Isaías 54:10 - Chayahuita (Shahui)

¹⁰ Motopiroꞌsa nacontopirinahuë tërantaꞌ, motopiaꞌhuaroꞌsanta nipaꞌtanpirinahuë tërantaꞌ, nosororanquëmasoꞌ, inachachin nisápon. Noya ninicatëhua yaꞌhuëcaso marëꞌ, nani canpitaroꞌco anoyatërahuë. Naporëhuasoꞌ, co onporo tapiarahuëꞌ. Sinioro nosororinquëmaso naporin,” tënin.

Isaías 54:10 ပူးပေါင်းရင်းမြစ်များ

2 Samuel 23:5

Napoaton cá quëran pipipisopitasoꞌ, Yosëri catahuarápon. Nani ina marëꞌ inarëꞌco anoyatomiatërahuë. Inaora chachin nanan yocaton co nonpintarincohuëꞌ. Ina nohuanton yaꞌipi inimicoroꞌsa minsërahuë. Yaꞌipi nohuantërahuësoꞌ natanpatëra, acotërinco. Ina chachin aꞌna tahuërinta nitáponco.

Salmos 46:2

Napoaton co tëꞌhuarëhuahuëꞌ. Isoroꞌpaꞌ nisha nisha nisapirinhuë tërantaꞌ, co paꞌyanarihuahuëꞌ. Motopiroꞌsa marëquëꞌpaꞌ niitohuachinaꞌ, Marë panca coꞌsacaitaton tënëntapon. Napohuachina, motopiroꞌsa nacon naconcharapon. Inapopirinhuë tërantaꞌ, co tëꞌhuatarihuahuëꞌ.

Isaías 49:10

Co huachi tanaponahuëꞌ. Co huachi yamoroaponahuëꞌ. Co piꞌiri tëranta piꞌcaton aparisitaponhuëꞌ. Cari nosoroato insëchinsona pacacaisoꞌ, aꞌnotapo. Huinanoꞌsa yaꞌhuërinquë cari quëpapo.

Isaías 54:8

Aꞌnanaya noꞌhuitó tënahuëquë, naꞌpitatë pochin nitëranquëmaꞌ. Napoaporahuëꞌ, co huaꞌqui marëꞌ naporahuëꞌ. Nosoromiatatënquëmaꞌ, yonquiantaranquëmaꞌ,” tënin Sinioro nichaꞌërinquëmasoꞌ.

Isaías 55:12

Canpitaso quëparinëma quëran, noya cancantatoma huënantaramaꞌ. Yaꞌhuëramaso noꞌpaquë chachin sano cancan quëran huënantaramaꞌ. Motopiroꞌsaꞌ, motopiaꞌhuaroꞌsaꞌ, inapitanta piyapi pochin capa cancantatona cantaponaꞌ. Yaꞌipi nararoꞌsanta piyapi pochin pincaroponaꞌ.

Isaías 55:3

Huëcapairahuatomaco noya natancoꞌ. Natanpatamaco nanpiaramaꞌ. Tapi nosoroato nani shaꞌhuitërahuë. Ina nanicaso marëꞌ canpitaroꞌco anoyatomiatarahuë.

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Isaías 61:8

Ina quëran Sinioro taantarin: “Noꞌtëquënáchin nipisopita nosororahuë. Ihuatopisoꞌ, aꞌnaratipita nicatona tëpatopisoꞌ, inapitaso co quëꞌyarahuëꞌ. Ina pochinco niꞌto piyapinëhuëpitasoꞌ, noꞌtëquënáchin acanapo. Inapitarëꞌco anoyatohuato, anoyatërahuëso yaꞌhuëmiatapon.

Isaías 63:7

Onpopinsona Sinioro nosorotërinso yonquiato, shaꞌhuiarahuë. Maꞌpitaquësona catahuarinpoaso yonquiato, cantarahuë. Israiro huënton nosoromiatërinso marëꞌ napoarahuë. Paꞌpi nosoroaton catahuarinso marëꞌ inapoarahuë.

Isaías 9:6

Canpoa marëꞌ aꞌnara quëmapiaꞌhua nasitërin. Huiꞌnanpoa Yosë quëtërinpoaso pochin aꞌnara yaꞌipiya marëꞌ quëtërinpoaꞌ. Ina mini huaꞌanëntacaso marëꞌ acorinsoꞌ. Nisha nisha quëran nohuitaponaꞌ: “Paꞌyapiro yonquirinsoꞌ.” “Co minsëchináchinhuëꞌ Yosë.” “Yaꞌhuëmiatonaꞌpi tata.” “Sano cancantonaꞌpi huaꞌan.” Ina pochinpita nohuitaponaꞌ.

Jeremías 31:36

“Piꞌi, yoqui, tayora, inapitaso ca nohuanton aꞌpinpi. Onporo tëranta co aꞌpinpihuë naporini, naporo tahuëri huarëꞌ cantaꞌ, israiroꞌsa aꞌpocaꞌhuaso nanichitohuëꞌ. Ca Sinioroco shaꞌhuitaranquëmaꞌ.

Ezequiel 34:25

Noya yaꞌhuëcaiso marëꞌ inapitaroꞌco anoyatarahuë. Ca nohuanton niꞌniroꞌsa ayapon. Ama ohuicanëhuëpita apicaiso marëhuëꞌ napoapon. Inapohuato tananoꞌsaquë topinan huëꞌëponaꞌ. Co manta tëꞌhuatapihuëꞌ.

Malaquías 2:5

Nihuiroꞌco anoyatërahuësoꞌ, noya yaꞌhuëcaso marëꞌ naꞌcon catahuarin. Naporahuaton noya aꞌpairahuë niꞌton, sano cancantërin. Tëꞌhuatatonco natëincoso marëꞌ ina pochin catahuarahuë. Inasoꞌ, tëhuënchachin tëꞌhuatatonco natërinco.

Mateo 16:18

nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

Mateo 24:35

Isoroꞌpaꞌ taꞌhuantarin. Piꞌiroꞌtëntaꞌ taꞌhuantarin. Ca nanamëhuëso nipirinhuëꞌ co onporontaꞌ taꞌhuantarinhuëꞌ. Noꞌtëquën nonahuë niꞌton, yaꞌipi shaꞌhuitëranquëmaso chachin naniarin huachi.

Mateo 5:18

Tëhuënchachin itëranquëmaꞌ. Isoroꞌpaꞌ taꞌhuantaquë huarëꞌ Yosë quiricanën iráca ninshitopisoꞌ yaꞌhuápon. Co aꞌna huiꞌsharinso tërantaꞌ topinan quëran ninshitopihuëꞌ. Yaꞌipi ninorinsoꞌ naniarin huachi.

Romanos 11:29

Nani Yosëri shaꞌhuitohuachin, inachachin nisarin. Co onporontaꞌ nisha nontarinhuëꞌ. Huëntonënquë ayaꞌconpachin, co onporontaꞌ naniantarinhuëꞌ.

Tito 3:5

Co canpoara noya ninëhuaso marëꞌ nichaꞌërinpoahuëꞌ. Inaora nohuanton, Yosë nosoroatonpoaꞌ, nichaꞌërinpoaꞌ. Amatërëso pochin yaꞌipi oshanënpoaꞌ inquitërinpoaꞌ. Oshanënpoaꞌ inquitatonpoaꞌ, anasitaantarëso pochin nasha cancan quëtërinpoaꞌ. Ispirito Santo nohuanton, ina pochin cancantërëhuaꞌ.

Hebreos 12:27

Aꞌna tahuëri mini yaꞌipi maꞌsha isoroꞌpaquë yaꞌhuërinsopita taꞌhuantarin. Maꞌsha yaꞌhuëmiatërinsoꞌ acohuachinasoꞌ, yaꞌhuëmiatarin.

Apocalipsis 6:14

Piꞌiroꞌtëntaꞌ capa nisarin. Quirica soꞌnanëso pochin co huachi yaꞌnoarinhuëꞌ. Naporahuaton, motopiroꞌsaꞌ, soꞌtonoꞌsaꞌ, inapitantaꞌ nacon nacontatonaꞌ, itopa itopa nichiꞌhuincapi.