Isaías 54:4 - Chayahuita (Shahui)

⁴ Ama tëꞌhuacosohuëꞌ. Co tapanamasoꞌ yaꞌhuëaponhuëꞌ. Co noꞌhuiponënquëmahuëꞌ. Nanon pochin nicapoma tapanamasoꞌ, naniantaramaꞌ. Quëyoron pochin nicapoma taparo ninamasoꞌ, co huachi yonquiaramahuëꞌ.

Isaías 54:4 ပူးပေါင်းရင်းမြစ်များ

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Isaías 50:7

Sinioro catahuarinco niꞌton, noꞌhuipirinacohuëꞌ, co manta tënahuëꞌ. ‘Co atapanarinacohuëꞌ,’ taꞌto chiníquën cancantërahuë.

Isaías 54:14

Noꞌtëquënáchin nicatona chiníquën nanantaponaꞌ. Co inso tëranta huaꞌanëntarinquëmahuëꞌ niꞌton, co tëꞌhuaramahuëꞌ. Co tëꞌhuaatoma nisha nisha yonquiaramahuëꞌ.

Isaías 61:7

Canpitasoꞌ inimiconëmapita naꞌcon naꞌcon noꞌhuitënëmaꞌ, taparo nitërinëmaꞌ. Paninanoꞌsa naꞌcon naꞌcon maꞌsha quëtopiso pochin nitërënëmaꞌ. Napoaton yaꞌhuëramaso noꞌpaquë chachin naꞌcon naꞌcon capa cancantomiatapomaꞌ. Paninanoꞌsa naꞌcon naꞌcon paꞌton nininsopita quëtopiso pochin nitaponëmaꞌ,” tënin.

Jeremías 31:19

Quëma aꞌporainquënso marëꞌ parisitatoi, nirótërai. “Tëhuënchachin oshahuancoi,” taꞌtoi, motoꞌ sëꞌmorai. “Maꞌhuantacha ninai paya,” taꞌtoi tapanai. Huiꞌnapitohuatëra yatëhuërëso pochin nicatoi, tëhuërai niꞌton, parisitërai,’ itarinaco.

Joel 2:21

Cota huënton noꞌpanënquë yaꞌhuëpisopita capa cancanchinaꞌ. Naporahuatona ama huachi tëꞌhuainasohuëꞌ. Sinioro chachin piyapinënpita catahuacaso marëꞌ huëhuëpiro nininsopita nisarin niꞌton, capa cancantaponaꞌ.

1 Pedro 2:6

Quiricanën quëran ina ninorin: “Yapëihuachinara, noya noya naꞌpi nohuantopi pëiꞌ achinicaso marëꞌ. Cristo ina naꞌpi pochin nisarin. Sionquë acoarahuë. Ina natëhuatamaꞌ, ‘Co naniantarinpoahuëꞌ,’ taꞌtomaꞌ, co sëtërëso pochin cancantaramahuëꞌ,” tënin Yosë quiricanënquë.