Isaías 54:17 - Chayahuita (Shahui)

¹⁷ Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Isaías 54:17 ပူးပေါင်းရင်းမြစ်များ

Copo naporinso' 1:11

Napoaponahuëꞌ, inta yaꞌipi yaꞌhuëtërinso osërëtëriquëꞌ. Inapotohuatan, aꞌninquëchin noꞌhuiarinquën, itaantarin Satanasëri.

Copo naporinso' 2:5

Inta inaora chachin maꞌsha onpotëriquëꞌ. Inapotohuatansoꞌ, tëhuënchachin noꞌhuitënquën aꞌpoarinquën, itërin.

Copo naporinso' 42:7

Siniorori ina pochin Copo nontohuachina, inarinta yonquirinso Sinioro shaꞌhuitërin. Ina piquëran Siniorosoꞌ, Irihuasë yaꞌhuërë tahuërëtaton itapon: “Quëmasoꞌ amiconënpitarëꞌquën chachin co noꞌtëquën yonquirapiramacohuëꞌ. Napoaton Copo nontohuatamara, co noꞌtëquën shaꞌhuitëramahuëꞌ. Inaso nipirinhuëꞌ, noꞌtëquën yonquirapitonco shaꞌhuirin. Napoaton iporasoꞌ, paꞌpi noꞌhuiranquëmaꞌ.

Salmos 32:6

Inapotëranco niꞌton, imarinënquënsopita nontaponën. Yacatahuatëranso tahuëriꞌsa nontaponën. Paquiitërinso pochin maꞌsha onpocaso tahuëri nanipon. Napopirinhuëꞌ, imarinënquënsopitaso sano cancantaponaꞌ.

Isaías 40:2

Noyasha nontatoma piyapinëhuëpita catahuaco chiníquën cancanchinaꞌ. Sontaro sirihuitërinso pochin nininsoꞌ, nani nanirin. Tëhuëpiso marëꞌ anaꞌintërahuësoꞌ, nani pahuërëtatë pochin nipi. Oshanëna marëꞌ nani naꞌcon naꞌcon parisitopi,” tënin.

Isaías 41:11

Noꞌhuirinënquëmasopita atapanarahuë. Chinitërinënquëmasopitantaꞌ, ataꞌhuantarahuë.

Isaías 50:8

Paꞌpoyarincosoꞌ, ca pirayan nisarin. ¡Co inso tëranta maꞌsha onpotërahuëꞌ! Inso tëranta maꞌsha onpotohuatosoꞌ, napopináchin coisëquë paꞌitoihuëꞌ. ¡Co insonta shaꞌhuirapiincoso yaꞌhuërinhuëꞌ! Yashaꞌhuirapihuachinacosoꞌ, huëꞌsahuatona shaꞌhuichinaco.

Isaías 50:9

Sinioro chachin catahuarinco niꞌton, ¡co insonta anaꞌintiincoso shaꞌhuiponhuëꞌ! Aꞌmorësoꞌ, aꞌshini pëꞌyarinso pochin, inimicotërinacosopitasoꞌ, taꞌhuantaponaꞌ,” tënin.

Isaías 54:15

Insosona yaahuëhuachinquën, co ca nohuanton napoarinhuëꞌ. Pashitaꞌpapirinënquëontaꞌ, quëmari minsëaran.

Isaías 54:16

Niꞌquëꞌ. Cari huaꞌna camayo ninahuë. Inasoꞌ, pënaya ahuënarataton sacatërin. Huaꞌna asoquirahuaton, ahuëtacaiso marëꞌ ohuarapiso ninin. Ahuëtaton tiquitonaꞌpintaꞌ, cari ninahuë. Tiquitohuachina, naꞌcon tapitërin.

Isaías 58:14

Ina pochin ina tahuëri niꞌpatamaꞌ, ca yonquiatomaco capa cancantaramaꞌ. Ahuëtatona canatohuachinara, paꞌyatacaiso marëꞌ motopiroꞌsa quëpatopi. Inapita quëpapiso pochin carimanta noya nisarama niꞌton, quëpaponquëmaꞌ. Cacopo quëran pipirama niꞌton, ina noꞌpaꞌ quëtërahuëquë noya noyatërinsopita aꞌcaponquëmaꞌ. Inapotohuatënquëmaꞌ, capa cancantarama huachi,” tënin.

Isaías 60:21

Yaꞌipi inaquë yaꞌhuëramasopita, noya nicatënëmaꞌ, natëponëmaꞌ. Noꞌpanëma huaꞌanëntomiataramaꞌ. Shanëhuë, papoyantërinso pochin nisaramaꞌ. Chini chiníquën nanantërahuësoꞌ aꞌnocaꞌhuaso marëꞌ carima noya noya acoaranquëmaꞌ.

Isaías 61:10

¡Sinioro yonquiato, capa cancantërahuë! Inasoꞌ Yosënëhuë niꞌton, acapacancaninco. Nichaꞌërinco niꞌton, naporahuë. Noꞌtëquën yonquinaꞌpi pochin acorinco. Saꞌanaꞌpi yancotë ayancotopiso pochin ninahuë. Nanonta soꞌyacaso marëꞌ nisha nishaquë nitaparinso pochin ninahuë.

Jeremías 23:6

Ina copirno nicasoꞌ, Cota huënton israiroꞌsa chaꞌëponaꞌ. Aꞌnapita israiroꞌsantaꞌ, sano cancan quëran yaꞌhuëaponaꞌ. Nininën nohuitatonaꞌ, ‘Sinioro nichaꞌërinpoasoꞌ,’ itaponaꞌ,” tënin.

Daniel 3:26

Ina quëran orno yaꞌcarirahuaton: —Satraco, Api-nico, Misaco. Canpitasoꞌ, Yosë chini chiníquën nanantërinsoꞌ piyapinënpitanquëmaꞌ. ¡Pipirahuatoma huëntaco huachi! itërin chiníquën nontaton. Napotohuachina, cara chachin pën quëran pipipi.

Daniel 6:20

Nani yaꞌcaritohuachina, co napion ancantaton: —¡Naniri. Quëmaso Yosëíchin cancantaton natëran! Inasoꞌ nanpiárin nichinapon chachin, ¿nichaꞌërinquën paꞌpiniroꞌsa quëran to? itërin.

Mateo 16:18

nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

Romanos 10:4

Iráca Moisësë pënëntërin. Iporaso nipirinhuëꞌ co ina natërëhuaso marëꞌ Yosë noya niꞌninpoahuëꞌ. Quisocristo nani oꞌmarin oshanënpoaꞌ inquitinpoaso marëꞌ. “Quisocristoíchin anoyacancantarinpoaꞌ,” topatëhuaꞌ, Yosë noya niꞌsarinpoaꞌ.

Romanos 3:22

Quisocristo imapatëhuaꞌ, Yosë noya niꞌsarinpoaꞌ. Insosona natëhuachin, anoyacancantarin. Co nisha nisha nontërinpoahuëꞌ.

Romanos 8:1

Napoaton iporasoꞌ Quisocristo imapatëhuaꞌ, co huachi anaꞌintinpoasoꞌ yaꞌhuërinhuëꞌ.

1 Corintios 1:30

Yosë nohuanton, Quisocristo imarëhuaꞌ. Imapatëhuaꞌ, yaꞌcoancantërinpoaꞌ niꞌton, yonquínahuan pochin Yosë niꞌninpoaꞌ. Naporahuaton, catahuarinpoaꞌ noꞌtëquën yonquicasoꞌ. Oshanënpoaꞌ inquitohuachinpoaꞌ, noya huachi niꞌninpoaꞌ. Nasha cancan quëtërinpoaꞌ noya nicacaso marëꞌ. Quisocristo chachin nichaꞌërinpoaꞌ.

2 Corintios 5:21

Iráca Quisocristo co mantaꞌ oshahuanaponahuëꞌ, Yosë nohuanton, yaꞌhuërëtërinpoaꞌ. Oshahuan pochin nicaton, Yosëri chiníquën anaꞌintërin. Canpoa marëꞌ chiminin niꞌton, co huachi oshahuan pochin niꞌninpoahuëꞌ. Quisocristo imapatëhuaꞌ, Yosë nóya niꞌsarinpoaꞌ.

Filipenses 3:9

Quisocristoíchin imasarahuë huachi. Co caora noya nicato chaꞌërahuëꞌ. Co pënëntërinsoꞌ natëto, chaꞌërahuëꞌ. Quisocristoíchin anoyacancantërinco, taꞌto, ina imarahuë. Imapatora, oshanëhuë inquitatonco, anoyacancantërinco. Ina quëran Yosë catahuarinco noya nicaꞌhuasoꞌ. Ina marëꞌ noya niꞌninco.

Josué 24:10

Inaso nipirinhuëꞌ, co caso nohuantërahuëꞌ inapotinëmasoꞌ. Co inapotatënquëmarahuëꞌ ca nohuanto noya yaꞌhuëcamaso marëꞌ shaꞌhuitërinquëmaꞌ. Inapotatënquëma nichaꞌëranquëmaꞌ.

2 Pedro 1:1

Ca Simon Pitroco ninshitaranquëmaꞌ, niꞌcoꞌ. ¿Noya yaꞌhuaramaꞌ? Noya cantaꞌ yaꞌhuarahuë. Quisocristoíchin huaꞌanëntërinco niꞌton, inasáchin natërahuë. Ina acorinco nanamën aꞌchinaꞌhuaso marëꞌ. Yosë nohuanton, canpitantaꞌ Quisocristo natëramaꞌ. Quiya pochin imaramaꞌ niꞌton, canpitantaꞌ nichaꞌësarinquëmaꞌ. Ma noyacha Quisocristo anoyacancantërinpoa paya, tënëhuaꞌ. Inasoꞌ Yosë niꞌton, chinotërëhuaꞌ. Oshanënpoaꞌ inquitatonpoaꞌ, nóya niꞌninpoaꞌ. Napopianachin nosororinpoaꞌ niꞌton, catahuarinquëmaꞌ canpitantaꞌ cancanëma quëran huarëꞌ natëcamasoꞌ.

Apocalipsis 12:10

Ina quëran inápaquë chiníquën noninsoꞌ natanahuë. “Tëhuënchachin sopai yaminsëpirinpoahuëꞌ, Yosë nichaꞌërinpoaꞌ. Quisocristorë chachin huaꞌanëntarinpoaꞌ. Sopairi Yosë nontaton, naꞌcon shaꞌhuirapirinpoaꞌ. ‘Oshahuanpi,’ itëraꞌpiarinpoaꞌ. Tahuërirë chachin tashirë chachin shaꞌhuirapiápirinpoahuëꞌ, nani Yosëri minsërin.