Isaías 55:11 - Chayahuita (Shahui)

¹¹ Inapochachin nonahuësontaꞌ, co topinan caquë huënantarinhuëꞌ. Inasoꞌ, ca nohuantërahuëso nisarin. Maꞌsona camairahuëso nisarin.

Isaías 55:11 ပူးပေါင်းရင်းမြစ်များ

Isaías 40:8

Panpatorosoꞌ, yaniconin. Yancoroꞌsanta ahuiconin. Sinioro nanamënso napoaponahuëꞌ, yaꞌhuëmiatarin, tëquëꞌ,” itërinco.

Isaías 45:23

Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Isaías 46:10

Tahuëri caniaritërin quëran huarëꞌ taꞌhuantacaisoꞌ shaꞌhuitërahuë. Aꞌna tahuëri maꞌsona onpocaisoꞌ iráca quëran huarëꞌ shaꞌhuitërahuëꞌ. Maꞌpitasona nicaꞌhuasoꞌ yonquihuatora, ina inachachin nisarin. Maꞌsona nicaꞌhuasoꞌ yonquirahuësopita, nisarahuë.

Isaías 53:10

Sinioro nohuanton parisitaton co napion cancantarin. Piyapiꞌsa oshanëna marëꞌ ina chiminin niꞌquëhuarëꞌ, huaꞌqui tahuëri niꞌsarin. Huiꞌninpita pochin nipisopitanta niꞌsarin. Ina naporin quëran Sinioro yonquirinsopita noya naniarin.

Isaías 54:9

Ina quëran Sinioro taantarin: “Pacon paꞌninso piquëran iráca Noi shaꞌhuitërahuë: ‘Caso Yosëco niꞌto, noꞌtëquën shaꞌhuitaranquën. Ipora quëran huarëꞌ co huachi iso pochin pacon isoroꞌpaꞌ imotaantaponhuëꞌ,’ itërahuë. Ina napotërahuëso chachin canpitanta shaꞌhuitaranquëmaꞌ. Co huachi noꞌhuiantaponquëmahuëꞌ. Co huachi maꞌsha onpotaꞌhuanquëmasoꞌ, shaꞌhuitaantaponquëmahuëꞌ.

Jeremías 1:11

Naquëranchin Sinioro shaꞌhuitaantarinco: “¿Maꞌta niꞌnan?” itohuachincora: “Niꞌto sëꞌpa quëran huara nipisoꞌ niꞌnahuë,” itërahuë.

Jeremías 1:12

“Noꞌtëquën niꞌnan. Nonahuësopita aꞌnaroáchin ananicaꞌhuaso marëꞌ carinta yonquirápo,” taantarin.

Jeremías 1:13

Naquëranchin Sinioro nataantarinco: “¿Maꞌta niantaran?” itaantarinco. “Huëꞌëtaquë inpitaponahuëꞌ, norti parti quëran tahuanahuaton yanoporin,” itërahuë.

Jeremías 23:20

Ca Sinioroco noꞌhuitërahuësoꞌ, co copi tapohuëꞌ. Nohuantërahuësoꞌ naniquëhuarëꞌ, inachachin nisápon. Tahuëri nanihuachin, inapita canpitanta yonquiapomaꞌ. Ina yonquiatomaꞌ: ‘Tëhuënchachin noꞌtëquën Sinioro sacatërin,’ tëcapomaꞌ.

Amós 6:11

Sinioro chachin panca pëiroꞌsa yaꞌhuërinsopita, ataꞌhuantacaiso camaitapon niꞌton, inapoaponaꞌ. Huaꞌhuishin pëiroꞌsantaꞌ, inapotacaiso camaitapon. Napohuachina, yaꞌipi pëiroꞌsa taꞌhuantapon.

Números 23:19

Yosëso co canpoa pochinhuëꞌ. Co nisha nisha nonaton nonpininhuëꞌ. Maꞌsona topachina, inachachin nisarin. Catahuatacaso shaꞌhuihuachina, catahuatërin.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Juan 6:63

Ispirito Santoráchin ananpimiatarinquëmaꞌ. Piyapiꞌsaꞌ inahuara co nanitapihuëꞌ. Yosë yonquirinso chachin shaꞌhuitëranquëmaꞌ. Ina natëhuatamaꞌ, Yosë nohuitatomaꞌ nanpimiataramaꞌ.

Romanos 10:17

Quisocristo nanamën natanacasoꞌ yaꞌhuërin. Natanpatëhuaꞌ: “Noꞌtëquën nonin,” topatëhuaꞌ, natëtarihuaꞌ.

1 Corintios 1:18

Aꞌchinpatëra, “Quisocristo corosëquë chiminin nichaꞌëinpoaso marëꞌ,” itërahuë. Aꞌnaquën natanpachinara, tëhuapi. Naporinsopita chiminpachinaꞌ, parisitomiatapi. Canpoaso nipirinhuëꞌ noya natanëhuaꞌ. Nani Yosë anoyacancantërinpoaꞌ. Yosëíchin nanitaparin nichaꞌëinpoasoꞌ.

Deuteronomio 32:2

Aꞌchinahuësoꞌ, oꞌnan pochin nicapon. Nonahuësonta poroncayo pochachin nisarin. Aca motoꞌ oꞌnani pacatoro shipitërinso pochin nicapon. Panpatoro iꞌshaquë taꞌsatërëso pochin nisarin.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

Hebreos 6:7

Niꞌcoꞌ. Yaꞌpirin shaꞌpatëra, oꞌnan yaꞌhuëhuachina, papotërin. Huaꞌanënsoꞌ inaquë sacatarin. Noya nitohuachina, noya cancantërin. “Yosë nohuanton, noya papotërin,” tënin.

Santiago 1:18

Inaora nohuanton, anasitaantatonpoa pochin nasha cancan quëtërinpoaꞌ. Inasoꞌ noꞌtëquën nonin. Nanamën natëhuatëhuaꞌ, huëntonënquë ayaꞌcoaninpoaꞌ. Huiꞌninpita pochachin niꞌninpoaꞌ. Canpoaꞌton anoyacancantërinpoaꞌ. Ina quëran oshaquëran naꞌayaꞌpi anoyacancantarin.

1 Pedro 1:23

Yosësoꞌ co onporontaꞌ chimininhuëꞌ. Nanpimiatarin. Inasoꞌ nasha cancan quëtërinquëmaꞌ huëntonënquë yaꞌconacaso marëꞌ. Nasitantarëso pochin noya cancantëramaꞌ. Co piyapi quëran nasitatomaꞌ huëntonënquë yaꞌconamahuëꞌ. Nanamën quëran anoyacancantërinquëmaꞌ. Nanamënsoꞌ co onporontaꞌ taꞌhuantarinhuëꞌ. Ina natëhuatëhuaꞌ, canpoantaꞌ nanpimiatarihuaꞌ.

1 Samuel 3:19

Naporarin quëran Samoiro aꞌshinin. Siniorori noya catahuarin. Yaꞌipi shaꞌhuitërinso chachin catahuarin.