Isaías 50:7 - Chayahuita (Shahui)

⁷ Sinioro catahuarinco niꞌton, noꞌhuipirinacohuëꞌ, co manta tënahuëꞌ. ‘Co atapanarinacohuëꞌ,’ taꞌto chiníquën cancantërahuë.

Isaías 50:7 ပူးပေါင်းရင်းမြစ်များ

Salmos 110:1

Yosëri Sinioronëhuë shaꞌhuitërin: “Inchinanëhuë quëran huënsëquëꞌ. Inimiconënpita carinquën minsëchinquën,” itërin.

Isaías 42:1

Sinioro naporin: “Natanco shaꞌhuichinquëmaꞌ. Piyapinëhuë nohuitocoꞌ. Cari chachin ina achiniapo. Huayonahuëso niꞌton, nóya niꞌnahuë. Ispiritonëhuë nani ayaꞌcoancantërahuë. Noya coisë pochin nicaton, yaꞌipi nacionoꞌsa noꞌtëquën shaꞌhuitapon.

Isaías 45:17

Israiroꞌsanpoaso nipirinhuëꞌ, Sinioro nichaꞌërinpoaꞌ. Yaꞌhuëmiatacaso marëꞌ nichaꞌërinpoaꞌ. Co onporonta taparo nisarëhuahuëꞌ.

Isaías 49:23

Copirnoroꞌsanta huiꞌninpita pochin nitarinquëmaꞌ. Inahua huiꞌninpita sanapi nipisopitantaꞌ, nocomatënquëma asoꞌsoarinquëmaꞌ. Inapitasoꞌ noya nicatënëmaꞌ, moshaponëmaꞌ. Isonpi quëran noꞌpaquë huarëꞌ monshorahuatonaꞌ, canpitasáchin natëinëmasoꞌ anitotarinënquëmaꞌ. Inapoatonaꞌ: ‘Tëhuënchachin Siniorosoꞌ chini chiníquën nanantërin. Naporahuaton inasáchin ninapisopitasoꞌ, co onporonta taparo nisapihuëꞌ,’ tëcaponaꞌ,” tënin.

Isaías 49:8

Siniorori chachin napotaantarin: “Nohuantasënquën chachin catahuaranquën. Nontohuatanco natanaranquën. Yanichaꞌëranquën niꞌton, catahuaranquën chaꞌëcaso marëꞌ. Quëmá quëran israiroꞌsarëꞌco anoyataꞌhuaso marëꞌ carinquën paꞌpoyararanquën. Inapohuato, yaꞌhuëpiso noꞌpaꞌ noya noya acoantarahuë. Inimiconënapitari noꞌpanëna tapitopirinahuëꞌ, piyapinëhuëpitari chachin huaꞌanëntaantaponaꞌ.

Isaías 50:9

Sinioro chachin catahuarinco niꞌton, ¡co insonta anaꞌintiincoso shaꞌhuiponhuëꞌ! Aꞌmorësoꞌ, aꞌshini pëꞌyarinso pochin, inimicotërinacosopitasoꞌ, taꞌhuantaponaꞌ,” tënin.

Isaías 54:4

Ama tëꞌhuacosohuëꞌ. Co tapanamasoꞌ yaꞌhuëaponhuëꞌ. Co noꞌhuiponënquëmahuëꞌ. Nanon pochin nicapoma tapanamasoꞌ, naniantaramaꞌ. Quëyoron pochin nicapoma taparo ninamasoꞌ, co huachi yonquiaramahuëꞌ.

Jeremías 1:18

Ipora tahuëri carinquën acoranquën pairahuan ninano noyá niacorapipiso pochin nicacaso marëꞌ. Huaꞌnamia quëran onë nipiso pochin, shaꞌpi huaꞌna quëran paira nipiso pochin acoranquën. Inapoaton yaꞌipi Cota huëntonquë yaꞌhuëpisopita chinitaran. Copirnonënapita, huaꞌanënapita, corto huaꞌanoꞌsanënapita, inapitanta chinitaran.

Miqueas 1:2

Yaꞌipi piyapinquëma nontaranquëmaso natancoꞌ. Yaꞌipi isoroꞌpaquë yaꞌhuëramasopita noya natancoꞌ: Sinioro chachin chinotërëhuaso pëinën quëran, co noyahuëꞌ ninamasopita nicaton, shaꞌhuirapiarinquëmaꞌ.

Lucas 9:51

Nani yaꞌcaritëriarin Quisoso inápaquë panantacasoꞌ. Napoaton “Onpopiontaꞌ Quirosarinquë paꞌsarahuë huachi,” tënin.

Juan 16:33

Nani naꞌcon shaꞌhuitëranquëmaꞌ sano cancantacamaso marëꞌ. Casáchin yonquihuatamaco, sano cancantaramaꞌ. Co paꞌyanaramahuëꞌ. Piyapiꞌsaꞌ aparisitopirinënquëmahuëꞌ, catahuaranquëmaꞌ niꞌton, chiníquën cancantocoꞌ. Yaꞌipi isoroꞌpaquë co noyahuëꞌ nipisopita nani minsëarahuë, itërincoi Quisoso.

Romanos 1:16

Co casoꞌ tapanahuëꞌ Quisocristo nanamën aꞌchinaꞌhuaso marëꞌ. Piyapiꞌsaꞌ natëhuachinaꞌ, Yosëri anoyacancantarin. Inaíchin nanitaparin nichaꞌëinpoasoꞌ. Cotioroꞌsariꞌton natëhuachinaꞌ, anoyacancantarin. Iporasoꞌ nisha nisha piyapiꞌsantaꞌ anoyacancantarin. Napoaton paꞌyatërahuë nanamën shaꞌhuicaꞌhuasoꞌ.

Hebreos 13:6

Napoaton chiníquën cancantatëhuaꞌ naporëhuaꞌ: “Yosë catahuarinpoaꞌ niꞌton, co tëꞌhuarëhuahuëꞌ. ¡Piyapiꞌsaꞌ maꞌsha onpotopirinpoahuëntaꞌ, co tëꞌhuatarihuahuëꞌ!” tënëhuaꞌ.

1 Pedro 4:1

Quisocristo isoroꞌpaquë oꞌmaton, tëhuënchachin parisitërin. Napoaton canpitantaꞌ parisitohuatamaꞌ, ahuantocoꞌ. Quisocristo yonquiatëhuaꞌ, noya ahuantohuatëhuaꞌ, noya noya cancantarihuaꞌ. Co huachi oshahuanacasoꞌ paꞌyatarihuahuëꞌ.

1 Pedro 4:16

Nipirinhuëꞌ, imaramaso marëꞌ aparisitohuachinënquëmaꞌ, ama tapancosohuëꞌ. “Quisocristo imarai mini. Ma noyacha Tata Yosëso paya,” topatamaꞌ, Yosë noya niꞌsarinquëmaꞌ.