Isaías 54:16 - Chayahuita (Shahui)

¹⁶ Niꞌquëꞌ. Cari huaꞌna camayo ninahuë. Inasoꞌ, pënaya ahuënarataton sacatërin. Huaꞌna asoquirahuaton, ahuëtacaiso marëꞌ ohuarapiso ninin. Ahuëtaton tiquitonaꞌpintaꞌ, cari ninahuë. Tiquitohuachina, naꞌcon tapitërin.

Isaías 54:16 ပူးပေါင်းရင်းမြစ်များ

Éxodo 9:16

Napoaponahuëꞌ, quëmaso ca nohuanto nanpiaran. Nani acoranquën chiníquën nanantërahuësoꞌ, aꞌnotaꞌhuanquënso marëꞌ. Anaꞌintëranquënsoꞌ nitotohuachinaꞌ, yaꞌipi parti nahuinarahuë huachi.

Isaías 46:11

Piꞌi pipirinso parti aꞌnara quëmapi yaꞌhuëapon. Tahuëri nanihuachin, përápato huëꞌsarin. Inasoꞌ huëꞌpachin, panca onian áquë quëran huëꞌsarinso pochin nisarin. Yaꞌipi yonquirahuësopita inari nicapon. Maꞌsona nicaꞌhuasoꞌ nani yonquirahuë. Yonquirahuëso chachin yaꞌhuëapon.

Isaías 54:15

Insosona yaahuëhuachinquën, co ca nohuanton napoarinhuëꞌ. Pashitaꞌpapirinënquëontaꞌ, quëmari minsëaran.

Isaías 54:17

Napoaponahuëꞌ, co inso tëranta ataꞌhuantiinquëmaso marëꞌ huaꞌna acoaponhuëꞌ. Insosona shaꞌhuirapihuachinquën, quëmari acopitëraꞌpiapon. Inpitasona natëhuachinaco, ca nohuanton minsëtaponaꞌ. Sinioro chachin naporin,” tënin.

Juan 19:11

—Co Yosë nanan quëtërinquënhuëꞌ naporini, co mantaꞌ quëma nanitapaitoncohuëꞌ. Tëpahuatanco, ina marëꞌ oshahuanaran. Nipirinhuëꞌ, yoꞌconinacosopita naꞌcon naꞌcon oshahuanapi, itërin.

1 Samuel 13:19

Yaꞌipi israiroꞌsa noꞌpanënaquë co aꞌnaya tëranta huaꞌna camayo yaꞌhuërinhuëꞌ. Huiristinoꞌsaso ina nitotoroꞌsa niponaraihuëꞌ, co israiroꞌsa yaaꞌchintopihuëꞌ: “Aꞌchintohuatëhuaꞌ, inahuanta ahuëtacaiso marëꞌ sahuëniroꞌsaꞌ, nansaroꞌsaꞌ, inapita nisapi,” taꞌtonaꞌ, apiratopi aꞌchintacaisoꞌ.