Isaías 53:7 - Chayahuita (Shahui)

⁷ Inimiconënpitari aparisitohuachina, co manta tosarinhuëꞌ. Co piꞌpian tëranta nonsarinhuëꞌ. Carniroaꞌhua tëpacaso marëꞌ quëpapiso pochin nitapi. Oꞌhuica yaꞌicaso marëꞌ quëpahuachinara, co manta tëninsohuë pochin inantaꞌ, co manta tosarinhuëꞌ.

Isaías 53:7 ပူးပေါင်းရင်းမြစ်များ

Isaías 50:6

Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 53:6

Yaꞌipinpoa ohuicaroꞌsa chihuëpiso pochin ninëhuaꞌ. Canpoara yonquirëhuaso imatëhua naporëhuaꞌ. Napopirëhuahuëꞌ, Siniorori co noyahuëꞌ ninëhuaso marëꞌ inasá aparisitarin.

Mateo 26:63

Quisososo nipirinhuëꞌ co mantaꞌ tëninhuëꞌ, taꞌtárin. Ina quëran corto huaꞌani itantarin: —“Yosë niꞌsárinco co nonpinahuëꞌ,” taꞌton, noꞌtëquën shaꞌhuitocoi. ¿Quëmasoꞌ Cristo, Yosë huiꞌninquën chachin ti? itërin.

Marcos 14:61

Quisososo nipirinhuëꞌ, co mantaꞌ tëninhuëꞌ. Taꞌtárin. Napohuachina, naquëranchin nataantarin: —¿Quëmasoꞌ Cristo, Yosë huiꞌninquën chachin ti? itaantarin.

Marcos 15:5

Quisososo nipirinhuëꞌ, co mantaꞌ tëninhuëꞌ. Napohuachina: “Ma quëmapitaꞌ isosoꞌ niꞌton, co mantaꞌ tëninhuëꞌ,” tënin Pirato yonquiaton.

Lucas 23:9

Napoaton Quisoso canquihuachina, huaꞌquiꞌ nontopirinhuëꞌ, co aꞌpanitërinhuëꞌ. Naꞌcon natanpirinhuëꞌ, taꞌtárin.

Juan 1:29

Tahuëririnquë inaquë Quisoso huëꞌsarin. Coanshari quënanahuaton, piyapiꞌsaꞌ itërin: “Pasoꞌ quëmapi niꞌcoꞌ. Yosëri aꞌpaimarinsoꞌ. Inasoꞌ carniroaꞌhua pochin nicaton, oshanënpoaꞌ inquitiinpoaso marëꞌ chiminapon.

Juan 19:9

Yaꞌcoantarahuaton, Quisoso itapon: —¿Intohua quërantaꞌ huëꞌnan? Noꞌtëquën shaꞌhuitoco, itërin. Inariso nipirinhuëꞌ, co mantaꞌ itërinhuëꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.

Apocalipsis 5:6

Itohuachincora, Quisoso quënanahuë. Huancanachin Yosë huënsërinso yaꞌcariya huaniarin. Ansianoꞌsaꞌ, catapini maꞌsharoꞌsa pochin nininsopita, inapitari tancapitopi. Quisoso chachin niponahuëꞌ, carniroaꞌhua nani tëpapiso pochin yaꞌnorin. Canchisë pomohuan nisahuaton, canchisë yaꞌpirin yaꞌhuëtërin. Chiníquën nanantaton, canchisë ispiritoroꞌsaꞌ aꞌparin yaꞌipiroꞌpaquë nicainpoaso marëꞌ.