Isaías 52:3 - Chayahuita (Shahui)

³ Inimiconëma quëpainëmaso marëꞌ co piꞌpian tërantaꞌ, pahuërë maꞌpatërahuëꞌ. Napoaton huaꞌanëntaantaꞌhuanquëmaso marëꞌ co piꞌpian tëranta pahuërëtaꞌhuaso yaꞌhuërinhuëꞌ,” tënin.

Isaías 52:3 ပူးပေါင်းရင်းမြစ်များ

Isaías 1:27

Quirosarinquë yaꞌhuëpisopita casáchin tahuërëtaantahuachinaco, nichaꞌësarahuë. Caso noyaco niꞌto, napotarahuë.

Isaías 45:13

Pirsia copirno Siro itopiso ca nohuanton yaꞌconaton minsëtapon. Maꞌpitaso yanipachina, co sacai quëran nisáponhuëꞌ. Ina camaitërin quëran Quirosarin anoyataantaponaꞌ. Inaso ninanoꞌ, ca ninanonëhuë. Co pahuërë maꞌpataponahuëꞌ, piyapinëhuëpita quëpapisoꞌ aꞌpapon. Co manta nicanapirinahuëꞌ, aꞌpapon. Ca Sinioroco yaꞌipi nanitapato napoarahuë,” tënin.

Isaías 50:1

Ina quëran Sinioro napoantarin: “Israiroꞌsanquëmaꞌ. Carimaso naꞌcon yaaꞌchintatënquëma yonípiranquëmahuëꞌ, co quënananquëmahuëꞌ. Përápiranquëmahuëꞌ, co aꞌpaniramacohuëꞌ. ‘Nihuitërinsoꞌ pahuërëtacaso marëꞌ paꞌanatë pochin nitërinpoaꞌ,’ topiramahuëꞌ. Oshahuanama niꞌton, paꞌanatë pochin nitëranquëmaꞌ. Co natantochináchinhuëꞌ cancantëramaso marëꞌ aꞌpoatë pochin nitëranquëmaꞌ. ¡Natëramaco naporini, carima nichaꞌëitënquëmahuëꞌ! Marënta camaihuatora, aꞌnaroáchin yanirin. Iꞌrosanta yanitonaꞌ, inotëro taranapi. Napohuachina, samiroꞌsanta yamorori tëpapon. Inapoatona chiminpachinaꞌ, chanataponaꞌ.

Isaías 63:4

Inimiconëhuëpita iꞌhuërëtato, piyapinëhuëpita nichaꞌëcaꞌhuasoꞌ nani iráca chachin yonquirahuë. Ina tahuëri nanirin niꞌton, inapotërahuë.

Jeremías 15:13

Israiroꞌsaꞌ, canpitaso naꞌcon oshahuanamaꞌ. Ina naꞌin quëran maꞌshanëma paꞌton nininsopita, inimiconëmapita quëtarahuë. Yaꞌipi noꞌpanëmaquë yaꞌhuërinsoꞌ, topinan quiquitaponëmaꞌ.

Ezequiel 34:27

Nararoꞌsantaꞌ, notohuaroꞌ nitapon. Shaꞌpisopitanta huaꞌhuayátërahuë macaponaꞌ. Napoatona ohuicanëhuëpitasoꞌ, yaꞌhuëpiquë chachin co tëꞌhuarëꞌna yaꞌhuëaponahuëꞌ. Nisha nisha parti piyapinëhuëpita asacatacaiso marëꞌ quëpapirinahuëꞌ, cari nichaꞌësarahuë. Inapotohuato, ca Sinioroco ninahuësoꞌ nitotapona huachi.

1 Pedro 1:18

Iráca shimashonënpoapita topinan quëran yaꞌhuëpi. Moshatopirinahuëꞌ, co Yosë nohuitopihuëꞌ. Inapita nonanatomaꞌ, canpitantaꞌ topinan quëran yaꞌhuëpiramahuëꞌ, Yosë ocoirinquëmaꞌ ina nohuitacamaso marëꞌ. Ocoiinquëmaso marëꞌ co coriqui pahuërëtërinhuëꞌ. Huiꞌnin chachin aꞌpaimarin. Coriqui, oro, inapita aꞌna tahuëri taꞌhuantarin.