Isaías 52:10 - Chayahuita (Shahui)

¹⁰ Nisha nisha piyapiꞌsa niꞌtonënquë Sinioro chiníquën nanantërinsoꞌ aꞌnorin. Yosënënpoa nichaꞌërinpoasoꞌ, yaꞌipiroꞌpaquë yaꞌhuëpisopita nitotaponaꞌ.

Isaías 52:10 ပူးပေါင်းရင်းမြစ်များ

Copo naporinso' 40:9

¡Quëmasoꞌ co ca pochin chiníquën nanantëranhuëꞌ! Caso nonpatora, huira pochin yaꞌcanin nonahuësoꞌ. ¡Quëmaso nonpatana, co ina pochin nonanso yaꞌcaninhuëꞌ!

Salmos 22:27

Nisha nisha piyapinquëma nisha nisha nacionquë yaꞌhuëramaꞌ. Yaꞌipi parti yaꞌhuëramasopita huëcapairahuatomaꞌ, ina chinotocoꞌ. ¡Isonahuatoma chinotocoꞌ!

Isaías 11:9

Yaꞌipi huaꞌanëntërinquë noyasáchin nicaponaꞌ. Co insonta aꞌnapita maꞌsha onpotaponhuëꞌ. Marë iꞌshari mëntaitërinso pochachin yaꞌipiroꞌpaquënta Sinioro nohuitapi.

Isaías 33:13

Aquë yaꞌhuëramasopita, naporahuëso natancoꞌ. Yaꞌcaria yaꞌhuëramasopitanta naporahuëso nicatomaꞌ: ‘Tëhuënchachin Siniorosoꞌ, chini chiníquën nanantërin,’ tocoꞌ,” tënin.

Isaías 40:5

Naporoꞌ Sinioro chini chiníquën nanantërinsoꞌ aꞌnotarinpoaꞌ. Napohuachina yaꞌipi piyapiꞌsari niꞌsapi. Sinioro chachin naporin,” tapon.

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Isaías 53:1

Noya nanan shaꞌhuitërinënpoasoꞌ natanpirëhuahuëꞌ, ¡caraíchinpoa natëtërëhuaꞌ! Sinioro chiníquën nanantërinsoꞌ, ¡co insonta yanitotërinhuëꞌ!

Isaías 63:5

Niꞌpirahuëꞌ, co insonta catahuaincoso yaꞌhuërinhuëꞌ. Co yaꞌhuërinhuë nicato, paꞌyanahuë. Paꞌyanpirahuëꞌ, caora ahuëtato canatërahuë. Paꞌpi noꞌhuitërahuë niꞌton, napotërahuë.

Miqueas 5:4

Ina copirno huaꞌanëntohuachinpoasoꞌ, ohuicaroꞌsa huaꞌanëni aꞌpaiaton noya quëparinso pochin nitarinpoaꞌ. Sinioroso Yosënën niꞌton, inari chiníquën nanan quëtapon. Naporahuaton noya noya huaꞌanëntacaso catahuapon. Naporoꞌ israiroꞌsanpoasoꞌ, sano cancantarihua huachi. Sinioronta yaꞌipi isoroꞌpaquë yaꞌhuëpisopitari tëꞌhuatatona natëpona niꞌton, napoarihuaꞌ.

Lucas 2:30

Iso huaꞌhuasha nani niꞌnahuë. Nichaꞌëincoiso marëꞌ aꞌpaimaran.

Lucas 3:6

Yaꞌipi piyapinpoaꞌ nichaꞌëinpoaso marëꞌ oꞌmararin,’ tapon ina quëmapi pënëntohuachin,” tënin Isaiasë iráca ninoton. Naporinso chachin Coansha pënëntarin.

Hechos 13:47

Sinioro shaꞌhuitërincoi: “Quëmasoꞌ acoranquën nisha piyapiꞌsaꞌ aꞌchintaton anohuitancoso marëꞌ. Aꞌpintërëso pochin nanamëhuë anitotaran. Yaꞌipi parti paaton, piyapiꞌsaꞌ aꞌchintëraꞌpiapon chaꞌëcaiso marëꞌ,” itërincoi, tënin Paono.

Josué 4:24

Ina pochin shaꞌhuihuatamaꞌ, yaꞌipi isoroꞌpaquë nisha nisha piyapi nipisopita Sinioro chini chiníquën nanantërinso nitotaponaꞌ. Naporahuaton canpitantaꞌ, ‘Sinioroso Yosënënpoa niꞌton, noya nicatëhua natërápaso yaꞌhuëchinpoaꞌ,’ tosaramaꞌ,” itërin Cosoiri.

Apocalipsis 14:6

Ina quëran aꞌna anquënintaꞌ quënanahuë. Inápaquë yanponarin noya nanan shaꞌhuicaso marëꞌ. Nisha nisha piyapiꞌsaꞌ, nisha nisha nananquë nonpisopita, yaꞌipiya shaꞌhuitarin.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.