquëmaꞌ. Naporoso nipirinhuëꞌ: ‘Canpitaso huiꞌnahuëpitanquëmaꞌ. Caso Yosëco nanpito napotaranquëmaꞌ,’ itaranquëmaꞌ.

Lucas 24:26

Cristo parisitacasoꞌ yaꞌhuërin. Nani parisitohuachina, naporo huarëꞌ Yosëꞌpaꞌ noya noya acoarin huachi, itërin Quisosori.

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Hechos 3:13

Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ.

Hechos 5:31

Inapotahuaton, inchinanën quëran acorin. Inasoꞌ huaꞌanënpoaꞌ niꞌton, natëcaso yaꞌhuërin. Nóya nicaton yaꞌipi israiroꞌsanpoaꞌ nichaꞌëinpoaso marëꞌ acorin. Co noyahuëꞌ yonquirëhuasopita naniantohuatëhuaꞌ, oshanënpoaꞌ inquitarinpoaꞌ.

Romanos 15:20

Insëquësona aꞌna piyapiri aꞌchintohuachina, co inaquësoꞌ aꞌchinahuëꞌ. Co Quisocristo nohuitopiquëhuëꞌ paꞌnahuë. Ina marëꞌ acorinco niꞌton, inaporinquëráchin aꞌchinaꞌhuasoꞌ nohuantërahuë.

Efesios 2:11

Isontaꞌ iyaroꞌsaꞌ yonquicoꞌ. Iráca co piꞌpian tërantaꞌ Yosë nohuitëramahuëꞌ. Canpitasoꞌ nisha piyapiꞌsanquëmaꞌ niꞌton, cotioroꞌsaꞌ nocaninënquëmaꞌ. “Quiyasoꞌ Yosë piyapinënpitacoi. Canpitasoꞌ co marca tërantaꞌ nonëmaquë niacotëramahuëꞌ,” itërinënquëmaꞌ.

Efesios 3:5

Iráca co iso nanan nitotopihuëꞌ. Iporasoꞌ Quisocristo acorincoisopita nitotërai. Pënëntonaꞌpiroꞌsantaꞌ nitotopi. Ispirito Santo anitotërincoi aꞌchinaꞌhuaiso marëꞌ.

Hebreos 5:5

Quisocristontaꞌ co inaora nohuanton, corto huaꞌan chini chiníquën nanantërinsoꞌ yaꞌconinhuëꞌ. Yosëri noya nicaton, itapon: “Quëmasoꞌ huiꞌnahuë chachinquën. Ipora chachin acoaranquën piyapiꞌsaꞌ anohuitancoso marëꞌ,” itërin. Quiricanënquë chachin naporin.

1 Pedro 1:11

Ispirito Santo nohuanton, iráca Cristo ninopi. “Parisitapon. Ina quëran nanpiantarahuaton, noya noya yaꞌhuapon,” topi ninotonaꞌ. Napoatonaꞌ, yonquiapi. “¿Ma quëmapitaꞌ oꞌmaton, parisitapon? ¿Onporotaꞌ parisitaponsoꞌ?” topi.