Isaías 55:10 - Chayahuita (Shahui)

¹⁰ Ina quëran Sinioro taantarin: “Ocaiꞌ, oꞌnan, inapitaso inápa quëran anotërin. Napohuachina co topinan panantarinhuëꞌ. Isoroꞌpaꞌ ashipirotaton anoyatërin, yaꞌpirin apaporin, naporin. Nitohuachina, yaꞌpirin shacacaiso yaꞌhuërin. Cosharonta yaꞌhuërin huachi.

Isaías 55:10 ပူးပေါင်းရင်းမြစ်များ

Salmos 104:15

Oꞌotona noya ancantacaiso marëꞌ huinonta yaꞌhuëtopi. Yaꞌpirina tapacaiso marëꞌ tomanta yaꞌhuëtopi. Capatona chinicaiso marëꞌ paonta yaꞌhuëtopi.

Isaías 5:6

Inapotahuato patarahuë. Co incari pacarapiponhuëꞌ. Co incari yaquisëꞌpaponhuëꞌ. Nahuanoꞌsaꞌ, pacatoroꞌ, inapitari imotapon. Chitoronta camaihuato, co inaquë oꞌnanaponhuëꞌ,” tënin nosororahuësoꞌ.

Isaías 61:11

Sharoꞌsa noꞌpaquë pichopitërin. Yanco namënën iꞌtorohuatëra, papoyantërin. Inapochachin Sinioronta noꞌtëquënáchin nininsoꞌ aꞌnoarin. Ina marëꞌ yaꞌipi nacionoꞌsaquë: “¡Ma noyacha Sinioroso paya!” taꞌtonaꞌ, cantaponaꞌ.

Ezequiel 34:26

Huaꞌanëntaꞌhuaso marëꞌ motopi acorahuësoꞌ tahuirinquë, ohuicanëhuëpita acoarahuë. Cari chachin catahuaarahuë niꞌton, nohuantasoi chachin oꞌnan yaꞌhuëtaponaꞌ.

Oseas 2:21

Ina quëran Sinioro shaꞌhuitaantatonco: “Naporo tahuëriꞌsa israiroꞌsa nontohuachinaco, aꞌnaroáchin catahuararahuë. Inapita nohuitato ‘Quisiriro’ itarahuë. Quisirirosoꞌ, Yosë shaꞌtërinsoꞌ tapon naporin. Ca nohuanton Israiro noꞌpaquë oꞌnanapon. Ca nohuanton sharoꞌsanta papotaton noyatapon. Opa, oripo, inapitanta nitaponaꞌ. Piyapinëhuëpita pan, tomaꞌ, huino, inapita yaꞌhuëtacaiso marëꞌ napoarahuë. Ca Sinioroco shaꞌhuitaranquën.

Deuteronomio 32:2

Aꞌchinahuësoꞌ, oꞌnan pochin nicapon. Nonahuësonta poroncayo pochachin nisarin. Aca motoꞌ oꞌnani pacatoro shipitërinso pochin nicapon. Panpatoro iꞌshaquë taꞌsatërëso pochin nisarin.

Apocalipsis 11:6

Iráca pënëntonaꞌpiroꞌsaꞌ nani maꞌsha nipi piyapiꞌsaꞌ ayonquicaiso marëꞌ. Inapochachin catoyaꞌpi Yosëri aꞌparinsoꞌ, nani maꞌsha nanitapaapi. Yosë nontahuachinaꞌ, co oꞌnanaponhuëꞌ. Inapotatonaꞌ, pënëntáponaꞌ. Tëquëiontaꞌ nontahuachinaꞌ, huënaiꞌ taranapon. Ina quëran Yosë nohuanton, nisha nisha canioroꞌsaꞌ acorapi Yosë yonquicaiso marëꞌ.